【#我們HEA的家】二寶來了@生產驚魂 #長文慎入
🌿疫情下陀二寶的確事事擔心，整個孕期雖無大問題，但卻不斷被小問題纏擾。
今胎有 #胎盤過低 又有輕微 #妊娠糖尿，結果要每星期桔兩日手指來驗血糖。
👉🏻👈🏻早前嘅星期六，突然有輕微 #見紅，初時以為係做 #B鏈檢測 時整到，所以不以為意。誰知星期日起身依然出現見紅狀況，結果JM爸帶埋小JM一齊護送我入院🏨，一住就五日四夜。#產後提早出院返屋企休養
🌿二寶未夠37周👉🏻👈🏻
當晚半夜2點幾陣痛加劇，檢查後發現已經開咗2度，如果二寶真係出世的話就會變成 #早產BB，所以打咗兩枝抗生素以備不時之需。#種荳好痛
💗幸好二寶同我都有乖乖聽醫護人員話，多休息、少走動，終於二寶係37周當日就順利出世，不過生產過程卻有啲驚險！ #呢胎真係夠晒難忘
🌿驚心動魄嘅生產經歷😩
朝早坐咗半個鐘Fit Ball已經開夠3度，姑娘就送咗我入產房等JM爸陪產。 #幸運地識到同日EDD又一樣係妊糖嘅媽媽 #仲做埋朋友仔添
🤦🏻♀️到產房後，陣痛咗兩個幾鐘仍未穿水，原來二寶未落得啱位。
助產士提議我側卧夾住枕頭等二寶轉位，點知都係唔得，後來坐起個人再試，最終又係唔成功
😩陣痛越見利害但胎水仍未穿，更開始有出血嘅情況。
期間仲聽到助產士同姑娘話出血已有50至100ml，要call醫生來 #人手緊急穿水
😭聽到呢度個心已經好慌，怕二寶會有事，亦怕要食全餐。
我只好捉緊JM爸隻手，一邊忍受陣痛，一邊喊
#今次無痛到叫唔生 #不過真係痛到喊
🌿醫生來到隨即檢查再人手穿水，其後助產士就吩咐我一有陣痛就要俾力生出來。
過咗唔知幾耐，助產士話：努力痾多4次就得架啦!
👦🏻JM爸亦係我耳邊講：媽媽加油呀，4次，痾多4次就得架啦，你做到架！
原本我真係無晒力，每Push完一次都要抖一抖先回到氣，但聽到助產士同JM爸咁講，我就用盡晒全身嘅力去Push。
💗終於二寶出來啦! 當二寶伏係我胸前嘅時候真係咩痛都唔記得晒，感動勝過一切。
🌿後記
因為出血而且用盡晒氣力嘅關係，對腳好似無乜知覺，只覺得好凍、好震同郁唔到咁。
去到產後房都依然要留意出血情況，幸好打完針出血情況已經有好轉，不過時至今日我對腳依然好似無乜力，下盤又怨怨地咁，今次嘅經歷真係夠晒難忘。
#震過貓王
@ck ma @sleepy.ceci
#blogger #bloggermama #mamablogger #孕媽 #二寶媽 #pregnancy
