關於 pnd主題活動 ，我們在網路上蒐集到這些相關的討論、資訊與評價

遊完上環太平山街嘅cafe，夜幕低垂，開始由想飲咖啡變成想飲啤酒～行到街中間，PND竟然發現呢度新開咗間賣手工啤酒嘅小店！

手工啤酒，普通大品牌啤酒，其實有咩分別？

實在太無知..問問店員，佢就同PND顯淺介紹～手工啤酒通常會加多種鮮果、花、食物等新鮮製造，由yeast (酵母)自然發酵，所以氣泡會綿密啲！亮點係：傳統製作啤酒卡路里低好多，因為無好似大廠啤酒咁用粟米、糖漿取代麥嚟釀酒以減輕成本，所以，手工啤對想飲酒又想減肥嘅潮友嚟講，絕對係恩物！

PND覺得呢度嘅手工啤價錢合理，枝枝由$2X-$4x，而且口味好多，樽靚，好潮，仲要好多外國人嚟買，有保證。

女仔潮友入門可試：好似左上呢隻丹麥啤，足足用咗6種花釀製，花香味有層次！右下嘅係poison berry味，有少少似果汁，相對易入口。潮友仲可以試吓Earl Grey味嘅「Yeastie boy」，選用嘅酒花濃烈啲，比較厚身。

仲有好有玩味嘅土炮啤酒，港產啤「門神」，有黑朱古力香，玩味十足。

傾傾吓，原來嚟緊呢啲手工啤酒仲會出現喺十月嘅《Beertopia香港國際手工啤酒節2015》！ 到時有500+款任揀，仲有環球美食 (burritos, BBQ, etc.)、band show、DJ表演同遊戲，有得食有得飲有得玩，大型嘉年華，潮友一定會大滿足啦。

Beertopia 香港國際手工啤酒節2015
地點：中環新海濱
日期：9-10/10/2015
票價：$280-500 (早鳥優惠至下星期一!!!) $330-550 (原價) 學生仲有優惠添!
詳情/購票：www.beertopiahk.com

#PND主題活動

中西區搵食、玩樂地圖（第一版）：

中環裕記大掛檔早餐(三文治)/勝香園茄牛麵→永樂園熱狗→ChumChumMiBox外賣韓式炸雞→IFC Garrett爆谷→香港站1號小巴往山頂→買齊野食去山頂柯士甸山公園野餐/影相→特麗愛Trickeye Museum(出面平台為免費日落觀賞點，可互選)→1號小巴往中環地鐵站→HKU站b1出口往Instagram pier(日落觀賞點，可互選)→電車/徒步/行人扶手電梯上西營盤第三街→Crispy Bistro→晚飯推介「NOODIES」→阿元來了/uncle Padak→Seoulmate Cafe 韓式甜品

由於台灣小店要排太耐鳥，PND驚喜發現，西營盤第三街，有間新派fusion麵店，佢地嘅喇沙湯底同冬蔭公湯底，係世界級嘅！

入到呢家FUSION麵店，店仔細細，得十幾個位。吧枱加挨Pang椅，比拉麵店更好坐。睇睇menu，嘩，平拉麵一半，標準麵底配兩款食材，都係$46！仲見到廚房店員努力炸緊春卷，係同我差唔多大嘅小妹妹(原來係應屆Dse妹妹，勁!)好認真地擔正做大廚，好啦，就試試佢。

PND快速亂Scan，即刻發現點拼最好味：無味精湯底擺明必試冬蔭功/喇沙湯底(想食清啲嘅仲有豬骨湯底)，同朋友互選，就可以飲哂兩款湯底。麵款加$3，可以一個碗食兩款麵(total8款)，米粉米線喇沙粉絲油麵辛辣麵。升級食材每款$10，有溏心蛋、咖哩魚蛋、醬醃豬手(勁好味救命)等， 咖哩汁佢哋自己調，真係幾好味。

嗯，自己碗麵？自由拼啦。

飲哂兩款湯嘅PND，又到發問時間，店長解答，呢度冬蔭公、喇沙湯底係老闆特登飛去泰國、新加坡拜師嘅成果，部分搭配餸仲要係自家製。

我最鐘意佢地嘅普通白麵，爽口彈牙，仲有粉絲，吸哂湯汁好惹味。雲吞自己包，手撕雞好香麻油味，仲要係自己撕。

除咗重口味嘅湯底(唔係好辣又唔口渴)係世界級之外，PND仲對呢度嘅《即製春卷》$25一食鍾情！即炸勁脆，無油益味，內裡有菜有肉有粉絲爆哂餡，好食過泰國菜館/酒樓，潮友一定要試試佢。

Noodies
電話：25590080
人均消費：$46-$70
座位：18
星期一至日 11:00-21:30
#PND西環 #PND泰國菜 #PND小食 #PND港式 #PND主題活動
@西環西營盤第三街56號福滿大廈地下E舖

《派對動物系列》

早幾日，有潮友叫PND去土瓜灣開party，仲話「震驚了七百萬人的新聚腳點 還不知道你便落伍了！」 真係要去見識吓lol

佢地係熱愛street art嘅，場地嘅牆畫、藝術作品，都係嚟自本地藝術家嘅手筆！如果潮友想自己嘅藝術作品喺佢地個靚場display，佢地話1000個歡迎。

天大嘅喜訊！📢📢📢嚟緊8月1日（星期六）佢地會舉辦grand opening：潮友可以$0全日任玩，免費體驗場地設備！

當日，Gangers會免費提供簡單到會食品，仲有free drink添，名額先到先得，無限時段07:00上去食早餐都得，而家可以wtsapp佢地book喇，順便跟住PND搵食地圖食盡玩盡土瓜灣！

睇哂最近戲院啲戲唔啱睇？佢地仲有百幾套戲任借任睇，應該唔會無套啱呱！波友必備，佢地大廳有張「標準」美式桌球枱，平平地上去督返轉，玩埋Board Games、啤牌、麻雀乜乜乜先叫開過P～用埋WillU玩孖寶兄弟，仲有PS4任打，都非常之唔錯！

5間主題房、1個靚景天台，任你揀，星期一至日，包無酒精飲品，07:00-18:00，最平人頭費都係$60/3個鐘；$65/4個鐘起，好抵。真心搵完食完上去開P啱哂。

聯絡方法：如果想搵Ganger佢地book位、問野、預約都可以wtsapp 97059003(Ka)/60898213(Kit)
營業時間：24小時

@土瓜灣馬頭角道40號東南工廠大廈11樓A2(10樓上一層)

#pndpartyroom #PND土瓜灣 #pnd主題活動

PND土瓜灣潮遊地圖（譚公道出發）：
初記(平食煎釀三寶)→譽麵坊(南乳雞球米線lunch）→世紀鮮榨椰汁($9/大杯凍椰汁)→《GANG1/8開幕試玩日》→榮幸小食檔(薯不芝熱狗/白魚蛋)→過馬路去囍囍小食(炸雞脾/$16)→The Bites & Co(lunch/甜品)→日昇小食(韭菜煎餃/$10/4隻)→上海豆漿王阿媽(凍豆漿)→小食部→串皇小食→鴻福海鮮四季火鍋(晚飯)→散步去HeySoNuts(Penna Cotta/Waffles，收21:00/或排喺行程最早）