打橫嚟講：香港荒謬事，日日鬧唔切！
嗱！唔係講笑！也不是躁狂症。
在香港生活，寫時評，要罵的話題，一日一篇，係鬧唔切小唔晒的，因為香港的垃圾政府廢柴官員個個係，勿說好事未做過一樁，即使唔白癡低能的事，佢哋都唔做，所以話呢，此地的荒謬怪事，說之不盡，唔信，你睇吓：
一、用八十億興建的郵輪碼頭，開業至今，逢落雨天，嗰度都一定變水簾洞，四圍滴水漏水滲水，仲衰過殘國大陸爛尾樓，正一「吸濕大笨象」。話多句，添馬艦的政總大樓，同樣，「一遇風雨便化龍」，「水龍」的「龍」，周圍水漣漣。點解無人要孭飛？
二、新朵「蘇收屎」的錦樑局長，接獲糞便包裹後，話因厭惡而報警，有網民回應收到稅單也感厭惡咯！咁是否要報警？
三、立法會議員梁國雄遭差佬近距離「顏噴」胡椒噴霧，市民睇唔過眼去投訴，但警方話「全不是『中椒』當事人」，故只列作「雜項」事件處理！嘩吓！有人當街劈死咗，要搵問米婆幫拖上身報案乎？
四、高鐵延誤醜事，立法會投票應否運用《權力及特權法》調查時，鬧得最勁的田二少及掃把頭卻投咗反對票，令港鐵又過了一次骨！專門講一套，做一套的×（我不用「人」字），正是「代表」香港人監察政府？
五、呢單仲好笑，就係政改宣傳片，搵咗過氣政治人梁智鴻做主角那條片，猛話做特首的條件，要向中央負責、向香港負責，特首候選人又要做事有願景……當然係要「愛國愛港」啦！仲未夠喎！並須有「工作能及才能」，吓！咁都要講？使唔使規定生佢嗰個一定要係「女人」？佢胳肋底要出齊毛呢？我哋啲要求好簡單啫！只要係全港市民一人一票真普選出來嘅就是了！當然，係唔好成日講大話o架啦！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
