【#世界奇聞錄－🇦🇿用石油沖涼？】
啤酒浴、牛奶浴你就聽得多，但有冇聽過石油浴呢？下？新聞報紙都有講石油唔夠用，乜原來有國家興用石油沖涼？🤭
冇錯，真係有！講緊既就係位於高加索地區嘅阿塞拜疆啦～當地盛產石油，但石油都有分適合同唔適合工業使用既，而阿塞拜疆就將唔適合工業使用嘅石油拎黎沖涼，當中納夫塔蘭市（意思為意思為盛產石油）嘅石油浴就十分之出名，吸引唔少遊客去一試用石油沖涼嘅滋味！😛
相傳 古時一隊駱駝商旅遠征中國做貿易時，一隻駱駝受傷行唔到，佢地就忍痛放棄咗佢，但回程時竟然發現隻駱駝，喺石油中沖完涼之後就好返，所以照辦煮碗去試下醫自己受傷嘅地方，因而發現石油嘅神奇效用，之後更去兜售石油，去醫治受傷嘅痛人添！
一般石油浴療程需時10-20日，合共沖15-20涼，每次沖10分鐘左右，如果沖得多反而會對皮膚有副作用，所以唔可以多！據聞當地石油同一般石油唔同，工業價值好低，但具有消炎止痛、擴張血管、促進新陳代謝同埋加快傷口癒合等功效，可以治療牛皮癬、風濕、關節炎、皮膚過敏、肌肉勞損等70幾種疾病！
不過講到用石油沖涼，價錢就梗係貴啦！每沖一次涼都要大概3,750港紙，圍起上黎成個療程都要成7萬5港紙咁貴！唔怪得話去阿塞拜疆沖石油浴﹐成為中俄兩國富豪嘅新興活動啦～
#flyagain #又飛啦 #阿塞拜疆 #Azerbaijan #納夫塔蘭 #Neftalan #石油浴 #CrudeOilBath #冷知識 #世界冷知識 #funfact #travel
