Search
［雷曼時刻］收購及合併事項喎。係咪私有化？都揸咗75%、拎多十幾廿億應搞掂。「定賣畀大陸佬？」（唔似）
私有化大股東自肥？By definition 幾撚時私有化都係益大股東㗎啦。唔益大股東私有化嚟把撚？
又，幾時都係嗰句，有錢人損手？顧掂你自己先啦。雷曼爆煲又以為ibanker好淒涼，爆肺炎股災又以為買股票嘅輸死
顧撚掂你自己先啦。反手造淡未？
牛年比別人知得多。subscribe now.
Patreon.com/ivanliresearch
［是日配圖］「場外方式」協商解決嘅嘢，拎支水還畀你啩。攞抽豬肉返去頂住數先啦。嚟吖，粗粗地，唔該。
估唔到《明報》編輯搵呢張圖呀下，很讚
全文？自己買份《明報》睇吧。值得支持，唔睇我都仲可以睇 其他人。
我當然都有買，電子版 印刷版都有（否則張相點嚟？）。自己唔買嘅嘢叫人買就唔夠說服力。Skin in the game 嘛，唔會係Nicole Kidman 叫Meg Ryan 除衫咁，「套戲咁正你唔自己除？」「呀我嗰時同阿Tom搞緊離婚」。離婚用對波離啩
牛年比別人知得多。subscribe now.
Patreon.com/ivanliresearch
［OEM嘅嘢］非聲討，樓主都冇好惡咁鬧。況且一向我唔鍾意審人。你見我一定打格仔（而家post都刪埋）。所以純學術討論。
不過認真，700蚊有咁嘅早餐畀你，還神啦。仲特登幫你買，我真心覺得應該表揚間酒店！隻蛋我幾想食（得，我知，粟米肉粒飯嘛）
朋友話銀龍好過啲三星酒店嘅油淋淋早餐。我raise ，四星都係！當然好睇你啲星點定。但結論都係700有咁嘅早餐十分超值
（得，我知銀龍粟米肉粒飯）
又，我好細個已經諗呢樣嘢，會唔會啲高級餐廳都係OEM，大排檔買嚟畀你。大個見啲酒吧真係咁，去隔離買豬頸肉畀你咋。
當然講到尾，係鬥個「氛圍」，感性消費。鬥食材鬥廚藝鬧裝修都未夠高，好易抄。
competition is for losers。我個廚八歲由越南🇻🇳偷渡嚟 十歲死老母十四歲落仔 然後自學成才再著到Maggie Q咁出嚟影相，包你冇得抄。
唔係話只講包裝不講實力，咁首先你都要識煮嘅（但，麥玲玲羅庚都未識睇啦，who cares？）。但得罪講句，好多領域，你有幾多人真係blind taste分到 唔同嘢？30蚊同300蚊紅酒分得出。5000同50000呢？其實有冇分別？
呢個亦係好多「技術人」嘅盲點。你講音質好 像素勁，但啲消費者係分唔到阿嬌同阿sa 嘅盲毛。蘋果幾時同你鬥spec？
況且spec有得鬥，叫做有客觀，3T好過2T，9秒8快過9秒。但音樂，寫文，煮嘢，點分高下？
講返OEM，咁啱呢排我老豆生日。一件小事，好似細個去半島定乜，充大頭鬼（佢），嗰時我已經諗，點解幾廿蚊杯汽水都有人叫（當年大家樂食個飯六七蚊）？咪又係一罐嘢。總係有啲嘢。
咁當然細細個已經知食裝修呀溝女呀呢啲。但另外仲有一次，老豆先同我講，實會斟埋畀你呀，加塊檸檬🍋呀，甚至有花生咁。
呢啲，就係「差異化」，未必令你忘記背後都係可口可樂生力啤，但至少令你覺得可以justify 。
即係同一個道理，啲奀星𡃁模KOL，只要求其搵拍過套 《喜愛夜蒲曼谷版》，片尾有名嘅。就已經身價唔同啦。明星喎。明星喎。
所以，我同意有人回（原post已刪），理應該掉走個銀龍袋佢嘅
當然如果係再高級啲嘅，倒出嚟自己再擺盤都仲得，加多塊蕃茄青瓜又收你舊幾水。
同以上酒店可樂同一道理，我細個住酒店，係唔明做乜有人會畀咁貴錢在房食早餐。當然首先貧窮限制我想像，二來嗰時唔知有唔少人可以開公數，三來最重要係春宵一刻直筆甩，那年冬天蕭在吹，有女伴嘅，唔好話落去食早餐，真係落床拎杯水都懶啦
on an unrelated note，關於粟米肉粒飯，再講一次。實不相瞞，有一期，97年夏天，我有一排成日都食銀龍茶餐廳早餐，仲要係西洋菜南街，洪葉書店樓下嗰間
原因？嗰時返暑期工。屯門去九龍塘，my god。就係巴士旺角落，再轉地鐵。就日日食銀龍。然後我就由A level 學霸變成大學second lower 。諗落應該搞個集體訴訟class action （香港係冇的）
暑期工就在浸會大學，冇Q嘢做。我每日最開心就係下午茶（自己）鼠出去睇女。新舊校園我都返過，新校睇李惠利嘅女，舊校咪睇浸會女。心諗有一日到我食。結果後來就食到，其實唔難。
我在浸大嘅日子，就係幫人影印，同埋送文件。最初我拎本書返去睇，後來當然被勸止。結果我拎本書去影印，得閒幾頁咁，拎住疊紙就冇人理我。果時就睇西洋文學，《雙城記》呀《孤星淚》呀咁。
呢啲可歌可泣嘅故事，記住keep多幾個。
牛年比別人知得多。subscribe now.
Patreon.com/ivanliresearch
ivanliresearch 在 君子馬蘭頭- Ivan Li 李聲揚 的推薦與評價
... <看更多>