關於 add value中文 ，我們在網路上蒐集到這些相關的討論、資訊與評價

reinventing the wheel 再度創造輪子。

經過解釋，菲爾認為師父要把唐鳳系統納入台北通，不要下載那麼多 APP 不無道理。他的疑問是，台北通連結唐鳳系統後，使用端需不需要再更新？這是不是設計給還沒有下載唐鳳系統的人？

本人認為，絕大多數的 (非長者) 台灣人應該已經下載了唐鳳預約系統了吧？要資訊局再去研究怎麼把兩者連在一起，強調說我們的服務更好，是我就比你棒的中二心態。

★總之，再度創造輪子，以下開放對應台語中文俗語。★

維基：由於輪子已經被發明並且被認為沒有任何操作缺陷，因此嘗試重新發明輪子，將毫無意義不會增加任何價值，並且會浪費時間，將資源從可能更有價值的目標上轉移。

As it has already been invented and is not considered to have any operational flaws, an attempt to reinvent it would be pointless and add no value to the object, and would be a waste of time, diverting the investigator's resources from possibly more worthy goals.

［是日Startup］原意不錯，解決到問題—如果辨識度夠高的話。

TLDR：估唔估到我原本想講乜？肯定要成段由頭執過喎，如果打字快嘅（如我），自己打應該快過再要執。又，個語音辨識都唔係自己嘅，咁core competency在邊？

1. 講明先，非挑機非罵戰非抹黑。我有朋友做start up（相信大家身邊都梗有一個），我有做顧問（建議人地雪櫃買乜嘢飲都係顧問嚟嘅）（＊），但絶對唔同領域，做硬件，所以唔會有任何衝突。唔好小人之心。

2. 是咁的，今日睇報紙見到呢檔嘢（https://bityl.co/3UUq），覺得個產品幾過癮，就去試下。拿，潛在客仔（我算係）會走去試，證明宣傳成功。證明信報係有人睇嘅，雖然係廢老（我），但廢老係客仔嘛（都係我）

3. 街邊阿叔都識講，start up嘅嘢，要針對個pain point。呢個東西就針對咗某啲人嘅痛點—影片配字幕。

4. 雖則埃汾唔係成日拍片，暫時都係同HomeBlogger合作（有同事後期製作配字幕真好）。但我工作都會講talk錄片。大家都知，有字幕嘅片好好多。特別係有人話埃汾講嘢好快（聽講係），至於埃汾講嘢一舊舊呀懶音呀咬字唔準呢啲，就各有主觀睇法，唔係重點。

5. 無論如何，字幕是重要的，但亦係難搞的。雖則埃汾打中文字相當快，舊文提過，我半個鐘出咗篇聯儲局減息嘅分析文，一路打一路諗，2300字（https://fbook.cc/3FT7）—但我都唔會幫自己啲片打字幕嘅。第一原因係懶，第二原因係：我好怕聽到自己把聲—以前上電視時，如果食飯或乜見到自己嘅片（有重播有錄播嘛），我會好唔自在。我亦當然唔會睇返自己嘅片，亦好少睇返自己嘅文，歌唱比賽我都唔聽返自己唱成點的（所以冇乜進步）

6. 呢個東西，話幫你gen 字幕喎，你send 條youtube link去，佢就幫你出字幕。試玩過，15分鐘嘅片（暫時免費版上限），一分鐘唔使就出到。好喎。咁就絶對解決到好多人嘅痛點啦。

7. 可惜，出嚟個效果，就認真麻麻。你都可以去玩下（https://bityl.co/3UVg）

8. 即係好似呢段片咁，估下我原本講嘅係乜？

9. 我講嘅係：零零舍舍有一隻Google就斯人獨憔悴
10. 結果變咗：零零四四九一只Gogo豆芽私人特橋水

11. 呢個準確度，應該麻麻地吧。

12. 你可以話，扯，你講嘢中英夾雜，好難認。但呢個應該係大多數香港人講嘢嘅習慣喎。

13. 你亦可以話，埃汾你講嘢尼格度鬼食泥咁，一舊舊，咬字又唔清，又多懶音。隨你點批評，雖則本人文化口試都高分，亦都算多講talk—我想講嘅係，當我講廣東話再難辨認，但1-10，1最難認10最清楚，我點都有3-4掛？你套嘢如果我講嘢都認唔到，應該有三成人都搞唔掂喎。再講一次，我唔係粵音權威，但連我都搞唔掂，你套嘢窄啲喎。

