上星期一篇文,用牛熊證街貨分析,判斷個市會反彈,結果三日挾1000點。今個星期再用牛熊證街貨分析,唔知會唔會又中呢?
=========
【異動空間】空襲當好消息炒?
敘利亞空襲一粒鐘完成,如無後續行動,個市隨時調轉當好消息炒一轉。分析牛熊證街貨,牛熊比例為56%對44%,相反理論去睇,似乎揸牛仔危啲,但分析埋重貨區,可能有另一個結論:牛仔重貨區為30100至30180,相對期指張數為1,429張,意味要向下隊700點先劏到牛;熊仔重貨區則為31300至31499,相對期指張數為1,929張。同樣向上或向下700點,但屠熊明顯和味得多,大戶條數係咪咁計?拭目以待。
然而,即使短線有得彈,但拉遠少少去睇,隱憂仍然甚多。美股業績期展開,花旗、摩通及富國等大銀行季績都好過預期,但股價全線見光死,是否代表加息的憧憬已炒過龍?如果銀行股唔掂,科技股又無起色,業績期後美股確實難有運行,間接拖埋港股落去。
另一方面,港滙落到7.85,金管局兩日接錢近百億元,本周二銀行體系結餘將降至1,701億元。如以每日接40億元計,不足20個交易日(大約1個月之後),結餘將降至1,000億樓下,屆時隨着拆息向上,加息憂慮將困擾港股。
值得留意,北水近日亦有食糊跡象,過去12個交易日,滬港通南向有8日錄得淨流出,合共走資77億人幣,並主要沽售中資金融股,特別是平保(2318),北水持股比例由3月21日的3.16%,顯著降至上周五的2.73%,難怪股價持續弱勢。
筆者為證監會持牌人,未持有上述股份權益。
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...