【Quote of the Day】#DreamItPossible #MrBusiness
“I don't dream at night, I dream all day; I dream for a living.”― Steven Spielberg
「我不只晚上發夢， 我整天都在發夢； 發夢，就是我的工作。」— 史提芬‧史匹堡
細個以為發白日夢係理所當然，到大個先知道原來好奢侈。發夢，或者叫夢想，會隨年紀越大開始慢慢消失，如果到今日你仍然有夢想，我真係恭喜你。
夢想，無高低貴賤之分，做英雄拯救世界係夢想，嫁個有錢人都可以係夢想，人各有志，無謂challenge對方。不過價值觀南轅北轍，言語間不覺意就會夭中對方，好似有兩類人，第一類努力工作賺錢生活，第二類活在當下快樂至上，A一句「賺唔夠錢點畀下一代好生活？無錢到時退休點算？」，B一句「將錢帶落棺材有咩意思？人生只活一次當然唔可以後悔！」要過安穩生活，買車買樓結婚生仔，每樣都要洗錢，落力工作搵真銀無可厚非；想追求心靈上滿足，拍拍屁股辭職飛去外國生活，街頭賣唱又過一日亦無所謂。兩類人方向各異但應尊重對方的選擇，為自己的人生交代就好。
只要大家清楚自己目標，河水不犯井水，其實沒分對與錯，最怕是做遊魂野鬼，連自己夢想都不知道的人。有夢想有目標不一定成功，但如果無夢想無目標，就肯定不會成功。
dreamitpossible 在 Huawei - Dream It Possible - YouTube 的推薦與評價
Your browser can't play this video. Learn more. Switch camera. ... <看更多>