聽落5000蚊好似好易使，但要一炮過用都唔易
//
香港電視（1137）現時的HKTVMall只接受Tap & Go拍住賞，較為蝕底，而誠哥旗下的屈臣氏、百佳及豐澤，都會接受AlipayHK及Tap & Go拍住賞，原因不難理解，因為長和（001）雖然減持了AlipayHK，但仍有兩成股權，而Tap & Go拍住賞就是香港電訊（6823）旗下的，而他們亦包攬了大部分網購公司，加上背景夠晒「本地」，應會在這次消費券市場受益。
對於想將消費券慢慢用的市民，飲飲食食應是目標，但在港股中，正氣些少的飲食股屈指可數，太興（6811）及敘福樓（1978）都是其一，唔係話兩間大記唔好，但大家樂（341）及大快活（052）以快餐為主，而太興及敘福樓卻有唔少優閒餐廳的選擇，跟朋友出去食個晚飯，用支付平台畀錢亦OK，太興老細近期仲連番增持，值得留意。
最後也要提返愛股國際家居零售（1373），雖然可使用八達通的網上商戶唔多，但日本城卻是其中之一，而公司上月仲同友和YOHO簽訂諒解備忘錄並入股，這間以銷售電子產品為主的網購平台，今次在消費劵市場應會受惠，希望雙方能有深度合作及創造協同效應，國際家居零售上半年盈利已超越去年度，在下月公佈的全年業績前，有盈喜都絕對唔奇。
//
大茶飯│消費券受惠股逐隻數（青冰） - Yahoo新聞