14. 當然創辦人都有講，套嘢初步階段啫，信報試用都見到要自己再執。佢話有七成，我就覺得冇啦—等於賣二手嘢廣告，九成新即係五成，五成新即係殘到仆街。

15. 另一個問題係：對我嚟講呢，反正我打字快，你叫我仲要執一輪，我不如由頭打過！！！真的，如果唔係完全唔識嘅，抄功課係耐過自己做架！正如自己作過篇係快過譯文的！你要我對返住自己把聲，我不如一開頭自己打字幕算數，我甚至懷疑可以一路打字幕一路拍片！—不如搵次試下！如果好似城寨之類有兩三個人一齊嘅，應該得，自己由頭講到尾當然難啲啦。

16. 明喎，免費版唔好咁多要求。明白嘅，唔好用免費版囉，唔鍾意呀？quit 免費版囉，畀錢囉。得唔得？O唔OK？（＊＊）

17. 之但係收費版，er…….好似有啲貴！「唔係畀唔起，但唔抵！」「即係畀唔起」（＊＊＊）。

18. 希望冇睇錯，但，$13.5 /每影片分鐘，即係一分鐘嘅片收我13.5，咁我homeblogger啲片半粒鐘，你咪收我四舊水？

19. 即係，埃汾Patreon，一個月打12篇文起碼，一篇三四千字，一個月都係收一舊水有找咋！！！係咪有良心先！（https://bit.ly/31QmYj7）（今次個廣告夠自然啦！）。真喎，一篇文我點都打兩三粒鐘，收你一蚊美金，時薪兩三蚊港紙（＊＊＊＊），悲慘世界。

20. Premium佢話專業團隊為你修改字幕，「即係搵條友再改啦」，咁請人當然要錢。但不幸地，埃汾叔叔話你知，「其實邊個話你知售價由成本決定？」。我就覺得窄窄地啦，半個鐘片你收我400蚊嘅，我懷疑自己搵條友返打都得，仲可以即時問我。「都唔好講我去大灣區搵個營養快線哥幫我打」

21. 不過諗諗下，條友要坐定定半個鐘聽，然後再打返出嚟，可能都搞一粒鐘，咁計時薪四舊水又唔算好過份？唔知了。但我見快餐店好似五六十蚊時薪，咁打字幕，唔使演奏級唔使CFA下話。「況且你話你套嘢有七成準嘛，你執三成咋喎，唔係咩？」

22. 講返正經，如果Premium都係要人手後期執，唔係辦法，同埋會畀人覺得好似數碼驗孕棒（https://fbook.cc/3FTF），或者keyword counter扮AI咁（https://fbook.cc/3FTG）。「即係你返去搵真人去打字幕」。當你做到有客幫襯都好，但咁嘅故事，sell唔到投資者的。

23. 投資者好現實。要乜？一係好尖端嘅技術，一係自己好勁嘅算法，一係好強嘅品牌（但start up何來有品牌），一係好多人用，一係你有政府照，一係你好多錢燒可以掟死人，一係你股東好堅。否則你再巴閉好，兩嘢就畀人抄。

24. 正如訪問都有講，佢地話「相關的語音辨識系統並非團隊自行研發，而是外接第三方系統的應用程式介面（API）。」（埃汾按：唔係Google下話？）。咁其實個core competency係在人地個技術度喎，你呢度有乜value add？又AI？（原文係咁講）。識得斷句？好似窄啲喎。「一生愛錯放你的　手」點斷句？（OK，國語嚟的）

25. 總之，提高個辨識度先吧。否則我不如開個喇叭畀Google Translate，或者錄段嘢上大灣區搵營養快線哥人肉打字，應該平好多。「聽聞啲法文軟件都係去非洲搵人人工咁去做，因為非洲連乞兒都講法文」—OK，呢個係好bad taste嘅joke．但，法國啲客服同call center就真係搬去非洲的！而且唔係咩摩洛哥，太貴了。係去馬達加斯加！

26. 繼續努力吧，創業嘅嘢，唔係咁易的。但正係唔容易先會搵到錢，人人做到就唔會有extra回報啦

（＊）但，呀朋友公司寫字樓呢，之前雪樻真係買埋啲完全冇撚人飲嘅古怪嘢。我好奇研究點解，卒之發現咗。因為佢搵個秘書兼打雜去買—而個秘書為咗唔使成日托嚟托去，就特登買啲不受歡迎嘅嘢！拿，所以真係買乜嘢飲都有學問架！我是企管醫生，主要醫肚。

（＊＊）其實我第一次測試，就係拎Brian Cha段片！Kelvin Poon會變咗九分半！唔信你試下！（https://ggle.io/3QlK）。不過費事貼佢張相，陣間你地又投訴，佢又投訴。

