《唔好俾佢停 — 繼續鞭AQ水》
Point form!
1. 唔知點解市面上愈來愈多售貨員,無論係賣保健產品、消毒產品定係skin care都好,都會著白袍。彷彿一著白袍立即升格變醫生科學家,但一開口就連基本科學概念都欠缺。
2. AQ水個白袍售貨員話枝水可以醫眾多皮膚病、病毒細菌感染、婦科疾病等等。但從來都無講過到底乜嘢成份可以殺到菌同醫到病。濕疹係epidermal dysfunction + inflammatory reaction,不如話我知成份係chlorhexidine嘅點樣醫唔夠水嘅皮膚 🤡
3. 有個疑似演員嘅「顧客」話俾刀介親之後噴一噴就止血。幫你止血嘅叫血小版同凝血因子,唔係消毒藥水,即係吹水唔緊要,但吹得太天馬行空只會顯得你無知。
4. 我唔建議婦女們噴來歷不明嘅消毒藥水入私處,而AQ水婦產科講緊邊d?性病?盆腔炎?子宮頸炎?子宮內膜異位症?子宮肌瘤?到底一枝chlorhexidine點樣幫到婦科病?
5. 個白袍售貨員話成份完全天然,不含化學成份,所以可以殺菌同防武漢肺炎。到底個邏輯係邊,天然同殺菌個correlation係邊,我去Citysuper買個organic salad都好天然,我係咪可以用沙律殺菌?
6. 不含化學成份嘅水到底點樣殺菌?????你講,到底點樣殺!係咪用沙律!
7. AQ水用類似人類成份製造,所以免疫系統唔會有反應,絕對無害。不如咁,如果你O型血,我俾包AB型血你,完全係人類成份,實無害啦🥰🥰🥰
8. 細菌唔係病毒,我到底要講幾次 😟
9. 個老闆娘講話香港d水有重金屬但政府俾的市民飲即係無問題,再講話香港好多嘢都有加防腐劑,聽完一輪都唔知佢up乜,係咪想講有chlorhexidine無害?個問題唔係你有無chlorhexidine,而係你放chlorhexidine靠化學物殺菌之後仲扮天然產品欺騙消費者。
10. 你支水無重金屬唔代表俾食水安全,保證唔到安全又叫人用係女性陰道同噴喉嚨,are you serious?
11. 喉嚨痛你飲多兩啖水都會好轉,你幾百蚊買支chlorhexidine噴不如自己買鹽溝鹽水saline gargle,更有醫學實證。
12. 聲稱俾蚊咬噴一噴好有幫助,我依加先知俾蚊咬係咁嚴重嘅疾病,市民咁困擾要幾百蚊買枝水去治療
13. To be added
我再睇多次鏗鏘集睇有無其他嘢鞭
aq水喉嚨痛 在 Dr 文科生 Facebook 的最佳貼文
【偽科學】厲害了AQ水
Point form 鞭屍
1. 人體免疫力充電器?
-》一個「消毒」產品到底點樣幫免疫力充電?if anything,經常消毒係會令免疫系統停止發展,免疫系統要發展一係就靠疫苗,一係就靠自身感染再建立免疫蛋白,一係就靠外來供應如母乳或血液產品(IVIG)
2. 舒緩鼻敏感?
-》其實任何清潔用品做好個人衛生都可以減輕鼻敏感的徵狀,經常清洗枕頭、床單、被鋪、房間環境和衣服去除致敏源都可以做到呢個效果。而AQ水到底點樣舒緩鼻敏感,又係無解釋過。
3. 舒緩痛楚?
-》舒緩邊度嘅痛楚?點樣舒緩?咩原理咩pathway?局部性定系統性止痛?block prostaglandin定係Cyclooxygenase?opioid receptor定係electrolyte?止痛效果有幾耐?又係無解釋過。
4. 防止交叉感染?
-》 點樣防止交叉感染?AQ知唔知咩係交叉感染?你噴面噴口到底點樣防止交叉感染?你噴喉嚨噴眼噴口噴鼻噴到黏膜全爛,病人嘅分泌物都一樣係會繼續帶有病毒,一樣係口水噴到你眼口鼻就足以感染。如果你話用黎消毒抹枱所以減少交叉感染,就唔該乾脆話枝水係抹枱用,而唔係講到「人體免疫充電器」
5. 這種偽科學通常都有個pattern,就係永遠都係唔解釋,例如
「枝水可以消炎」
「枝水可以紓緩痛楚」
「枝水可以救命」
「枝水可以預防感染」
嗯,訂閱文科生可以身體健康,長命百歲,預防武漢肺炎,胃口大增,早日出pool,重拾青春,生活美滿,連生貴子,下刪100個好處🤡
aq水喉嚨痛 在 三個坂本的日常 Facebook 的最佳解答
.
