Search
倒帶死球教學Part1: https://www.facebook.com/SoccerFunHongKong/videos/963939387143524?sfns=mo
其實上次出左個死球教學Part 1，雖然算係受歡迎，但版主都總係覺得以教學片黎講係講得唔係太夠，仲可以詳盡多少少。將上次用文字寫出黎嘅point 變成片段嘅一部份。
拍就拍晒，希望今個星期剪得晒出埋比大家啦。
#Goalkeeper #Goalkick
應該整埋個part 2，雖然寫得算詳細，都仲有啲地方可以再補充下。最緊要大家鐘意睇又幫到忙💪🏻
死球冇難度？
一個進攻嘅開端就係由龍門發球開始，而死球(Goal Kick) 佔據左一個重要嘅位置。想死球踢得又遠又準，除左透過無數次練習之外，當中嘅技巧極其重要。學生們問得最多嘅問題應該係點開一個死球。所以今次同大家分享下版主嘅方法。
1.）助跑及企位
好多時開死球因為想開得遠，所以將助跑拉到好長，但涉及步距要配合落腳位置，過長嘅步距會令跑嘅節奏同踏重心腳嘅位置出現誤差，因影響穩定性。另一方面，好多踢唔到死球嘅朋友因為企得太斜，到落腳嘅時候只係腳內檔位置觸及波嘅外方，因此力量未能有效傳遞到足球，變相chok左個波，變成內彎。令效能及準確度降低。
建議方法
要練習死球，首先要改變助跑距離及企位。初練習嘅朋友要將助跑距離縮遠，大約到兩步至三步距離。要試到雙腳並排時，第一個踏步（重心腳）要踏在足球嘅旁邊。原因係減低助跑至踏重心腳嘅誤差。第一步踏，第二步踢中個波令到動作更有效連貫。到掌握到技巧慢慢將助跑距離拉長至適合距離。至於企位大約係與足球垂直移兩步就夠，因切入角度太大不但令難度大增，而且令踢球腳未能觸及波嘅中間位置，變作chok波。因為要個波踢得直，觸足位置要喺個波中間。觸球後會以「倒旋」方式飛出。但企得太斜會影響落腳角度。
2.）重心腳及拉弓動作
好多朋友會認為拉弓動作嘅角度會令影響力量，呢個當然係其中之人。但忽略重心腳位置同穩定。落重心腳位置及角度會成為其中一個關鍵。最常見到嘅問題係踏唔實地下，或者踏嘅位置誤差，因而影響發力。
建議方法
重心腳作位支點，踢球腳作為力點。要有效發力，減低踢球前力量流失。所以要踏重心腳時踏喺波嘅旁邊（大約一個波嘅距離），先可以令踢球腳觸及足球底部。而當中嘅重點係令助跑嘅力量係踏重心腳踏實草地，成為一個力點。重心腳會支撐整個身體重量，所以整隻腳掌要完全踏實在草地上。而且重心較低，所以膝頭要彎曲。而且令全身嘅重量集中於重心腳。而踏出重心腳嘅時候要向住傳球目標。另外想有一個更理想嘅擺動幅度。所以鞋尖嘅角度會稍微向外，增加擺度嘅角度。而拉弓動作亦隨住踏出重心腳嘅同時會自然拉起。
3.）踢球位置及腳腕動作
如果有留意過自己踢死球嘅動作，好多時踢球腳於觸球時未能完全鎖實，不但令力量傳遞效率更差，而且令角度偏離。導致落點未如預期。另一個問題，踢個波唔夠高，有冇留意自己踢波邊個位置，以及用腳嘅咩位置觸球。
建議方法
以傳球及射門有力量或者實淨，鎖腳腕係必定要有嘅動作。以一個例子會令大家容易明白嘅例子。假如要用打手槌，輕握拳頭及輕鎖手腕會大力啲，還是緊握拳頭及鎖緊手腕位有力啲？相信大家都答到。不論傳球定射門先要緊鎖腳腕關節。而開死球鎖腳腕係向下壓，有別於腳內檔傳球嘅向上拉緊。拉弓時腳腕鎖緊至到踢球後嘅延後動作。腳嘅中波位置係腳掌連接腳趾公呢個關節，踢向足中正中心偏向底部嘅位置。當踢球腳觸及足球時，要感受到腳嘅力量壓向足球底部。
