關於 foodiesdnn西環 ，我們在網路上蒐集到這些相關的討論、資訊與評價

《馬拉菜🍜》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
落堂後係正午餐同埋下午茶之間入座，所以店員都一次過比曬兩種嘅餐牌😂不過平價下午茶係輕量版，只係食左少少早餐既我食佢應該唔會夠飽，所以都係叫返午餐😛
.
👁‍🗨 新加坡喇沙摻摻 + 馬拉手工拉茶（7.5/10）💲62 (Lunch Set)
.
➰ 呢個配料比預期中豐富，有已經剝咗殼既蝦身、蜆肉，鮮味不過不失，豆卜索湯一流，魚片亦都爽口，唯獨係魚蛋並非我鍾意既彈牙口感🤔蛋既外層熟左，但係原來中間仲係保持左啲流心🥚摻摻係油麵加米粉，湯底頗為香濃有椰香，無得少辣但係尚算接受到，整體比想像中來得出色☺️要左杯熱既手工拉茶，入口滑身，奶味比茶味重，無港式奶茶咁澀☕️
.
👁‍🗨 巴東牛肉配米飯 + 南洋白咖啡（7/10）💲66 (Lunch Set)
.
➰ 呢個巴東牛肉大件得黎軟腍，味道方面會係偏香辣，亦有帶點咖喱既風味，送白飯一齊食會比較好，而且配有唔少花生粒🥜另外朋友叫左杯南洋白咖啡，本身都有陣陣咖啡香，不過唔記得叫少冰，啲冰溶曬就溝到有點兒淡🙈
.
👁‍🗨 南洋咖央多士（7/10）💲16
.
➰ 啱出既時候食係脆身，有住微微咖央香甜，見到人哋嗰啲中間仲有層牛油，但係我呢個無，反而係出奇地有啲柚子香，不過耐左就變韌身，所以都係一上就快手食🍞
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍馬六 (西環)
地址：西環皇后大道西513號尼斯花園地下B舖 (香港大學站C2出口)
營業時間：
星期一至日 11:30-22:00
#FoodiesDNN西環
#FoodiesDNN香港 @ 馬六-海南雞.喇沙.肉骨茶

《熱狗專門店🌭️》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
放學好肚餓要醫肚，搵到呢間係正宜記對面幾吸引既熱狗店，但由於佢只係做外賣並無得堂食，所以都係即刻去附近個公園搵位食😳
.
👁‍🗨 澳式風情熱狗（7.5/10）💲38
.
➰ 呢個熱狗攞上手都墜墜地幾有份量😯包身微脆帶點焦香，面頭有好多炙燒半溶芝士，加上千島醬，仲有唔少菠蘿粒、煙肉片，餡料已經夠曬豐富🥓不過當然唔少得紐綸堡腸，咬開脆皮仍然保留住肉汁，整體味道香口😛
.
👁‍🗨 細薯條（7/10）+ 牛油粟米杯（7.5/10）💲+12 (Combo)
.
➰ 叫套餐加十二蚊有兩款小食比起分開買抵好多☺️薯條上面淋有千島醬同番茄醬，入口又有啖啖薯既感覺🍟甜粟米比想像中黎得有驚喜，粒粒都有牛油香，而且係好滿嘅一杯會飽肚😙
.
👁‍🗨 雞塊（7/10）💲15/6件
.
➰ 雞塊肉質係偏粉身，都係有番茄醬，仲有類似甜酸醬同辣醬既混合體🐔
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍齊柏林熱狗店 (西環)
地址：西環堅尼地城士美菲路71-77號嘉輝花園地下B舖 (堅尼地城站A出口)
營業時間：
星期一至日 12:00-22:30
#FoodiesDNN西環
#FoodiesDNN香港
#zeppelinhotdog
@ Zeppelin Hot Dog

《嘆個下午茶☕️》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨 焙茶純素芝士蛋糕 💲56
.
➰ 呢度主張純素，所以係用左榛子、腰果黎打成所謂既芝士層 ，質地都真係整到好似平時咁🧀食落榛子味頗為突出🌰但係個人認為當中個酸味太搶，好似完美蓋過左焙茶味咁，如果焙茶味可以濃返啲會更好🤔另外個杏仁底就以堅果為主，平時唔係素食人士既我，會覺得稍為單調，自己食一大舊難免有少許濟，下次同朋友分會好一點🙊
.
🔛 整體評分（6.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍The Missing Piece (西環)
地址：西環西營盤東邊街35號地下 (西營盤站B2出口)
營業時間：
星期一至日 10:00-18:00
#FoodiesDNN西環
#FoodiesDNN香港