有讀者問其實我係去邊到。
印度有一個基督徒團體，係印度唔同省份開左好多間 Missionary Hospitals，旨在為偏遠地方嘅居民提供廉價嘅醫療。今次我去嘅呢一間「登登醫院」就坐落係印度同尼泊爾邊境，要行去尼泊爾，大概係十分鐘嘅路程，好多係登登醫院做嘅醫生週末都會過下關玩下。
要黎醫院，我要先係 Delhi 坐個半鐘飛機去 Patna，再轉五個幾鐘頭車先會去到。其實根據地理位置，我飛去尼泊爾加德滿都轉車，應該會快啲，可惜我那坐了八個鐘頭的小屁股 (八個鐘！夠時間孩到返香港返屋企啦！）。可幸嘅係，一路都係瀝青路，唔需要太越野。除左悶、曬、熱之外，車程其實無乜特別。
聞說所在嘅 Bihar 省可以算係印度最窮但又最多人嘅省之一，五個鐘頭車入面，見到路兩旁有農田、有穿窿嘅磚屋、亦有一吹就散嘅竹屋，路邊一堆黃沙同埋垃圾，久唔久亦會見到動物屍體就攤左係垃圾堆到。你會見到有人係一塊爛地無啦啦係到鋤，小朋友赤腳係沙地到跑，亦會有人係路邊抬住香蕉椰子哈密瓜係到賣。有一次仲見到一個乜都無著嘅男仔係茅屋之間跑黎跑去，我呢啲被蹤壞左嘅腳板一見到都想流血。悶極，開窗。有時係屎水味，有時係電油味，經過佈滿發泡膠盒嘅垃圾堆嘅時候，係一陣令人作嘔嘅咸魚味。
係垃圾堆隔離係幾塊廣告牌，有提到女士們要站起來、有黎緊大選要投票。再望返落去垃圾堆入面有一隻唔知咩黎死左嘅動物，同埋訓左係隔離午睡嘅人，我覺得呢一塊廣告好離地。
投甚麼票。我對鞋呢？
#DrWhoHK
#DrWho去旅行
#Who去印度煉神油 ⠀⠀⠀⠀⠀⠀⠀⠀⠀
🔻🔺🔻🔺🔻🔺🔻
IG: DrWho.HK (instagram.com/DrWho.HK)
FB: DrWho.HK (Dr Who)
🔻🔺🔻🔺🔻🔺🔻
who去印度煉神油 在 HKU Medicine - 【學醫人生】Dr Who 的印度奇遇記//這次在 ... 的推薦與評價
有人留港服務，又有人到歐美國家擴闊眼界，Dr Who偏偏選擇到印度「煉神油」，在落後地區的醫院實習體驗。 初來報到，言語不通，當地醫護對他不太 ... ... <看更多>