［其實我係一個作家］Radio, what's new? Radio, someone still loves you！
筆請字來！朋友嘅新節目！我係第一炮！
同朋友敘舊，兼且宣傳我嘅新書。之前耐唔耐有去新城財經台 - 財經直播講投資，講自己就第一次。有講埋我嘅心路歷程同背後嘅making of
再下個星期日（8月22日）夜晚10點播出，節目為《104投資總部》。到時播咗再提大家。
又，之前話自己「作家」，都有唔少人批評。都係。如果你話「網絡作家係咪作家」，咁「鍵盤運動員係咪運動員」？（呢度就偷換咗概念了）
到後來報紙有專欄，都仲係有人（善意地）講，咁columnist 同writer 都係有啲分別嘅
不過而家書都出埋，都真係「作家」啦啩？固然你可以話「出得一本書又話係作家」，但應該冇人會質疑「踢得一屆世界盃又話球員」啩？（呢度又偷換咗概念了）
不過講真，我舊文都有寫過。How I become a writer．Write 嘢嘅咪writer，但中文乜都家，感覺怪怪地。大陸就仲怪，分析員就分析員，又要變分析師。咁但，叫作者又好似好怪。
所以我同人介紹，都係講「我係寫嘢嘅」，總好過同人講「我係KOL」（雖然sort of，但自己叫自己KOL好怪，況且亦唔鍾意呢個詞）。
「我係寫嘢嘅」「寫乜嘢？」「乜都寫啲」「例如呢？」「財經股票嗰啲」「哦即係畀貼士教人投資理財嗰啲」「又唔係喎」「咁即係乜？」「樣樣都有啲」「唔好意思，我去拎杯嘢飲先……」
（以上對白，之前幾年啲「networking」出現過好多次）
所以而家，我會轉一轉。「我係寫嘢嘅」「寫乜嘢？」「全職寫，收入高過我以前返工」「嘩！講多啲嚟廳」
See？你見我根本完全冇答佢嘅問題。但對方即時好興趣。香港地都係現實嘅，但我覺得都係好事，開Patreon，當然為錢。正如流行文化，就當然係講銷量講吸金能力。
都係叫Content Creator，成件事就型好多。實情賣鹹相嘅又係Content Creator，寫文嘅都係Content Creator，十分好。
牛年比別人知得多。subscribe now.
Patreon.com/ivanliresearch
#ivanliresearch
sort of中文 在 [請益] all sorts of / sort of ? - 看板Eng-Class - 批踢踢實業坊 的推薦與評價