［占士邦之No time to Die］Aston Martin股價大跌16%。都係嗰幾味啦，賺唔到錢，核心盈利大倒退（大數直頭就蝕錢，之前已經係），仲有就係出車太多，唔減價賣唔到。
Aston Martin有上市嘅？你唔會覺得出奇。出奇在，其實只係上市一年多啲。當其時上市價係19鎊一股。而家？5鎊有找。一年多啲得返四份一。仲要諗下舊年乜都升到九彩。
實情間公司之前差不多年年蝕錢，唯獨係2017年轉賺，即時就快手搞上市話turn around。時機一流。上完市又係繼續年年蝕。
其他公司？固然Tesla 挫上挫落後呢排股價很好。但就算講傳統車廠，都唔係你想像中咁差。法拉利差不多上市五年（估唔到咁少呢？），升三倍幾。福士當然之前大大鑊，但近一兩年啲走勢都唔太差。BMW當然亦係跑輸其他行業，但點都冇Aston Martin咁恐怖
當其時我在英國讀書，都在博物館（唔係有乜做丫）睇過下Aston Martin啲嘢。實情University of Warwick 在高雲地利，但係華威郡。而呢個西米特蘭係汽車重地（其他工業都係，所以二戰畀德國人炸），Aston Martin總部正係在華威郡，積架亦都係。
Oh，by the way，Aston Martin 曾經贊助嘅球會，係曾經都相當有名氣，而家德丙，再之前丁組聯賽嘅1860慕尼黑。陰功。絶對係痴痴呆呆坐埋一枱。
而當年我係現場睇過1860慕尼黑的，仲在德甲，慕尼黑奧林匹克公園（嗰時當然未有安聯球場，我去過安聯但冇睇過波），時為2001年。仲係盧雲堡啤酒贊助。當時兩隊共用球場，十分吹脹，啲佈置要個個星期換。
aston university好唔好 在 網路上關於Aston University 好唔好-在PTT/MOBILE01/Dcard上 ... 的推薦與評價
2022Aston University 好唔好討論資訊，在PTT/MOBILE01/Dcard上的升學考試資訊整理，找Aston University 好唔好在Instagram影片與照片(Facebook/Youtube)熱門討論內容 ... ... <看更多>