香港人憎亞視多啲，定大台多啲？
亞視雖然永恆，但到底是弱台，遺禍有限；大台，先甚麼立場都不談，就講作為一個電視台，劇集老土不思進取橋段forever翻渣，綜藝陳腐植入廣告硬膠，還要恃獨大驕橫，你話邊個討厭啲？
ViuTV新節目《調教你MIRROR》的title sponsor之爭激烈，贊助費大幅提升，有心人比較一下，說「除開每集費用……比TVB王牌節目《愛．回家之開心速遞》」貴多少多少……
廣告商都跟紅頂白，邊個節目紅落邊個，定律。ViuTV節目報捷，可喜可賀，不過用《愛．回家》同《調教你MIRROR》相提並論有少少不倫。
首先……er，我不會說《愛．回家》是「王牌」節目，最多是長壽，說到王牌，以前的《金枝慾孽》、《獎門人》就真是王牌了，印象中，獎門人特別版，單一集，可以收一整套節目的贊助費。
但廣告公司真的太welcome新台崛起，記得許多年前，某免費報紙因印量鉅大而稱霸武林，Media同事說他們的Sales「用個鼻同你傾嘢嘅」，態度非常之「唔志在」。
現在，聽聞大台的sales，人品忽然全部變好，好好傾架。
市場優勝劣敗真相，數字都仲要解讀，最赤裸易明，睇sales屎同你傾生意的態度，先最真。
#王牌喎
#愛回家真係咩
#titlesponsor嚟講
#MIRROR上贊助費咪上囉
#Sales屎態度先係真相
#畢明又講吓廣告
mirror上贊助費咪上囉 在 MIRROR經濟圈| 請問一下有冇人可以25號代購手燈 的推薦與評價
原價(幫買/代買) Mirror演唱會周邊pop up ... 而viu早前已講負責所有醫療費用。 ... 萬眾期待由麥當勞冠名贊助的ViuTV原創劇「麥當勞新世代Big Mac呈獻《季前賽》」 ... ... <看更多>