（＊＊＊）呢個句式好似係本人原創，相當有爭議。但幾有用。例如代入「坐頭等去歐洲」

（＊＊＊＊）聰明嘅讀者睇到個謬誤啦：埃汾平均冇錯係一蚊美金篇文，其實冇添，Patreon Paypal仲要抽—但，我唔止寫畀一條友嘛！我篇文可以幾百條友睇嘛，marginal cost極低，士基拿保呀。又學到啦啦，仲唔訂？（https://bit.ly/31QmYj7）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

［Michael Sandel很忙］TL：DR –　疫苗公司話：成本價？食慒你。股東要賺錢的。股價當然即升。兩日升5倍咁咯。

———————————
Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
—————————————

1. 呢間公司CureVac （CVAC），聽聞就快搞得掂疫苗。但已經講到明，免費？痴線啦，開善堂咩。成本價？一樣睬你有味。唔使賺乎？講明，不能成本價賣出去。咱們上市公司，上市公司最大目的是甚麼？賺錢？（＊）錯！係shareholder wealth maximization。

2. 新聞一出？股價即時升。一升就40%。唔止，上星期五已經升咗250%。上星期五16美金，昨晚（星期一）見過85蚊。股價歷史？冇喎，就係得呢兩日，新股嚟的。睇漏咗。

3. 呢隻嘢堅。我都睇漏咗，開頭仲想講香港傳媒冇乜報，只見台灣。後來發現明明信報就有，但我miss咗。鬼咩，一日睇咁多嘢。昨晚（星期日）我一晚清晒過去一個星期嘅Bloomberg Newsletter，唔係好多啫，好似兩百幾三個email，俄羅斯方塊咁，一路積住越嚟越高。好彩我昨晚再返返去Inbox Zero嘅目標

4. 其實啲人講咩「成本價」，我有時都好R頭。亦都令啲記者有時對住我扯火。因為我真係問佢，「咩係成本價」？如果你係Trading 之類，都好似仲易啲，我上網訂件波衫四百蚊，你唔識上網我五舊水賣畀你，大約咁玩。可以計埋我啲郵費車錢之類。

5. 但真實企業邊有咁簡單？你一杯星巴克「成本」幾錢？我都唔知。只計啲咖啡粉？咁租呢人工呢？果啲都係value add，否則你自己買包粉返屋企沖啦—你去茶餐廳飲好立克都係開粉之嘛，睇下收你幾錢？但基本常識都知，租呀人工呀呢啲，好大程度上fixed（with respect to 量）。起碼一定範圍內係。你一日賣得一杯咖啡，都係交咁多租架啦（如果冇分成），你賣得一杯，都要出咁多糧架啦。咁明顯地你呢啲average cost 係隨住個量會跌落去嘛。

6. 所以啲人問「成本價」，而我不知道咩係「成本」。你用易乾講，咪可能講所有成本都係機會成本，highest value 科乾。咁我寫呢篇文嘅成本價幾多？我都唔知。我拎去幫人補數學好，定寫篇Patreon好？而更重要係，啲成本同你個售價無關嘛。我寫到嘔血，你都絶對可以一個仙都唔畀，甚至要我貼錢你先肯睇。你付出幾多同個市場肯畀幾多，可以冇乜關係。全部都基本經濟嘢。

7. 咁疫苗我唔識啦，但好似都係啲化學嘢，蛋白質，加啲咩DNA—可以有幾貴？咁但，當然啦，研發成本喎。而我又唔知啲「研發成本」可以點attribute 落去。我研發失敗嗰啲又點計？冇失敗又點有成功？仲有坐冷氣房班肥佬，啲人工往往一個頂十幾廿個研發人員，但又計唔計成本？（一般計gross profit就唔計嘅）

8. 所以其實公司話計要拎返個「ethical margin」，我都唔係好知幾多先叫ethical。不過主要都係即使我們錯，不比他們多。醒目嘅，咪拎啲同業出嚟鞭屍。拿，隔離檔嘢，賣偉哥之嘛，都咁高利錢呀。喂，扯唔起之嘛，死得人咩？叫啲肥佬食清啲啦。我地賣嘢救世人喎，唔係更有貢獻？掂晒。

9. 如果要justify自己嘅margin高過人？仲簡單。唏，你唔好睇我地margin高人地成倍。人地大藥廠幾百億喎，我地幾億真係勉強夠交租架咋。仲有，成咗一隻唔知幾時先有下隻嘛，係咪咁講？

