Search
💛【限定全店$58！牛肉壽喜燒 / 吉列牛扒 / 天婦羅丼 定食！】Food court高質日本丼飯！
-
呢間小店俾大家嚟到MOKO Food Court多個選擇～呢間丼飯專門店主打高質美國特級/美國極黑牛肉丼飯、天婦羅丼、吉列美國牛肉丼、美國特級牛肉壽喜燒定食等等，呢期全部丼飯、定食全部係劃一$58，定食仲會包埋前菜、湯、日本米飯等等，都幾高性價比！
-
主打《吉列美國安格斯牛肉定食$58》夠哂抵食！肉味濃厚嘅安格斯牛肉蘸上吉列粉漿後炸到金黃香脆，吉列牛肉切開勁juicy，配埋少少鹹多多脆嘅炸漿，撈埋熱辣辣丼飯食，值得一試！
-
都想食美國牛但係想冇咁熱氣？可以叫《美國特級牛肉壽喜燒定食》/ 《美國安格斯牛扒定食》！除咗牛丼，仲有各式天丼，好似即叫即炸嘅《野菜炸蝦天婦羅丼($58)》就食到大大隻炸天婦羅蝦！絕對係糧尾恩物！
-
極の丼戶
地址：旺角MOKO L3層食代館13號舖
星期一至日：09:00-21:00
#PND旺角 #PND日本菜 #PND黃幫襯
💛【開party抵食壽司之選！】
-
龍門居呢間小店嘅賣點係街坊價錢但食物份量大，外賣嚟同fd/屋企人開partyshare一流，食滿指定價錢仲有野食送，例如滿$220 送蟹子沙律，魚生新鮮，而且仲有唔同炸物好似炸雞軟骨、炸生蠔等選擇。
-
《赤壽司拼盤》由$135起，《豚肉卷四件》 $29、《炸蝦加州卷》$27、《辛辣三文魚卷6件》$25、三文魚壽司($7) ，仲有大大盒又重手嘅《三文魚刺身》一磅$158。
-
佢地有壽司set、熟食、新鮮丼飯餐等，亦有壽司係逐件逐件嗌，現場同外賣都係大件夾抵食～今次仲叫咗一磅三文魚刺身食，三文魚紋路幾靚夠肥美，魚腩位嫩口肥美，壽司同卷物方面都幾好食，部分壽司火炙過之後仲好食，壽司飯同魚生都有少少焦香感，好食！
-
赤壽司剌身專門店
地址：屯門龍門居80號地舖
星期一至日：11:30-15:30；18:30-22:30
#PND屯門 #PND日本菜 #PND小食 #PND外賣
💕【蘭王平時就食得多喇～究竟邊款「蘭王」蛋先可以生食？】
-
相信好多人都會買日本第一蛋王「蘭王」喺屋企整嘢食～但係其實邊隻版本嘅蘭王蛋先係可以生食嘅呢？大家只要認住有「飛機仔」版本嘅蘭王先係可以生食，因為佢哋由日本九州嚟到香港只係需要1-2日，香港唔少高級日本料理都係用空運版蘭王蛋嚟俾客人生食㗎，除咗杜絕沙門氏菌，味甘甜冇腥味，蛋黃色澤光亮仲好靚嘅橙黃色！啱晒平時喺屋企燒肉點嚟食同整丼飯！
-
蘭王空運版總代理已經喺5 月 31 日起至 7 月份會同燒肉店YAKINIKU MORE 牛魔、首度登陸香港嘅西澳洲頂級黑毛和牛品牌 Margaret River Wagyu合作推出多款午市供應嘅可生食嘅蘭王蛋和牛料理！包括《蘭王 x Margaret River 和牛牛板腱石鍋飯 》、《蘭王 x Margaret River 和牛漢堡飯》、《蘭王生薑豚肉丼》同埋《蘭王拌飯》等～晚市期間YAKINIKU MORE 亦會將部分生吃用蛋全升級為蘭王，好似招牌野原燒等！
-
必食有新性價比極高的「一人燒肉」套餐，$148 就食到A4 和牛牛肩肉拼澳洲和牛牛五花，仲要跟咗白飯、 前菜及湯，$168 套餐仲可以食埋全天然豚肉五花薄切和厚切、 鳥肶肉醬油及黑毛豬頸肉添！
-
由 6 月 7 日起，午市全線套餐和「一人燒肉」套餐 8 折 (蘭王系列除外)；晚市逢星期一至四晚上八點後二人訂座以上， 送特色食品如薄切牛舌、刺身杯或甲羅燒其中一款。平時想喺屋企買到可以生食嘅空蘭王蛋帶，你仲可以以優惠價購買或預訂空運直送蘭王蛋，以及另一款日本 Top 3 雞蛋赤彩卵！
-
Yakiniku 蘭王聯乘店@YakinikuMore
地址：尖沙咀棉登徑 8 號地下 5 至 6 號舖
電話：2750 8800
#PND尖沙咀 #PND日本菜 #PND燒烤
Comments · [Eng Sub]【泰式炒河粉】最出名的一道泰国菜食谱 Pad Thai · 【KALDI回購品】咖樂迪買來的商品做簡單下酒菜/ 介紹City Super 買的 日本 調味料/ 開 ... ... <看更多>
跟用I PAD點餐的佛祖一起吃棉花糖壽喜燒/火鍋!!!--天水玥秘境鍋物殿@ 貓兒碎碎唸 ... 花盃日本料理(銅鑼灣/日本菜鐵板燒). 花盃日本料理(銅鑼灣). 花盃日本料理(銅鑼灣). ... <看更多>
pnd日本菜 在 【Pad Thai 泰式炒河粉】... - TASTY NOTE 日本男子的日式 ... 的推薦與評價
【Pad Thai 泰式炒河粉】 泰式炒河粉是泰國代表性的麵料理，這次我也一起介紹這道食譜。 炒河粉的做法有很多種，這次介紹給大家我在泰國學到的食譜。 ... <看更多>