4.）腰部及腿部
要個波踢得遠，除左腳力必定之外。當中涉及到轉腰嘅動作。轉腰嘅力量配合腿嘅力量會令發力更加有效率。而且由腳拉弓動作開始點樣令踢球腳更容易踢中目標。
建議方法
當踏出重心腳嘅時候，踢球腳順勢拉起，當踢球腳開始發力嘅時候放鬆髋關節，令擺動力量增加。而且配合腿部發力配合轉腿動作。於觸球前大腿肌肉放鬆，借助重心腳及轉腰動作帶動腿部發力。而踢波腳擺動角度由拉弓（6點鐘方向）擺動至踢球 （左腳9點/右腳3點）至到踢球後延後動作（12點方向），要點於觸球前一刻先鎖緊大腿肌肉。髋關節放鬆至延後動作。
5.）延後動作及身體平衡
因為由踏步至踢球時重心腳係支撐整個身體重量，先可以令踢球動作透過離心作用平衡。當踢球前後上半身亦保持一個平衡作用。令動作穩定性提高。
建議方法
踢球前踏出重心腳一刻，雙臂及身體打開以作平衡，直至踢球動作後，踢球腳及重心腳角色交換。踢球腳觸球後繼續順勢擺動，其後轉為重心腳踏實草地用作平衡。而上半身重心偏向後方，令腳掌更容易踢中足球底部。直到踢球後轉換為延後後作後將身體稍為前傾用作平衡。
或者將當中要點簡單覆述
✅練習初期短助跑
✅企位為足球兩至三步
✅重心腳踏於足球旁邊，膝頭微曲
✅重心腳必須踏實草地直至踢球後
✅放鬆髋關節及腰部
✅緊鎖腳腕關節
✅踢球時腳掌及腳趾之間關節觸球
✅踢向足球中心偏向底部
✅延後動作及打開身體
✅踢球腳於踢球後轉為重心腳以作平衡
✅踢球時身體重心偏後
✅重心腳指向目標方向
練習要點💪🏻
👍🏻動作由慢至快
👍🏻由細力熟習後慢慢加力
👍🏻讓身體及肌肉慢慢建立記憶
👍🏻踢出黎嘅波以倒旋及直線為標準
👍🏻由12-20碼開始練習動作穩定性及準確度
相信以上嘅分享希望可以幫助到大家改善踢死球嘅技術，如果大家有意見或者問題都歡迎喺下面留意，或者whatsapp比版主交流下心得😂祝大家踢到又遠又準嘅死球。
#死球 #Goalkick #Tips #Skills #technical #soccerfunhk
死球冇難度？
一個進攻嘅開端就係由龍門發球開始，而死球(Goal Kick) 佔據左一個重要嘅位置。想死球踢得又遠又準，除左透過無數次練習之外，當中嘅技巧極其重要。學生們問得最多嘅問題應該係點開一個死球。所以今次同大家分享下版主嘅方法。
1.）助跑及企位
好多時開死球因為想開得遠，所以將助跑拉到好長，但涉及步距要配合落腳位置，過長嘅步距會令跑嘅節奏同踏重心腳嘅位置出現誤差，因影響穩定性。另一方面，好多踢唔到死球嘅朋友因為企得太斜，到落腳嘅時候只係腳內檔位置觸及波嘅外方，因此力量未能有效傳遞到足球，變相chok左個波，變成內彎。令效能及準確度降低。
建議方法
要練習死球，首先要改變助跑距離及企位。初練習嘅朋友要將助跑距離縮遠，大約到兩步至三步距離。要試到雙腳並排時，第一個踏步（重心腳）要踏在足球嘅旁邊。原因係減低助跑至踏重心腳嘅誤差。第一步踏，第二步踢中個波令到動作更有效連貫。到掌握到技巧慢慢將助跑距離拉長至適合距離。至於企位大約係與足球垂直移兩步就夠，因切入角度太大不但令難度大增，而且令踢球腳未能觸及波嘅中間位置，變作chok波。因為要個波踢得直，觸足位置要喺個波中間。觸球後會以「倒旋」方式飛出。但企得太斜會影響落腳角度。
2.）重心腳及拉弓動作
好多朋友會認為拉弓動作嘅角度會令影響力量，呢個當然係其中之人。但忽略重心腳位置同穩定。落重心腳位置及角度會成為其中一個關鍵。最常見到嘅問題係踏唔實地下，或者踏嘅位置誤差，因而影響發力。