10. 藥廠之類啦喎，其實未有呢啲疫情已經極其惹火，拗足幾十年。一方面會講藥廠唔應該謀暴利應該有社會責任之類。另一方面又話你知沒有錢研乜鬼發？有錢先有人做呢啲嘢。藥廠冒幾大風險呀搞幾多年先中一隻藥呀啲PhD幾貴呀如果一出嚟又畀人抄咁阿水仲同你去做研發咩齊齊搽精油攬炒周兆祥算啦。最後都係中間落墨，你見到藥廠依好然賺錢，但又唔係去到科技股果種呼風喚雨了。

11. 講到尾（拿，右翼呀），個世界話你知，多數都係錢能通神。你總唔見啲NGO研發到呢啲東西，十居其九都係商業機構，incentive唔同。你總唔見有班人唔順超我要改變呢個生態我自己搞間藥廠唔賺錢唔拎專利　—　因為你根本請唔到人。請到人研發到都冇人幫你賣。講真的，你大可以政府牽頭國營研發，但你見多數都唔多成功。人性如此。我拎你公務員人工，咪交公務員嘅貨。Elon Musk, Jeff Bezos, Steve Jobs全部都係變態老細迫到啲下屬發癲。但點解人地肯同佢癲？

12. 隨住肺炎疫苗好似真係有希望短期面世（＊），呢啲爭議只會越嚟越多。畢竟邊個發明到而又批到，就真係好過印銀紙。反正而家印銀紙都唔係好值錢（？），因為銀紙都唔係好值錢。

13. 但，發明到又過到各種測試後，又應該點？你諗下口罩最初都搶到癲，但口罩明明係low tech嘢（相對啦，唔好叫我自己整個），因為供應咁樣搶上去，你啲產能都要一排先跟得上。順帶一提，人人得以誅之嘅「坐地起價」，其實又一次見到係提供咗誘因畀啲生產商去開機。如果係疫情前嗰啲價錢先冇咁多人睬你，唔係加咗價，邊有咁快人人有口罩？嗰時唔敢講，而家就可以講。

14. 而疫苗？係咪可以快速量產架呢？似乎都應該係。不過，畀咩人先？自己國家優先？定價高者得？定抽獎？畀唔畀轉售？可以嘅，咁肯定好多窮人，或者啲疫苗撚（＊＊），實會轉賣畀人，反正自己都用唔著或者想執返一千幾百多啲。唔可以嘅，你點防止？實名制？定好似美砂酮咁要望住你打？咁你最多只係防止到埃汾賣畀第二個，但你防止唔到窮國賣去富國

15. 呢啲咁深嘅問題，就真係叫Michael Sandel講兩句了。其實眾多眾多嘅機制，都係資源分配。買口罩係，買疫苗係，入大學都係。你可以用市場機制機高者得，可以混合少少（例如有補貼，或者限買幾多），又可以純抽獎，或者只畀青年人（因為預期壽命更正），或者只畀老嘢（因為佢地更需要），甚至逆向地只畀窮人都得。冇話邊個選擇一定啱，睇你背後嘅價值觀係乜—不幸地現實就九成九都係本人優先，屁股指揮腦袋。「你畀埃汾去定規則就梗係鬥快打倉頡」。

16. 最後要講，德國公司，但美國上市呀。你懂的。其實之前好多篇文都講過，嚟緊都會講。歐洲大陸有極之源遠流長嘅反金融肥貓傳統—所以啲人才係去晒外國的。所以點解歐洲一路都冇啲好嘅科技，唔係冇人，而係冇發達嘅，搞嚟把托？你睇添曲，完全江山人地打落，做個普通CEO 食下老本（講就易），都係咁意10億美金身家啦。（後來見到好似歐洲都有上市，但你懂的）

17. 香港其實都差不多，覺得金融撚冇貢獻，不事生產。我造就你發達，咪就係貢獻。人地以為金融撚賣產品，錯了。咱們賣嘅係夢想，貪婪。呢啲需要同性愛一樣，遠古人類已經有，我唔覺得幾千年有變過，所以同娼妓一樣，金融業實在好難被淘汰。

———————————
Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
—————————————

（＊）典型corp fin問題。上市公司唔係要profit maximization，否則你斬晒啲R&D嘅友咪得。而係要shareholder wealth maximization。所以蘋果唔使盈利新高，但年年回購股票，就幫到每股盈利，就幫到股價。呢個遊戲都未識嘅—你就真係要睇Ivan Patreon 學多啲嘢，講真的（https://bit.ly/31QmYj7）

（＊＊）對，我同你都好似真係希望短期發達，我都幾乎入咗高盛，你都幾乎10年前買咗騰訊。
（＊＊＊）中文真係博大精深，「疫苗撚」同「反疫苗撚」其實係指同一班人。因為重點唔係疫苗，係撚。

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145