上個禮拜做咗個訪問,個記者係女仔黎嘅,佢好專業我地傾得好開心,而且佢仲好靚女。佢問我拍完呢個節目之後,有冇諗過搵個外國人做男朋友?我話 errrrr 如果有得揀嘅話,首選梗係揀返香港男仔啦!
然後佢略帶少許咁多嘅懷疑問我:香港男仔有咩好呀?
跟住我答:香港男仔有乜嘢唔好?
哈哈
其實只要係自己鍾意嘅,嗰個就係最好。
其實唔需要搵一個完美嘅,只需要搵一個自己真正係最鍾意嘅,然後大家一齊努力進步,一齊進化成為最好嘅人。
我成日覺得呢個節目真係唔單只係一個節目咁簡單,呢個節目會令我諗到一啲平時唔會諗起嘅問題。包括愛情、家庭、生活同埋人生,都令我有好多啓發。而更加重要嘅係,藉著呢個節目,令我識到好多好多新朋友!
節目都播完一個星期囉,尋日我去拍攝另一個新節目嘅外景,好多朋友喺街度見到我都走埋黎同我講話《嫁到》睇到佢地好感動。包括幼稚園小朋友 到 少男少女 到 爸爸媽咪級嘅都有。你地甚至會私訊同我分享一 d 你地嘅感情生活, 我好開心呀你哋真係當我係朋友一樣。
上個禮拜節目播完之後,我地 Green Monday founder David Yeung 楊大偉 whatsapp 我話不如喺餐廳度搞個 fans 聚會。我話梗係好啦!不過之後諗諗吓我都係唔想叫做 fans meeting,因為我唔需要粉絲,我需要嘅只係大家當我係朋友。所以今次約大家一齊見下面食個飯 selfie 下,一齊 sharing。
Thank you David 同埋我地 Green Common、Kind Kitchen 嘅同事,多謝你地開 OT,成就今次《嫁到這世界邊端》friend meeting 分享會。
多謝大家嘅支持!
係 friend 嘅就要 keep in touch ar !!!
Happy green monday !!!
ig : chanjanis
「呢個世界無絕對嘅悲劇,只要係悲劇之中行返出嚟,嗰個就係喜劇。」
#becauseShareIsCare #愛人愛自己愛生活愛生命 #感恩
//希望大家鍾意我地為大家準備嘅 green dinner 💚
//美國以外全球第一批 beyond hotdog 食客 💚
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...