【🚅陪 #PEGGY先生 環遊 #四國 之旅！🚂】
秋高氣爽去旅行，聲些趁11月頭人少少，去咗一趟5日4夜環遊四國之旅。😝
嗯嗯？！四國有成18,800 平方公里，四個縣 #香川縣 #德島縣 #高知縣 同 #愛媛縣，有成10幾個香港咁大，莫講話玩哂，搭車都有排兼勁貴啦！聲些今次帶埋 #JRPASS全日本鐵路周遊券，就可以響有效期內，任搭JR四國巴士同火車、土佐黑潮鐵道、阿佐海岸鐵道、伊予鐵道、高松琴平啲呢𠺪鐵道、土佐電交通路面電車，仲可以搭由高松去小豆島嘅渡輪，同埋小豆島橄欖路線巴士添！周圍遊走5日盛惠11,500円，足足慳咗11,920円，聲些係咪夠哂精打細算先？😎
聲些呢5日嘅行程當然係超級充實：搭觀光列車 #伊予灘物語大洲編（#伊予灘ものがたり大洲編），邊欣賞靚絕海景邊食新鮮食材午餐、去高知縣嘅 TSUTAYA #蔦屋書店，除咗發現處處打卡位，仲響裡面嘅 #伊索的廚房咖啡室（#イソップの台所）歎精緻文青早餐、去 #道後溫泉街 至靚溫泉旅館 #飛鳥乃湯泉，欣賞聯乘 #火之鳥 嘅特別激光表演，仲欣賞到復刻天皇御用沖涼房 #又新殿獨立湯屋！品嚐馳名嘅地道菜 #鯛魚飯（#鯛めし）仲有 #連骨雞肉（#骨付き鶏），仲去埋 #栗林公園 食早餐，邊欣賞靚爆園景邊呷 #朝粥，仲有好多好多相機食先嘅絕美風光，將會由下星期起一連三個星期響 am730 播出。想知聲些有乜好介紹，記住留意聲些同 #am730 嘅 Facebook專頁啦～
#JRPASS認真百搭
#連摩天輪都可以免費搭係咩玩法🎡
#下星期去片お楽しみに
#JR四国 #peggysensei
jrpass全日本鐵路周遊券 在 【JR PASS】全日本鐵路通票Japan Rail Pass （香港機場取件） 的推薦與評價
利用JR的日本鐵路通票，帶您鐵路遊遍全日本。日本鐵路通票（全日本鐵路周遊券）可乘搭JR鐵路所有路線，包括新幹線及特急列車，還能預約指定席，一張JR PASS就能玩轉 ... ... <看更多>