已經係下午兩點,但我老婆仍然係一句聲都無出過……
大家唔需要太擔心,唔係尋日我買唔到美少女戰士而被制裁
而係連我都知道 Anson Lo佢成為左CK代言人,但作為佢太太之一既我老婆,竟然依家都仲未出聲
你知啦,追星可以益到男性既機會係好少,之前係得麥記係對我有少少好處,起碼有得食先啦
至於化妝品啊,名牌啊,都係完全唔關我事……
今次竟然係CK,仲要係男裝底褲,我真係心諗我幫你排!!!我終於有底褲換喇!!!!
點知,咦,好似平衡時空咁,無人提過,要求過我去買
依家我有兩個大膽既猜測,佢想比個驚喜我!今晚返到去我想搵底褲都搵唔到!然後佢再親自幫我穿上一條新底褲!!
第二係,佢已經買左一系列性感內衣今晚準備比驚喜我!!
嘩頂,呢兩個諗法,真係好大膽!!我都唔敢直接同佢求証,你知呢,諗下就開心既野,通常都唔係真!
而我諗左啖水,再拎左老婆張相出黎睇,幻想佢真係會講乜
係我腦海出現左一句:
我:我著比你睇好唔好?
佢:你鍾意著乜都無問題,但請你再著返條外褲先
我:(拉底少少條短褲,露出牌子)我似唔似Anson Lo啊?
佢:除左你地英文名上面有一個字母係一樣之外,其他都唔似
我:我唔介意……你望住我既底褲諗起另一個男人
佢:我……點解……要望你條底褲……
我:因為我成身最貴既係條底褲,你唔望佢,唔通望我個樣啊?
佢:你又好似講得有少少道理
我:望住佢,一直望住佢,你諗起咩啊?係唔係你最喜歡既教主呢?你見唔見到呢條底褲一路一路拉低?張開你雙眼,我要痾屎喇!!!(隔住門)以後你每次諗起教主都會記得呢一幕同呢隻味!!!!!
-----
幻想結束……唉,長周末前夕既下午,真係特別醒神,特別天馬行空
唔知我老婆會唔會睇到呢一篇文,如果佢睇到,今晚既電子門鎖會唔會已經改左密碼同指紋呢?不過我唔驚,應該係我返到屋企先,除非……佢提早返去……可能性不大
-----
而我真係作出一個細膽既預測,今日無論我想講乜都好,都會收到三組字
1)收聲
2)死開
3)食屎
anson lo代言 在 Yahoo Style Hong Kong Facebook 的最佳貼文
鏡粉們,呢幾日望到咁多肌肉照仲頂唔頂得住?
👉👉詳情:https://bit.ly/3F619Pq
-------------------------------------------------
▶▶立即下載Yahoo App,無間斷睇盡生活娛樂、飲食、打卡、著數資訊:http://bit.ly/3q0XOc1
anson lo代言 在 U Beauty Facebook 的精選貼文
【教主Anson Lo帥氣性感內褲代言!彩色新相驚喜出爐】
剛剛,Anson Lo盧瀚霆於IG驚喜上載為Calvin Klein拍攝的秋冬系列宣傳照,教主大曬完美腹肌,連續兩晚為神徒送上驚喜。粉絲紛紛留言:「你已經令我死咗兩晚」、「鍾意到流晒鼻血」,更指刺激過度「咁夜先po,點瞓得着」。萬眾期待明日(30日)品牌正式揭盅!