[今日點睇] 華為危機繼續發酵、中美越搞越僵，對個市當然不利，短線繼續下望25579（反彈浪回調0.618），風頭火勢，又近年尾，有反彈基金大戶必然搶糊，難推上。
再咁落去，90日談判期隨時「突然死亡」，將個市再踩深啲。不過，出埋呢隻腳，灰到盡頭就是彈，而催化劑係乜？今日呢篇為大家分析。
＃美經濟轉弱金價GoGoGo
＃SQQQ各位仲有無
＃7300yeah
【異動空間搶先睇】明年危轉機關鍵
年尾收爐階段，開始為明年作部署。宏觀影響微觀，今期先講美國息口，可說是明年危轉機的關鍵。多年來，美聯儲最擅長就是管理市場預期，方式就是採用「利率指引」，即每次息口變動前都講定先，例如今年6月時，已暗示下半年會再加息兩次；明年春季起可能暫停加息，也在上月通過媒體放風了。這種做法可減低市場波幅，對投資者是好事。
問題是，美聯儲都係睇住經濟做人，當經濟上行自然較易估，事先張揚加息都仲得。但當經濟處於周期頂部，中美又打緊仗（貿易戰、經濟戰、科技戰，whatever），經濟能見度急降，連鮑老都係睇住twitter做人，又點畀指引大家？
《華爾街日報》就放風，明年息口政策會轉向，變成「睇住數據做人」，見步行步，曲線話畀大家聽「經濟離頂不遠／已到頂」，但政經不可分，仲有兩年先選總統，萬一明年就經濟衰退，侵侵連任夢就凍過水。因此，魏力預期好大機會，明年美息要鬆番，甚至縮表規模都要減，務求美國經濟頂多兩年。美匯弱番些少，對新興市場來講是好事，至少無今年咁灰。
炒股來講，明年股市對經濟數據的敏感度將有增無減，波幅及風險也會更大，但有危就有機，逐格去打、操作爽手一點，一樣搵到食。呢輪熊市最大的反彈，應該2019年才出現。
https://hk.finance.appledaily.com/…/artic…/20181209/59010284
