[走在刀鋒上 – “Senna”]
Medium: https://link.medium.com/hulJwTV2f6
//
2020 年 5 月,武漢肺炎喺歐洲嘅疫情有見頂回落嘅跡象。一級方程式 (F1) 賽會宣布,計劃七月開始喺歐洲恢復賽事,一眾車迷餓咗半年,終於見到隧道盡頭嘅光線。
喺冇睇賽車嘅時候, F1 車迷不至於完全冇選擇,鍾意睇 F1 車手打機鍊車嘅有 Virtual Grand Prix ,懷舊嘅有經典賽事重溫。想了解車手內心世界嘅, “Netflix” 有 “Drive to Survive” 。
而喺 5 月 1 日,紀錄片 “Senna” 可能係最適合嘅選擇。
- - -
正如後生嘅籃球迷可能要睇 “Last Dance” 先至知道 Michael Jordan 有幾勁,如果大家冇機會睇返上世紀八、九十年代嘅 F1 賽事, Ayrton Senna 點解被喻為一代車神,可能都係一個謎。
來自巴西一個富裕家庭嘅冼拿,曾經三度奪得 F1 總冠軍。企喺 2020 年回望,冼拿嘅成就絕非前無古人、後無可者: 1993 年,綽號嘅「教授」普魯斯 (Alain Prost) 喺暫別賽事一年後回歸,跳出最後探戈而成為四屆世界冠軍。 2004 年,德國車神舒麥加 (Michael Schmacher) 第七次登頂。 2019 年,英國車手咸美頓 (Lewis Hamilton) 第六次封王。
如果三屆世界冠軍並非咁罕有,咁點解冼拿嘅地位咁崇高呢?
喺習慣以成敗論英雄嘅體育世界,江山代有人才出。喺可以量化嘅成績以外,一啲難以量化嘅元素,就成為「傳奇」同「好手」嘅分野。英超「紅魔鬼」曼聯出名在青訓人才輩出,而且有「魔性」; NBA 嘅 “Black Memba” 高比拜仁刻苦修鍊、不屈不撓;網球界嘅瑞士球王費達拿,風格優雅,老而彌堅。
至於冼拿,我會形容佢係激情無限,將自己同戰車能力發揮至極限。
1980 年代嘅 Formula 1 賽車,冇今時今日咁多電子嘢 (例如防滑嘅 traction control ,就要到 90 年代先至應用喺 F1 ,及至 2008 年被禁) ,對車手駕駛技術要求極高。
1984 年,初出道嘅冼拿喺摩納哥站大放異彩,佢冒住滂沱大雨,將中游份子、戰力有限嘅 Toleman 車隊座駕性能發揮得淋漓盡致,幾乎逢車過車,直迫領放嘅普魯斯。不過,「教授」揮手示意雨勢太大、要求中止賽事 (而賽會又同意) ,將冼拿首先分站冠軍推遲咗一年,咁大把。儘管如此,冼拿手車嘅快、勇、狠,已經足以令佢嶄露頭角。
其後,冼拿經過喺 Lotus (蓮花車隊) 嘅三個賽季,徘徊喺總排名第三、四,成績驟眼睇落好似唔夠亮麗,但其實主要原因係正式賽事表現唔夠穩定,論排位賽,佢喺 1985 同 1986 年分別七次及八次排頭位。當年一季先得 16 場賽事。
- - -
紀錄片對於冼拿自 1988 年起,加入麥拿倫 (McLaren) 車隊,同普魯斯一時瑜亮嘅競爭對手關係著墨較多。無他,冼拿 1988 年首度成為總冠軍,正面衝擊普魯斯嘅地位,一個冒起、一個守成,衝突實屬必然。
片中描繪普魯斯老謀深算、收放自如,同冼拿拼命三郎、不惜一切嘅作風南轅北轍。加上時任 F1 賽會主席、同普魯斯份屬同鄉嘅 Jean-Marie Balestre 有意無意作出對普魯斯有利、對冼拿不利嘅判決或干預,普魯斯無形中喺呢套 docu 入面扮演咗一個反派角色。
即使係年輕嘅車迷,透過 Instagram 都可能睇過 1989 年,冼拿同普魯斯鬥到最後一個分站,喺日本鈴鹿賽車場 (Suzuka) 各不相讓而攬炒嘅一幕。當時必須勝出嘅冼拿迫逼場邊工作人員幫佢推返郁架車,再花時間換埋頭翼而後上勝出,剛好夠分壓過普魯斯而成功衛冕。但係賽會主席 Balestre 向裁判施壓,迫佢哋搬龍門而判冼拿犯規兼取消資格及停賽。
喺政治同金錢遊戲背後,冼拿嘅反抗無疑更凸顯佢對純粹速度上較勁嘅熱愛。當然,喺鏡頭以外,冼拿對於勝利嘅執著,亦導致佢會向阻佢發達嘅車手出言不遜甚至揮拳相向。一個銀仔有兩邊,英雄總有陰暗面。
- - -
