《ERROR自肥企画》的尾聲,呼應首集,致敬了EVA最後一集,並以這樣的一段讀白結束。
「就算你不完美、就算有人漠視你,不要逃避。就算所有事都不順利,也要記住自己能貢獻的事,不要否定當初相信的價值。每次懷疑的時候都問自己,為什麼會在這裡?在這裡做甚麼?如果未找到答案就再試一次,不要停止嘗試。」
「Error不是這篇土地上唯一戰鬥的人,每個人都會用自己的方式,在自己的崗位上戰鬥,一個人不會成功,但如果每個人都盡力的話⋯⋯」
中間穿插幾幅不到半秒的文字圖,相信就是團隊相信的價值及最希望傳遞的訊息。
有笑有淚有深度的15集,以有限製無限,說是電視綜藝節目的新高度也不為過。
謝謝ERROR和Mike導無制限團隊。
#Mike導世一
#ERROR世一
#香港人加油
mike導世一 在 叛逆中女 Facebook 的最佳解答
近排J緊mike導,識孫子兵法嘅男人真係好charm,仲要有學識之餘有埋膽識,有guts有埋body,點搞呀?
清潔部唔該嚟拖一拖地!
P.S. 私心偷圖做background
Photo credit: @soaplau
#error自肥企画 #無制限ot編集団 #mike導世一
#叛逆中女 #叛逆語錄 #手寫 #手寫字 #文字 #寫字 #書法 #繁體字 #廣東話 #手繪 #插畫 #插圖 #水彩 #語錄 #手寫語錄 #calligraphy #handwriting #brushcalligraphy #inkdrawing #watercolor #brushlettering #brushpen
mike導世一 在 Facebook 的最讚貼文
【 格仔Mike埃豬粉絲升破四萬!】
MeWe版本:https://bit.ly/3o9x5u8
你今日ERROR咗未呀?
自4月初因為無綫與ViuTV收視大戰而衍生的「193與曾志偉隔空互串事件」後,上周開始在99台首播的《ERROR自肥企画》,憑其「絕對黐線+完全變態」的內容,令ERROR四子 ─ 「Dee哥」何啟華、「肥仔」梁業、吳保錡與「193」郭嘉駿獲得成團兩年半以來前所未見的人氣高峰,連帶負責度橋和製作的「無制限OT編集団」的知名度亦直線飆升,除了「Agent L」曹梓冲(Alfred)的IG經已衝破一萬外,幕後「大腦」、人稱「格仔導演」的劉諾衡(Mike),其個人Instagram的追蹤人數更由節目第一集出街前(3/5)大約6千幾人,暴漲至周三(12/5)成功衝破4萬大關。參考社交媒體數據分析網站Social Blade的統計數據,「Mike導」的IG曾於周二(11/5)單日增加逾5,000人。另一方面,有「Mike粉」組成後援會「格仔Mike導絕對應該有後援會」,暫時累積近2,500人,有成員自稱為「格仔餅」!
