好開心最近又收到有觀眾DM話比我知,
佢睇完我IVF條片之後去咗台灣搵王醫師,
然後成功懷孕生咗小朋友啦👶🏻💕
呢2年每隔一段時間,
都會默默地收到大家嘅喜訊,
更加有2次試過喺街被觀眾當面報喜,
真係每次聽倒都會衷心鄧大家高興呢🥳
想當年我喺網上真係搵唔倒香港有人
會講自己關於IVF嘅心路歷程,
所以當選擇咗要行呢條路嘅時候,
我就決定無論果次成功定失敗,
我都要講出嚟同大家分享,
希望默默地幫倒有需要嘅人🥲
老實講到咗依家,每隔一段長時間,
我都仍然會收倒反對/嘲笑/批評…嘅聲音🤪
但我始終認為,
無論係選擇自然/人工受孕,
都係兩夫妻之間嘅事情,
完全同第三者無關,
所以無人有資格多口加任何評論🤐
能夠有勇氣踏上IVF嘅路唔簡單,
祝願每位想成為媽媽嘅太太們都能夠早日得償所願,
一齊做個幸福開心嘅靚媽媽💜
#FB提醒我3年前嘅今日就係我去台灣嘅IVF旅程
#呢條白色長裙就係果次去台灣嘅時候喺街邊買嘅
#好有紀念價值 #各位加油
Search