1994 年,冼拿離開效力六年嘅麥拿倫,轉投配置更頂尖嘅威廉士車隊 (Williams) 。此舉原意係追求事業更上一層樓,畢竟佢喺 1990 年及 1991 年摘冠,成為三屆世界冠軍之後,已經連續兩年陪跑,屈居於威廉士車隊嘅文素 (Nigel Mansell) 及普魯斯之後。
奈何 F1 賽會喺 94 年賽季禁止一啲電子技術,令威廉士嘅戰車表現冇咁穩定。即使冼拿技術超凡,喺場上嘅表現都難免受到拖累。隨住後起之秀舒麥加步步進迫,唔輸得嘅冼拿變得更加焦躁。
喺季初連續兩場賽事食白果之後,冼拿矢志喺聖馬力諾站嘅 Imola 賽道爭勝。不過,由練習到排位賽都事故頻生,其中喺 1994 年 4 月 30 日,新晉車手 Roland Ratzenberger 喺排位賽中失事身亡,更加令賽場一片愁雲慘霧。
新聞寫作有一句老說話: “If in doubt, leave it out.” 如果冇信心,就唔好上陣。但係冼拿對於勝利嘅渴求蓋過咗對於戰車嘅信心不足,佢排頭位出賽而賽至第七圈 – – 一隻高速左彎,冼拿座駕失控,以時速二百幾公里直撼石屎牆。
一代戰神,最終戰死沙場。係性格使然,亦可能係一種解脫。
- - -
冼拿曾經接受 F1 名宿 Jackie Stewart 訪問。
話說 1990 年佢 (又係) 喺日本站同普魯斯鬥到最後一站,同 89 年相似嘅係,賽會安排排頭位嘅冼拿喺不利嘅線道 (dirty line) 起跑。今次冼拿第一隻彎就踩到盡,同普魯斯再次攬炒,而唔同嘅係,今次冼拿夠分做總冠軍。
Jackie Stewart 質疑冼拿危險駕駛,對佢同其他車手都構成危險。冼拿嘅回應係:
“If there is a gap you have to go for it, and if you don’t then you are not a great driver.”
(賴叔中譯:「無孔不入,車神也。」)
1994 年 5 月 1 日,賽車界痛失冼拿,巴西全國視之為國殤。對於喺不足一年前失去 Beyond 主音黃家駒嘅香港人嚟講,冼拿行走江湖,喺刀鋒上搵食,同樣係自由奔放嘅圖騰。 26 年後藉 “Senna” 紀錄片緬懷傳奇人物之餘,亦不禁撫心自問,無懼千鈞一髮、勇往直前嘅初心,至今安在?
Credit: https://flic.kr/p/jY7gu
- - -
想睇更多賴叔時政見聞、金融掃盲及職場文章,請訂閱 Patreon:
https://www.patreon.com/shuklai
#hk #hongkong #patreon #blogger
同時也有1部Youtube影片,追蹤數超過27萬的網紅真電玩宅速配,也在其Youtube影片中提到,受到疫情的影響,不少大型的職業運動不是停辦就是延賽,個賽事單位也很擔心人氣會降低,所以把腦筋動到了授權的同名遊戲上。 像是F1賽車,就舉辦了「F1 Esports Virtual Grand Prix」,邀請各車隊的成員或是明星,透過《F1 2019》來場虛擬世界的比拚,專業的解說以及遊戲本身的轉...
「f1 virtual grand prix」的推薦目錄:
f1 virtual grand prix 在 F1 - AutoRacing疾速網 Facebook 的最佳解答
F1 drivers Charles Leclerc, Carlos Sainz, Lando Norris, Alex Albon, George Russell, Antonio Giovinazzi and Nicholas Latifi take on Real Madrid goalkeeper Thibaut Courtois, Lazio's Ciro Immobile, golfer Ian Poulter, F2 drivers and more in our Virtual Grand Prix!
f1 virtual grand prix 在 丹尼爾 vs 陳恩能 Facebook 的精選貼文
丹尼爾加長版 👇😂
// 為何電競賽車在瘟疫下跑出?
車手無車鬥?不如上網鬥 🏎️。這就是武漢肺炎 🦠 下賽車的手臂延伸。大瘟疫蔓延全球之際,各大商業或娛樂味濃的體育比賽 —— 大至奧運、小至公園耍太極都被延遲、取消甚或禁止,惟有哪項反而蓬勃起來?
