一年容易又港馬。上年跑完之後已經訂咗個Plan畀自己：跑多一屆香港半馬，然後希望到年尾揀隻海外全馬，將呢隻初馬當生日禮物送畀自己。
初馬嘅地點仲諗緊，而家首先係要集中精神應付咗星期日隻半馬先；嚟緊呢個星期，想同大家分享下準備情況。上年哩數儲得ok，但係由年尾到今年年頭嘅工作Schedule實在排得太密，停跑咗一輪，結果幾乎又要砍掉重練，而家狀態叫普普通通啦；我成日同冇做開運動嘅朋友講，跑步嘅嘢，操得Fit就跑快啲，如果唔係輕鬆嚟個Fun run都一樣咁好玩，最緊要係試咗先嘛。今次有朋友一齊跑，希望星期日享受下比賽；衝到時間梗係好，跑得開心嘅話亦都唔錯。
比賽，首先要揀信得過嘅戰友。呢幾個月嚟主要都係交替著呢兩對，所以應該都係喺佢哋之間揀㗎喇；第一對係Nike Zoom Pegasus 35 Turbo(黑撞螢光黃)。呢對基本上唔駛點適應，第一次上腳已經覺得好舒服，支撐同緩震各方面都平均，練長課時對腳唔會有額外負擔，足弓位亦唔會咁易攰；另外仲有感情分 - 呢對係專為港馬出嘅特別版，鞋身印咗HKG同852；著港鞋跑港馬，啱數。
如果Pegasus 35 Turbo係迎合大眾嘅家庭車，咁Nike Vaporfly 4% Flyknit(橙色)就係超級跑車。佢唔會完全就晒你，而係要你去駕馭佢；但如果你駕馭得到，就會見到個驚人效果。仲記得第一次著上腳，未跑，已經完全感覺到佢嗰種「快」：輕身、包腳、前傾。呢對鞋嘅Setting係會帶快你個節奏，你會不知不覺咁跑快咗；自己就試過畀佢帶快，早咗發力都唔知，結果Pacing被打亂，到尾段就跑得有啲辛苦 - 我話要學識駕馭呢對鞋，就係咁解。要「勒」住，保持自己跑開嘅配速；到要爆嘅時候，你就會感受到佢嘅威力。呢對我主要著嚟練速度課，感覺好正 - 不過都係嗰句，要有番咁上下功力先好著佢嚟比賽。
呢一刻，我諗會傾向Pegasus。幫手畀啲意見吖。
#家謙港跑
#NikeZoomPegasus35Turbo
#NikeVaporfly4PercentFlyknit
#weflyhkg
#RunHKG
#NikeRunning
#NikeHKG
#JustDoIt
