啱啱陪月放咗一個禮拜假，我哋自己接手湊番B。嘩！夜晚都幾攰！諗唔到點樣在職媽媽可以夜晚要湊BB第日再返工？ ！ 依家陪月返咗嚟我可以終於寫到坐月呢篇野啦！
～～～
陀BB嘅經驗話比我知我坐月一定冇啖好食。所以我一開始就訂社企月子餐，叫嘔血媽唔使煮野俾我食，以免大家意見分歧會嗌交。我訂左最平嘅月子餐，有兩餐加代茶同湯水。其實啲飯係多到可以分埋比早餐食。味道我覺得幾好。不過佢D蔬菜淨係得瓜，所以我食咗30日瓜。我諗我可以一年都唔使再食瓜。🤮
我都係誤打誤撞揀呢一間。我30週知道工人唔黎，第一個陪月又甩底嘅時候先至訂餐。咁都比我仲訂到，諗住係咪質素唔好冇人幫襯所以仲咁多位？但係好彩佢好OK。間野仲好窩心，喺FB Messenger會問吓我情況而家點，同我吹下水，得閒教吓我點湊B。佢仲送咗兩份小禮物俾BB！超出我Expectation！可能淨係社企先有呢啲人情味卦～～
講開代茶就一定會飲炒米茶。嘔血媽竟然問我咩嚟㗎？點解要飲？！佢真係好新潮🤦🏽♀️。最初我自己炒定兩個禮拜嘅份量。跟住因為開刀實在太辛苦，為左獎勵自己，我買咗個有D貴嘅產後調理八寶箱。入面有幾款米一齊炒嘅米，加埋其他藥材嘅代茶包。感覺好似好補咁🤣🤣～～
盒嘢入面有一個沖涼包包，有薑皮艾草等等。落水煲咗佢攤凍就可以用黎沖涼。額外我都有買薑沐浴露/洗頭水等等。當然嘔血媽又反我白眼，話駛乜鬼用薑水抹身用嚟驅風。乜通常唔係呀女唔跟習俗比阿媽𨳒，幾時變咗係呀女想做但係阿媽會笑佢？我阿媽實在太反傳統啦！不過咁樣又咁樣好，我冇壓力，自己想做幾多就自己話事。陪月阿姨都覺得我阿媽好神奇！不過，我偷偷地忍唔住都有好快返屋企就洗頭，但係唔敢講比陪月阿姨聽哈哈！ 😅😅🤣
～～～
差唔多成年冇食過魚生。滿月後差唔多第一時間就衝出去求其附近食魚生。第一啖食入口嘅時候真係超級感動！！！！！😭😭😭😭😭😭😭😭
bb滿月習俗 在 彌月之喜！搞懂新生兒滿月習俗 - 媽媽經 的推薦與評價
搞懂新生兒滿月習俗. 滿月意義. 一般剛生完孩子的婦女都需要坐月子，要休息一個月身體才能逐漸恢復。而對於剛出生的嬰兒也是這樣，必須要在襁褓中過一個月後才能出門。 ... <看更多>