電競(一部分)。電競賽車比起其他「體育系電競」的獨特之處是:職業車手本來就用 iRacing 以及其他「軍事級」賽車模擬器來真正練習,電競賽車本來就不止是娛樂。英超與 NBA 球星都會打 FIFA 20 ⚽️ 或者 NBA 2K 🏀,但那不可能是練習,這是根本上的不同。
誰說電競賽車在瘟疫下跑出?沒有人說,是數據說。據 🇺🇸 美國 Nielsen 市場研究數據 💻,美國 FOX Sports 三月二十二日直播 NASCAR Pro Invitational Series 電競賽車,錄得 90.3 萬收看人次。根據電競分析師 Manny Anekal 在 Twitter 說,這是美國電視史上最多人看的電競賽事。去年在美國 FOX Sports,真實的 NASCAR Cup Series 比賽平均每場 210 萬人次觀看。OK,那麼大西洋彼岸的 F1 呢?
根據《Motorsport Broadcasting》引用 🇬🇧 英國 BARB 市場研究數據,英國《天空體育》旗下三個頻道直播 F1 虛擬格蘭披治巴林站當日,共錄得超過 20.82 萬收看人次,是天空體育在三月十六日當周最多人收看的節目。這當然超越該台所播放 F2 及 F3 的收看人次,亦比去年透過該台觀看 Indy 500 的平均人數 17.2 萬為多。此外,還有在 FB Live、 YouTube LIVE 以及 Twitch 觀看的 27.9 萬平均人次。F1 的虛擬格蘭披治巴林站有麥拿侖 F1 車手羅利斯(Lando Norris)、Formula E 車手雲當(Stoffel Vandoorne)、前 F1 車手 Nico Hulkenberg、Esteban Gutierrez、Anthony Davidson 與一眾名人例如歌星 Liam Payne 與奧運場地單車六金得主 Chris Hoy 等參賽。
這代表甚麼?老實說,我不知道。我不是專家。我只知道,美國 FOX Sports 三月底宣布以後逢週三晚推出一系列 iRacing 電競賽車節目。我只知道,香港 FOX SPORTS Asia 下週一(四月六)0300 至 0530 直播 F1 Virtual Grand Prix 第二站。我只知道,有收視就有市場,有市場就有價值,有價值有就贊助,有贊助就有獎金 💰,有獎金就有更強選手參賽,有更強選手就有更高收視,有更高收視就有更有價值。我只知道,這就是咩色經濟圈。
從前 ABB Formula E 被認定無得搞,現在第六季的 Formula E 是 FIA 國際汽聯旗下擁有最多車廠參賽的錦標賽。從前有個阿爺問阿爸:你有波唔踢,居然喺電視睇人踢波?阿爸答:我踢唔到 C 朗咁勁,咪睇 C 朗囉;後來那位阿爸問阿仔:你有機唔打,居然上網睇人打機?阿仔答:人哋一秒十六連擊我唔得,咪睇囉。我只知道,都是娛樂。
我只知道,世界在變。
擁抱改變。
Daniel Chan 陳恩能 //
#F1 #Formula1 #F12020 #VirtualGP #DanOnF1 #Review #RedBull #GivesYouWings #NextStop #CanadianGP
出街版 👉 https://www.redbull.com/hk-zh/virtualf1
f1 virtual grand prix 在 真電玩宅速配 Youtube 的精選貼文
受到疫情的影響,不少大型的職業運動不是停辦就是延賽,個賽事單位也很擔心人氣會降低,所以把腦筋動到了授權的同名遊戲上。
像是F1賽車,就舉辦了「F1 Esports Virtual Grand Prix」,邀請各車隊的成員或是明星,透過《F1 2019》來場虛擬世界的比拚,專業的解說以及遊戲本身的轉播視角,讓這線上賽事看起來還蠻有模有樣的。
NBA官方也進行了「NBA 2K Players Tournament」,讓NBA球員進行《NBA 2K20》的比賽,日前才打完冠軍戰,由鳳凰城太陽隊的後衛Devin Booker拿下冠軍,看來投籃的好手感可以延續到手把上唷!
接下來還有屬於網球的《Tennis World Tour》電競防疫賽事要舉辦,而且世界級的球星「蠻牛」納達爾也將參戰,比賽將在4月27日到30日進行,有興趣的玩家別忘了鎖定線上直播,看看這些職業球員的「身手」如何唷!
(C) 電玩宅速配
「電玩宅速配」粉絲團:https://www.facebook.com/tvgamexpress
「網紅攝影棚」節目:https://tinyurl.com/y3hejwb5
遊戲庫粉絲團:http://www.facebook.com/Gamedbfans
![post-title](https://i.ytimg.com/vi/EBZ97xbZtnw/hqdefault.jpg)
f1 virtual grand prix 在 LIVE: FINAL F1 Virtual Grand Prix in Canada! | Facebook 的推薦與評價
... <看更多>