同個同事出去食飯，大家都要撳錢，面對銀行櫃員機嘅人龍，我苦口婆心講咗一句：「你排隔離啦。」
同事：「唔緊要啦，一齊囉，傾下計吖嘛。」
「你排隔離啦。」我毫無感情，亦冇高低起伏咁再重複一次。
然後同事過咗隔離條隊，本身同我平排，及後佢條人龍好正常地一個又一個咁清晒，直至埋到 去入卡，同事望返轉頭，我依然喺原地，因為前面一位先生應該有大project，估計佢有幾條一億嘅數要轉帳，同事撳完再行埋嚟我度，畫面好似頭先啱啱行入嚟排隊咁樣。
同事：「不如你真係排隔離啦，順好多。」
我知根本冇用，不過為咗示範一次，我轉去隔離行，今次前面又有一個似乎未學識用櫃員機嘅師奶，然後本身排嗰條隊突然郁返......
慣㗎喇！去旅行過海關，我前面嘅人都一定有阻滯，條隊又係排最耐，旅行唔係成日去都算喇，以前返工出門口撳電梯，次次都見部電梯喺地下，要等一大輪先上返嚟，仲有趕巴士，送車尾個畫面見過N次，有時嬲到想截架的士衝去下個站上返架巴士，咁當然啦，我係連的士都截唔到嘅。
遇到呢啲情節，話冇影響心情一定係呃你，甚至預視到嗰日做嘢唔慌會smooth，甩咗隻 job、同個客有 argue、畀同事阻頭阻勢，你諗到嘅都會發生。
後來同朋友分享，先知道我唔係「被選中的人」，相信你同我都應該經歷過。有冇試過排親隊都睇住隔離條龍愈嚟愈短？有冇試過趕唔到電梯都算，部電梯仲要剛剛skip咗，你要等一個循環？又有冇試過搭巴士送車尾？仲有冇試過等的士但係前面唔知邊度忽然殺條友出嚟截糊？
諸事不順，緊接全日嘅心情同埋工作都會受到影響，一環扣一環，咪會負能量爆燈囉！其實呢啲情況老是常出現，忟憎得幾多次吖？最緊要係點樣處理同埋調節心態，畀自己坐低慢慢唞啖氣啦！工作做得唔順嘅，停一停，Relax 飲啖順滑既 Nescafé 一罐醒神 嘅 #Smoovlatté，咩都順返晒啦！我唔會咁 hard sell 同你講飲完之後中六合彩再上天台 BBQ跳起yeah，我只係想話你知，要生活愈走愈順，要工作愈做愈 smooth，心態先係最重要，唔好無限放大負能量，飲啖Smooth嘅咖啡再衝吖！個人夠positive，everything WILL BE SMOOV！
今日呢支Mocha朱古力味就啱晒我，佢個Neck Tag叫我將「本日定為不放負日」，你飲Smoovlatté 嘅時候記得留意埋Neck Tag，睇下有咩勉勵句子，另外提提你，7月9號前買兩支Nescafé Smoovlatté 仲有機會參加抽獎，拎走NEBULA Capsule微型智能投影機，詳情可以睇呢度👇👇
https://bit.ly/2AgzFtM
Good luck to us！
#Nescafe #SMOOVLATTE #WillBeSmoov #生活愈走愈順 #本日定為不放負日 #飲啖咖啡Relax