對於外界反應如此熱烈,「Mike導」難掩興奮心情。「話冇就假㗎啦!」他透過WhatsApp語音短訊回覆時說。
與其說是興奮,不如說是出乎意料之外。「Mike導」接受訪問時直言,當初也沒有想過《ERROR自肥企画》播出後,觀眾反應會如斯強烈,「坦白講,真係有啲意外,我覺得對於我哋成Team人嘅付出,係一個好好嘅證明,代表我哋一直以嚟做緊嘅嘢,係有人留意、係有人睇嘅,而且係會喜歡嘅。」「Mike導」又指,其Instagram一直都是公開帳戶,由《花姐ERROR遊》起,每逢有自己負責的節目出街,追蹤人數都會上升,「係直到今次,第一集出街之後,Followers就突然升得好誇張。」現時《ERROR自肥企画》只播了八集,換言之,「Mike導」的IG粉絲數目在不足兩星期內暴升六倍。
「Mike導」認為,第一集開首將庵野秀明監製的日本經典動漫《新世紀福音戰士》片頭,惡搞成二創版《無制限OT編集団の行動綱領》,是令其IG追蹤人數大幅度攀升的關鍵,「其實我哋要整《EVA》呢樣嘢之前,都有諗過:喂,會唔會太唔知點?會唔會太唔恰當呢?始終《EVA》都係一啲好高層次嘅嘢,未必全部人都識嘅嘢嚟㗎嘛,但結果秉承住『無制限OT編集団』『好想做』嘅作風,同埋都算係少少『自肥』嘅,結果就一鼓作風做落去,點知出到街,唔知點解好中觀眾口味,我自己同團隊都好開心嘅。」當然「193」也是令到整件事爆紅的催化劑。
今年正值本地影視娛樂界的新舊交替之年,自從元旦日《叱咤樂壇流行榜頒獎典禮》先後掀起「姜濤旋風」與「MIRROR狂熱」( https://bit.ly/3qZJKj9 ) ,去到4月初,又因為兩台收視大戰,「193」郭嘉駿以連串出位言論回應無綫高層曾志偉指ViuTV不是無綫對手,而令網民擊節讚賞。「Mike導」承認,因為「193」的敢言帶來正面宣傳效應,加上緊接ERROR擔任骨幹成員的《考有Feel》出街,令《ERROR自肥企画》無論收視和討論層面直接受惠。
「『193』嘅言論固然重要,令到大家留意多咗ERROR,亦因為佢,好多人走去睇番兩輯《花姐ERROR遊》(近日ViuTV亦以五周年台慶名義重播部份集數),尤其係第二季啦,我覺得呢個節目係生不逢時嘅,2019年9月出街,嗰陣社會非常動盪,唔係好多人睇到、接觸到、認識到呢個節目。但因為『193』,就令到網民走去摷番《花姐ERROR遊2》嚟睇,同時大家都搵到呢個節目有趣、好睇嘅地方,呢種熱烈反應延續去到《ERROR自肥企画》,所以《花姐ERROR遊》係一個好重要嘅原因。」「Mike導」用心分析今次「ERROR熱潮」突然出現的緣由。
畢竟敢言不敢言只是「吹水」,假若節目內容不夠吸引,觀眾還是不會畀面,所以「Mike導」想特別感謝《ERROR自肥企画》的台前幕後,「好值得感恩囉~嘩!『感恩』呢個字好老土呀,總之感激呀,感激有一班人係欣賞緊自己、自己嘅作品同埋自己嘅團隊。」至於早前「Mike導」向網民下「戰書」、如果《無制限OT編集団の行動綱領》(https://bit.ly/33ldgGw ) 在YouTube的瀏覽率能夠在節目下周五(21/5)結束前突破150萬,就會推出神秘驚喜,截止周四(13/5)下午三時半,累計點擊率已超過93萬,理應很大機會要找數吧?豈料「Mike導」不同意:「要喺僅餘時間突破呢個數字係有難嘅,係有挑戰性嘅,但點解要Set到個目標咁高呢?團隊入面有提出過,不如100萬就算,但我又覺得如果目標高啲,亦都達成到嘅話,咁先至係挑戰嘛,如果求其話80萬,咁就搞掂啦,係咪先?!」
那個神秘驚喜莫非是「Mike導」不再打格仔?他笑着指,暫時沒有這個打算。「去到呢一刻呢,唔係話為咗要遮住自己個樣,唔畀人知道我係邊個呀?始終我喺社交媒體都冇遮嘅,打格仔只不過係一個由我自己第一個負全責嘅節目(《花姐ERROR遊》)開始承傳落嚟嘅元素,即係一個角色設定,不過冇嘢冇可能,我都唔排除他朝一日會唔打格仔,但係至少而家呢一刻未有咁嘅打算。」
【 延伸閱讀 】
格仔Mike親解開金口原因:https://bit.ly/3xYwK22
(13052021)
#游大東影視筆記 #游大東 #格仔導演 #error自肥企画 #梁業 #何啟華 #193郭嘉駿 #吳保錡 做乜膠睇電視 港人講電視 我睇咗啲乜嘢 葉一知 William on the way 格仔mike導絕對應該有應援會 ERROR 何啟華 DeeGor Ho 郭嘉駿 Denis Kwok 193 梁業-肥仔 Poki 吳保錡 #Mike導世一 李鴻彥專頁