【請廣傳】
各位公關/marketing行家、客戶、contractor及所有與公關行業有關無關的朋友:
.
香港政府近日提出修訂《逃犯條例》,對於香港人的人權、言論自由和人身自由均影響深遠。果班懶醒覺得只有佢哋明而全港以至全世界無人明送中惡法嘅政府官,罔顧香港一直頼以成功的法理基礎,嚴重偏離一國兩制高度自治的原則,拂逆民意,一意強行,砌辭奪理九唔搭八,視香港前途及港人自由於不顧。
.
唔好以為「政治中立」就唔關Q你哋事,身為創作行業的一員,修訂《逃犯條例》扼殺創作自由,更為社會製造白色恐怖。轉行嗎?君不見賣書嘅店長都可以捉返大陸,依家仲更方便唔駛用自己返法返大陸,修訂《逃犯條例》後就可以有專車送達。
.
各位公關,能夠留在公關/marketing工作的人都是滿腔熱血,有心有火的人。把我們那些迫瘋Contractor的意志,一定攪得掂的信念,和幾熱都要把setup完成的身體力量全都爆發出來,參加反送中惡法遊行,以必定順利完成event的決心體力和信念,為香港站出來!
.
各位客戶,星期日你咁好意思搵我哋班公關返工覆email,不如都請你休市一日,同我哋一齊上街。若修訂《逃犯條例》一旦通過,我肯定你哋啲campaign都無運行,只有悶同埋悶同埋悶。
.
各位contractor,可能你哋仍然好慘俾我哋班公關捽你趕出design、趕print野趕做貨,攪呢攪路。但即係咁,有時你哋都會遲交貨啦,班公關會死麼?大條道理話要去遊行放一假一天,相信公關們都會與你一起同心對付客戶,遲些交貨。
.
各位記者朋友,相信唔駛我講你哋都會企出嚟,為我哋嘅自由發聲!大家加油!
.
請6 月9日一起上街反對送中惡法,為我們最愛的家發聲。
.
愛香港的公關仔敬上
#公關們起來吧 #6月9日遊行見
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...