建議方法
重心腳作位支點，踢球腳作為力點。要有效發力，減低踢球前力量流失。所以要踏重心腳時踏喺波嘅旁邊（大約一個波嘅距離），先可以令踢球腳觸及足球底部。而當中嘅重點係令助跑嘅力量係踏重心腳踏實草地，成為一個力點。重心腳會支撐整個身體重量，所以整隻腳掌要完全踏實在草地上。而且重心較低，所以膝頭要彎曲。而且令全身嘅重量集中於重心腳。而踏出重心腳嘅時候要向住傳球目標。另外想有一個更理想嘅擺動幅度。所以鞋尖嘅角度會稍微向外，增加擺度嘅角度。而拉弓動作亦隨住踏出重心腳嘅同時會自然拉起。
3.）踢球位置及腳腕動作
如果有留意過自己踢死球嘅動作，好多時踢球腳於觸球時未能完全鎖實，不但令力量傳遞效率更差，而且令角度偏離。導致落點未如預期。另一個問題，踢個波唔夠高，有冇留意自己踢波邊個位置，以及用腳嘅咩位置觸球。
建議方法
以傳球及射門有力量或者實淨，鎖腳腕係必定要有嘅動作。以一個例子會令大家容易明白嘅例子。假如要用打手槌，輕握拳頭及輕鎖手腕會大力啲，還是緊握拳頭及鎖緊手腕位有力啲？相信大家都答到。不論傳球定射門先要緊鎖腳腕關節。而開死球鎖腳腕係向下壓，有別於腳內檔傳球嘅向上拉緊。拉弓時腳腕鎖緊至到踢球後嘅延後動作。腳嘅中波位置係腳掌連接腳趾公呢個關節，踢向足中正中心偏向底部嘅位置。當踢球腳觸及足球時，要感受到腳嘅力量壓向足球底部。
4.）腰部及腿部
要個波踢得遠，除左腳力必定之外。當中涉及到轉腰嘅動作。轉腰嘅力量配合腿嘅力量會令發力更加有效率。而且由腳拉弓動作開始點樣令踢球腳更容易踢中目標。
建議方法
當踏出重心腳嘅時候，踢球腳順勢拉起，當踢球腳開始發力嘅時候放鬆髋關節，令擺動力量增加。而且配合腿部發力配合轉腿動作。於觸球前大腿肌肉放鬆，借助重心腳及轉腰動作帶動腿部發力。而踢波腳擺動角度由拉弓（6點鐘方向）擺動至踢球 （左腳9點/右腳3點）至到踢球後延後動作（12點方向），要點於觸球前一刻先鎖緊大腿肌肉。髋關節放鬆至延後動作。
5.）延後動作及身體平衡
因為由踏步至踢球時重心腳係支撐整個身體重量，先可以令踢球動作透過離心作用平衡。當踢球前後上半身亦保持一個平衡作用。令動作穩定性提高。
建議方法
踢球前踏出重心腳一刻，雙臂及身體打開以作平衡，直至踢球動作後，踢球腳及重心腳角色交換。踢球腳觸球後繼續順勢擺動，其後轉為重心腳踏實草地用作平衡。而上半身重心偏向後方，令腳掌更容易踢中足球底部。直到踢球後轉換為延後後作後將身體稍為前傾用作平衡。
或者將當中要點簡單覆述
✅練習初期短助跑
✅企位為足球兩至三步
✅重心腳踏於足球旁邊，膝頭微曲
✅重心腳必須踏實草地直至踢球後
✅放鬆髋關節及腰部
✅緊鎖腳腕關節
✅踢球時腳掌及腳趾之間關節觸球
✅踢向足球中心偏向底部
✅延後動作及打開身體
✅踢球腳於踢球後轉為重心腳以作平衡
✅踢球時身體重心偏後
✅重心腳指向目標方向
練習要點💪🏻
👍🏻動作由慢至快
👍🏻由細力熟習後慢慢加力
👍🏻讓身體及肌肉慢慢建立記憶
👍🏻踢出黎嘅波以倒旋及直線為標準
👍🏻由12-20碼開始練習動作穩定性及準確度
相信以上嘅分享希望可以幫助到大家改善踢死球嘅技術，如果大家有意見或者問題都歡迎喺下面留意，或者whatsapp比版主交流下心得😂祝大家踢到又遠又準嘅死球。
#死球 #Goalkick #Tips #Skills #technical #soccerfunhk
