【2日1夜食玩訓之旅】日日時間有陽光,係呀,PND講嚟緊呢幾日,係時候去多次Outing先!
長洲大澳梅窩,去過啦,又有n位潮友繼續問PND,有朋友想玩過夜,但佢係世界級港女,營車、渡假屋、營...一律接受唔到。Orz咁PND就介紹吓窮L學生都玩得起嘅靚景酒店,同點玩先精彩啦~應你地要求咋。
Day1,可以玩VR、去海灘、打沙排、自助餐、睇海景
想平少少,但有得免費upgrade無敵海景房,又要企理乾淨,PND覺得望汀九橋嘅帝景酒店幾啱潮友平玩/慶祝。做緊優惠,價錢唔貴,想要大啲嘅房幾個潮友攬住一齊瞓都係$838、$988、$2338(兩床房)起,離麗都灣曬太陽10分鐘路程。
亮點1:
得意主題房有3間:賽車主題、足球主題、露營主題,全部雙人房都可以加梳化床,問過四人入住同一價錢,開哂啲床嚟瞓,計落都係百幾蚊一位,已經可以免費享用游泳池、gym room、VR實景體驗遊戲,個package啱哂PND呢啲未玩夠嘅學生潮友。
汀九附近,不嬲有渡假feel,麗都灣個景望汀九橋望青馬大橋,由酒店行10分鐘落去,就算你只有泳衣其他咩都無帶,都可以士多買,仲有沖身地方、沙排網等,即刻可以買番杯菠蘿冰同冰菠蘿,落海灘玩水,由於沙石較多,建議潮友可以帶/買返對拖鞋!玩咗成日~咁夜晚食咩好?其實麗都灣燒烤爐得2個,雖然靚景,但都係太少地方同太遠。
亮點2:
去得酒店,即管試吓佢地嘅自助晚餐,package有餐飲優惠,自助餐又有魚生刺身、冷盤熱盤,仲有十幾款甜品、朱古力噴泉同Haagen-dazs任食,只係差無生蠔啦。行兩步就可以上酒店食完就瞓,食到太飽,夜啲可以去打機房租xbox玩吓,又可以去Gym,Gym完返房沖涼,對住海景玩通頂,第二朝又俾陽光與海景自然叫醒,真心爽。
Day2 出荃灣食玩買
呢次酒店package唔包早餐,都唔緊要嘅,通完頂瞓到晏一晏,落泳池遊完個靚水,就可以check out出發,酒店有免費shuttle出返荃灣/尖沙咀,如果潮友想喺荃灣醫肚再食吓,行程可以如下:
Beans→Zeppelin Hot Dog火炙芝士肉醬熱狗→貓之茶房(貓貓樂園日式便當) →串皇(串燒) →亞玉豆腐花($8碗)→捲餅兄弟→KALA(芝士多士)→ 一鍋堂(火鍋)→
上天橋→千千島士多店(招牌薯仔蛋拼) →咖啡賞館(cake,下午茶)→鮑記大食部(瀑布芝士牛堡)→回程
帝景酒店
日期:由2016年7月3日至2016年8月31日
預約優惠:上佢地官網打入優惠編號"HKPND”可以平啲喔
點去:免費穿梭巴士由酒店往來荃灣及尖沙咀
已包括:雙人酒店自助早餐、免費租用廚具設備 (電磁爐,平底煎鍋,煲,餐具等。調味料須自備)、免費零食籃 (檸檬茶4包、百力滋、紫菜、糖果、朱古力及脆片)
#PNDouting #PND荃灣 #PNDnEvent
pnd梅窩 在 HKPlay N Dine Facebook 的精選貼文
打風呢啲,特技嚟啫,嚇我唔到嘅!
嚟緊個星期天氣好返啲,放榜前後/考完試後,壓力真係幾大,Sem break當然係食盡玩盡佢啦。潮友要癲得起,當然唔少得過個靚夜、同朋友狂玩、狂食宵夜同傾成晚啦。
上次推介過南丫島短短地嘅本地遊,好多潮友又繼續問PND,如果想玩兩日一夜大嶼山,應該點鋪排~好啦,出發!今次先唔講大家熟到爛嘅營車,就介紹靚靚渡假屋同附近點玩先精彩。
Day1,可以玩梅窩、食梅窩、住梅窩
搭船入梅窩,可以先去海灘玩水!居民潮友就介紹,呢面以熟食中心為主,餐廳、bar、cafe等都有但唔多~咁食咩好?最好當然係自己買野喺銀礦灣燒烤場對住藍天碧海燒吓朱古力棉花糖waffle啦,經濟又實惠,而且行兩步就係沙灘,仲有沖身設備同廁所,夠方便。
想平少少,但又唔想住銀礦灣酒店,盲中中住咗間又乾淨又靚嘅渡假屋《梅窩海景渡假樂園》嘅VIP家庭房,價錢唔貴,暑假閒日一晚都係$680-$1112起,離海灘30秒路程,最多可以4-5個frd一齊攬住瞓。
呢度比較似酒店(中左圖),一間房連廁所,可以揀望山/望海,間房啲裝修好新,利申:有潔癖,覺得堅係乾淨。問返reception原來因為2年前重新裝修過!廁所有齊毛巾、牙刷、杯、梘液、風筒、夾萬等咩都齊。
Day2 入大澳食玩買
呢間渡假樂園包早餐,食埋就可以check out出發,行返15分鐘去碼頭搭1號大嶼山巴士直到大澳,大約40-50分鐘車程,(大澳1日遊則喺東涌搭大嶼山巴士11號入去)到咗大澳,行程可以如下:
南涌-東方小衹園(荔茸酥、蝦醬炒飯、生炒骨、私人推介世界級腰果糊)→復興行(魚蛋~)→隱姑茶果→大澳小食香妃卷→車站豆腐花→大澳燒烤店(星期六日開)→其記魷魚(星期六日開)→張財記蝦豬餅(星期六日開)→大澳炭燒雞蛋仔叔叔/華記雞蛋仔→大澳餅店(沙翁)→貓cafe→蘇廬→14:45行返出去橋附近上街渡$25去睇海豚(如果見到海豚,記得禮貌地請船家唔好駛太埋,遠觀先唔會撞親海豚哦)→文物酒店有落→去Tai O Lookout食下午茶→17:30街渡出返大澳巴士站→紅樹林/碼頭睇日落影相(帶神棍呀)→搭11號巴士返東涌→回程
暑假價錢:
雙人標準房 $680, 週未 $1000 (地下房可帶小型寵物,16kg 以下)
VIP 家庭房 $1112 週未 $1445 (可入住4人)
預訂渡假屋可參考
http://holimood.com.hk/SW03-A%20%E6%A2%85%E7%AA%A9%E6%B5%B7…
一次過可以睇哂營車、營同渡假屋,同訂埋,夠方便,上癮了,亮點係有九折。
#PNDouting #PND梅窩 #PND大澳