小朋友防疫噴霧推介 — AQ 幼兒抗菌抗敏噴霧
.
武漢肺炎病菌肆虐🦠,雖然幼稚園已經延長假期,不過作為媽媽都係特別擔心🙈。平時喺屋企、或者出街我都會加強個人防疫,防範於未然。AQ 幼兒抗菌抗敏噴霧就係我特別俾小朋友用嘅防疫噴霧🌟
.
AQ 健康科技水一向口碑都好好,相信好多人都認識。原來AQ 更有專為0-6歲小朋友而設計嘅AQ 幼兒抗菌抗敏噴霧。呢支防疫噴霧特別加強抗菌保護膜,強化小朋友嘅幼嫰肌膚,提升小朋友抵抗力💪
.
AQ 防疫噴霧係利用嶄新生物科技技術,全面破解細菌、病毒的精密結構鏈,並進行分解裂變,化成無害物,而且不會令細菌、病毒產生抗藥性及變種,抗菌更達99.999%⚔️
.
☀️每次出街之前,我都會將AQ 幼兒抗菌抗敏噴霧直接噴落我三個1至4歲嘅小朋友身上和口罩上;每隔幾個鐘再重複使用,減低佢哋接觸病菌嘅機會🪓。
.
🍴食嘢之前,我除咗會將AQ 幼兒抗菌抗敏噴霧直接噴落小朋友雙手,亦會用AQ 噴霧清潔桌面、食具及周圍環境,全面防疫⚒
.
🏡喺屋企入面,AQ 防疫噴霧都係我哋嘅殺菌好幫手👍。小朋友嘅玩具、地氈平時難以清洗,細细佬Kou 又鍾意將玩具放入囗、將奶咀周圍放🤷♀️所以我經常用AQ 噴霧直接噴於玩具、地氈、沙發、cushion 等,唔需要過水,又安心又簡單方便地殺菌👍
.
🥵AQ 幼兒抗菌抗敏噴霧除咗可以防疫之外,更加能夠解決初生嬰兒濕疹;及幫助皮膚敏感止痕🧚。噴霧內發酵天然醇及植物膠原對皮膚解毒,消炎,修復,防禦及止癢特別有效!最近天氣乾燥,哥哥 Haru 面部乾燥到通紅痕癢😢,我每隔數小時幫佢用AQ噴霧噴一噴面部,第二日佢面部紅腫已經全消😌
.
🛒上面提過嘅AQ 健康水,係AQ 嘅皇牌產品 — AQ多功能滅菌配方噴霧,平時我都好鍾意用!喺而家肺炎肆虐嘅季節,每次買完餸返屋企,除咗消毒自己之外,購物車、購物袋同食物我都會即時用AQ多功能滅菌配方噴霧噴一噴,以防萬一🦠⚒
.
AQ 幼兒抗菌抗敏噴霧更加係成份天然。噴霧採用天然草本植物成份,無添加化學成分,口服無害,我都好放心俾我三個1到4歲嘅小朋友繼續使用☺️
.
💡 💡💡💡💡💡💡💡💡💡💡💡💡
.
AQ 抗菌噴霧系列有五個配方,全部以新生物科技技術,殺死細菌病毒。其他配方嘅特性及功能:
.
♦️ AQ多功能滅菌配方噴霧
.
殺菌99.999%,主要治療皮膚問題,例如:鼻敏感,傷風咳,牙痛,喉嚨發炎,主婦手,灰甲,蚊患痕癢,濕疹,皮膚敏感等問題🆘
.
噴於空氣亦可以製造無菌空間,令免疫系統休息,提升抵抗力。噴一次可維持2-4小時。
.
♦️ AQ 肌膚抗菌修護噴霧
.
含有膠原素,主要平衡皮膚PH值,適合女士作為爽膚水使用。兼備美白,抗皺,抗氧化,緊緻肌膚,去印淡斑,痘痘,收細毛孔等功效🎀
.
♦️ AQ 環境除味抗毒噴霧
.
分解甲醛90.2%和空氣中有害物質;亦可以除煙味,魚腥味,汽油味,新傢俱異味及其他臭味,如bb 換完片、或嘔奶時可以使用🙊
.
可以直接噴於空氣,或者配合AQ 納米空氣淨化機使用。
.
♦️ AQ 寵物滅菌除臭噴霧
.
滅菌除臭99.999%。直接噴於寵物身體的任何傷口,濕疹,敏感,甚至癬、眼瘡流膿🐶
.
📍AQ官網👉https://bit.ly/2FAC9C5
🛒AQ銷售點 https://bit.ly/2QfirSR
.
#AQ健康科技水 #AQ
#最受媽媽歡迎產品
#十年品牌 #香港名牌 #一支解決多個問題
#天然 #抗菌 #防敏 #濕疹BB專用 #媽媽必備
#健康智慧源自天然 #健康科技水 #口服無害