#共渡時艱定狼狽為奸
話說聖誕活動瘋狂cancel，然公關和客戶的生活仍然要過。即使2月疫情看來仍須保持社交距離，但世界上的老細都會指示：「我哋打開門做生意，都係要人嚟消費，你哋照諗活動照做promotion，到時cancel先算啦！不過budget cut囉！」
話說Sam (假名啦，保護證人)聖誕前交了情人節和新年proposal，一直未有客戶回覆。是日向公關仔呻：打去問阿客有咩comment，阿客答：「你條橋幾好呀，但仲有無新野？」
「....即係你對條橋有comment？」
「唔係，你條橋好好呀，我哋會照做，我已經交咗俾我個妹跟，想睇下你有無多啲gimmick嘢可以propose。」
「其實我哋propose嘅嘢，最好俾我哋做返啦！如果就咁你哋自己跟返，其實對我哋唔係幾公平。」
「無法啦，老細又cut budget，同埋我啲妹無咩跟，咪當俾個機會訓練下佢哋囉！如果佢哋打嚟問你嘢，幫我教下佢哋啦！唔該晒！」
雖然個客好有禮貌，但佢講嘅野難聽過粗口。
然後Sam話經全team商量過，決定唔理呢個客，橫豎都無生意囉，不如同佢死過！
點知呢個客第二日send咗個email CC埋老細，話佢哋會自己做呢樣同果樣，recap咗Sam佢地propose嘅橋已經內部有人跟，invite Sam嘅team不如下星期開個tele- con，想聽下有咩新gimmick可以做。
屌那星，Sam佢地嬲到同老細講返成件事，老細只係嘆口氣話：「呢個係長期客戶，我明白佢哋間中都會咁low tech咁抄咗你哋啲橋自己做，但最近無生意，你哋都幫下手諗諗，都希望有啲野俾我哋跟啦！」
Sam全team人當然明白，但內心禁不住問候客戶老母。
其實確實明白cut budget嘅問題，但請記住，agency唔係你喺客就任得你點就點嘅行業，今日無錯我哋為咗跑數，點都會生啲橋出嚟俾你。但信任一失，客戶永遠唔會得到最好嘅idea，最落力願意仆心仆命假都唔放覺都唔瞓為咗幫你做好一件事嘅team。
將心俾己，你願唔願意不顧一切去幫背叛你嘅人？
有禮貌唔係大晒，無budget都唔係無得商量，但無尊重，你永遠唔會得到最好嘅service。
你得到嘅，係俾我哋班公關唱通街，每個service你嘅人都會有戒心。好橋，只會留俾有尊重嘅客戶。
諗住去咗第二間公司就無人知？錯了，你自己就係你個brand，你永遠要為你嘅行為負責。
即使你個brand大如HSBC，曾經係香港人最信任嘅金融機構，現在黃絲不蔑俾錢你賺，視財如命嘅藍絲更加怕你將佢地嘅心肝命掟凍結。 做幾多企業公民活動都好，永遠洗唔甩你背棄港人嘅行動。一兩個人憎你梗係無所謂，你仲可以做其他生意；但當一大班人憎你，慢慢將之離棄，當然唔會即時死或者死，但永永遠遠，都失去了尊重和信譽。
後記：Sam條team最後決定交啲濕鳩橋俾客，做就賺佢少少，唔做都不痛不癢。問Sam可否將佢嘅分享寫低時，佢話：寫囉！但我想講我哋唔係認命，我只係用我嘅方法同佢鬥長命。我係吹佢唔漲，但我都唔會就咁就放過佢囉！
#共勉之 #睇到呢個post嘅人請我同一齊祝福阿Sam生意興隆 #早日擺脫仆街客 #你以為世界得一個阿Sam其實個個agency都做過阿Sam
