好耐冇寫 #小牆食評 ，因為話說戒咗澱粉質一段時間都冇乜四出食好西，但聽到身邊好幾個朋友都試咗同一間鐵板燒話好好食，咁就忍唔住book咗試下，之後就大鑊了⋯⋯食到捧住個肚走，嚟緊幾日要節制下。講返間嘢，地點响尖東，大廳望到下海景，靜靜地，服務係一般高級日本餐廳standard，有禮貌同笑容very nice，Sake有好多種豐儉由人。見到menu有好幾個set就叫咗個和牛set，因為牛最多食少啲但如果叫海鮮就計人頭份量到時一定食到敏感。前菜叫咗師傅發板，佢安排咗5款刺身，雖然原條魚賣晒但個海膽同Toro超級鮮！大力推介螢光魷魚，仲有個黑魚子蒸蛋。主菜方面，牛肉救命級好食我最後食咗三塊 (今日冇出粒粒證明係靚牛)，一件羊架，呢個就不過不失，唔特別喜羊羊可以skip。炒菜呀味噌湯呀嗰啲唔po相喇，都係中規中矩咁啦，炒飯多蛋好食有鑊氣。最驚喜係個甜品，牛奶布甸，事關我是唔好牛奶及牛奶製品，但我竟然食晒！仲因為本身只諗住試一啖所以冇影到相好失策⋯⋯埋單大概每人$1000，因為我哋坐鐵板枱睇表演同埋食高級和牛加飲咗支Sake，但我見佢啲set係超抵食，平均$100至$150左右嘅鐵板餐有大蝦有牛或雞有帆立貝有炒菜炒飯，lunch仲平幾十蚊連牛肉Sukiyaki都有，不過我自己都係鍾意帶屋企人或者同friend食晚飯開心啲。寫咗咁耐其實都係希望tag返間嘢下次再去搏有discount，因為真心會encore，希望佢哋見字回覆， #報告鉛筆 。
#大鑊佢哋好似冇IG #其實我平時開工食嘢真係好求其 #所以放假同屋企人朋友食飯一定要食好西先對得住約到出嚟嘅人 #奏鐵板燒日本料理 #嘉儀讀咗個湊字 #叫咗妳讀多啲書 #CommonLoser軼事 @ 奏kanade
commonloser軼事 在 「Common loser, I m a failure 不是誰插翼都能飛翔我是傻瓜 ... 的推薦與評價
Common loser, I m a failure 不是誰插翼都能飛翔我是傻瓜還是笑話堅持又為了什麼?」 #曖昧不明關係研究學會+ #幸福的旁邊電影原創配樂- 歌手Wallis ... ... <看更多>