關於 japanol ，我們在網路上蒐集到這些相關的討論、資訊與評價

【吸收是次經驗 分享災害對策】
嚟咗5年幾，第一次經歷咁大危機。平日完全冇準備又冇危機意識嘅惠依子真係上咗寶貴嘅一課。今次同大家分享吓啲基本防災對策先。📚

≪食糧≫
大家仲記打風前超市啲糧食同水冇晒？有啲朋友搶菜🥬、便當🍱同杯麵🍜，但係其實應該準備罐頭同餅乾🍪呢啲就算係停水停電都可以就咁開嚟食而又保存得耐嘅食物。

≪水≫
除咗要買飲用水之外，最好喺屋企水缸儲定缸水🛁方便冇水時可以沖涼同沖廁所。

≪光・熱≫
蠟燭🕯️原來係咁重要嘅。好彩惠依子有幾包買嚟中秋節玩嘅蠟燭同香薰蠟燭頂吓。

≪收取情報手段≫
為防止停電時收唔到政府機關嘅最新消息，事前叉定有量尿袋係常識吧？😎不過今次惠依子發現原來電視📺都好重要。因為朋友屋企冇電視，上網睇得太多資訊，唔統一之餘仲搞到個人好不安。😰所以呢啲時候最好只係睇政府情報，咪亂睇大多Twitter其他個人用户嘅情報。

≪聯絡≫
最好同朋友保持聯絡互相關心對方情況。有咩事要避難時可以互相分享情報同報平安。💖

仲有其他參考嘅對策請睇個別相片。
千葉県、埼玉県、長野県等地方宜家仲面對緊水浸問題好多人受災，希望可以快啲過去，快啲可以復興。🙏🏻

#東京颱風 #颱風對策 #惠依子生活系列 #惠依子OL日記 #惠依子 #JapanOL #eikotokyo #日本OL #東京OL

呢個真係要SHARE開去既豆智識（まめちしき＝冷智識）

我真係以為係日落廣播，話你知唔好再為間公司賣出你個靈魂及肉體，係時候收工咁解😂😂😂雖然每日聽到都覺得離收工不遠矣😎原來係同防災有關係！！上年日本有好多天災，佢地既緊急應變措施真係做得好好，未雨綢繆真係好貼心～我地生於福地，要加緊去提高返防災意識方為上策😏👍🏼隱瞞、互相包庇個類別件（べっけん）就另作別論......

每區播既音樂應該有少少出入，我屋企就正正播呢一首，事務所係港區又好似係另一首！

#豆智識 #日落廣播 #防災 #防災意識 #緊急應變措施

【日本傍晚音樂廣播】
唔知大家有冇留意，喺日本嘅時候，17點左右就會播歌，初頭以為要通知大家時間，原來背後係另有原因嘅。

原來用嚟播歌個系統係防災播音系統，每日都播歌原來係為咗測試個系統係咪正常。而播嘅歌主要都係日本嘅童謡。

基本上大部份嘅區都係喺16點至18點內嘅指定時間播歌，所以好多人誤以為播音樂係要提示小朋友夠鐘返屋企。其實有D區會喺中午12點，甚至夜晚21點半播歌都有。

渋谷區廣播：https://www.youtube.com/watch?v=4lJ5sB_fQfU

#恵依子情報系列 #恵依子OL日記 #JapanOL #eikotokyo