《醫患關係 #像極了愛情》
之前開了個post想大家分享一下就醫經歷以及對醫療服務的期望和建議，不過就成為了大家吐苦水的的post（也同時有很多正能量的comment）。
既然未能收集很多怎樣才能令就醫體驗更好的意見，那不如我說一下我的看法，如果你覺得自己practice的方法和style很好，請無視以下內容，不然也可以一起分享討論下。
【溝通很重要、溝通很重要、溝通很重要】
溝通實在太重要了，請跟我講三次。跟愛情一樣，醫患有意見不合或爭吵正常不過，但良好的溝通可以避免不少的 #我要投訴、 #我要搵律師 和 #你到底有無醫德
很多時候，醫護人員不明白到底病人想要什麼，病人不明白醫護人員到底在想什麼。Somehow香港人一般都偏向內斂，不太敢將真實想法講出來，很多時候都會避免衝突和大事化小 小事化無。
不過其實有衝突是很正常的是，良好的溝通模式其實可以將衝突完美化解成互相了解的機會。
不要說：到底你想點？
試著說：那我可以怎樣幫到你？
不要說：喂你俾得少少時間我去想，我點做決定呀？
試著說：這決定實在太重大，我需要多少少時間去消化，可以容許我想一下嗎？
不要說：你度度都有問題，我睇得邊一個？
試著說：知道你有很多地方不舒服，但門診時間非常有限，我們不如先處理最困擾你的問題。
很多時候溝通模式、語氣和態度決定一切。一但搞砸了，到是執屎和跪玻璃便更麻煩。
【#Acknowledge對方比你想像的更有影響】
醫患的interaction是雙向的，很多病人其實by default是非常reasonable的，但當條氣唔順時便會變得無咁logical和approachable。很多時候好簡單的一句acknowledgement，可以係acknowledge對方自己self monitoring得好好或者acknowledge對方體諒公立。一兩句已經可以turn the table around，例如
「公立醫院太多人，等咁耐辛苦你了，今日覆診有無咩特別唔舒服？」
「係屋企量血壓做得好好，好幫到我地評估，加油繼續努力」
「唔舒服一定唔好受，理解你嘅心情，我地一齊睇睇點樣幫到你？」
「謝謝你體諒公立醫護人員，今日只能花五分鐘睇你真係唔好意思，希望你病情繼續穩定，祝福你」
「公立醫院真係開唔到咁多藥，知道你想多d藥旁身，但制度係咁，我地都只能開咁多俾你，希望你可以理解我地嘅難處」
好多時候醫護都需要將個難處好直接好誠實咁話俾病人知，等佢地acknowledge返你嘅工作，同時都可以輕輕summarize返今日個consult做咗d咩，等佢地知五分鐘你已經做咗好多，例如
「今日覆診發現血壓高咗少少，幫你較過d藥，3個月後我地再睇睇個情況」
「公立醫院好多限制，我地盡哂所有辦法，希望幫到你」
正如之前的post提及，睇症就如睇戲，切忌爛尾。五分鐘睇症話多唔多話少唔少，只要尾段做好，成個impression即刻唔同。
【好多病人其實係 #不安】
當你日日係醫院做嘅時候自然會覺得好多嘢都理所當然，但好多病人係唔知醫院點運作，例如你叫佢等porter運佢去照imaging，佢會唔知坐係度做咩，好多時用15秒解釋返成個運作，再set好個expectation，例如人手唔夠可能要等耐少少再叫佢體諒下，個感覺已經差好多。
差嘅感覺其實好多時係源於亂諗嘢，唔知到底係到做緊咩或等緊咩。
【#Constructive #Feedback】
最後，我覺得病人都要學會點樣俾有建設性嘅feedback令大家關係都可以改善。例如除咗返到屋企之後再係WhatsApp’s group瘋狂bitch個醫護人員外（當然bitch下不愉快嘅經歷好重要，有助平衡心理狀態嘅），但同醫護講返都好重要。到底中間發生咩事，咩事令你咁委屈同傷心，日後醫護可以點樣做好d。
如果口才好嘅，可以直接講，唔好嘅可以寫卡，當然你要投訴都係within your rights，但對改變件事有無幫助就係另一回事。
例如可以係睇完醫生或見完護士後講
「多謝你地係公立嘅環境下都堅持落去，理解你地好忙，但只想你知道岩岩咁倉猝嘅氣氛/你對我嘅態度令我覺得好無助/好無尊嚴」
Something similar，將自己想法好succinct咁表達出黎，表達唔到就寫卡，返屋企bitch下宣洩情緒。
【Can we do #better？】
每個人都有情緒，宣洩情緒好重要，但宣洩完我地都要去諗點改善同避免同樣嘅事發生。你可以話the system is fucked，但點樣係個fucked up system中做得更好，其實真係有好多空間。
好多說話其實真係唔洗10秒，五分鐘時間只要輕輕改變個style已經可以差好遠。
當然你可以話我離地叫我返香港睇下症先再講啦，我只係想分享下我係呢邊覺得幾有效嘅方法，by all means disregard :)))
#像極了愛情
acknowledge對方比你想像的更有影響 在 洪仲清臨床心理師- 「當湧現不舒服的感受時，就勇敢地用第三 ... 的推薦與評價
身心的連動，比我們想像得還要密切。照顧好自己的身體，跟照顧好自己的心理，同樣重要，而且相互影響。 ... <看更多>