《一出世，就注定要負債》
幼稚園老師最脫節嘅一句…大概就係…
「凡事要量力而為，唔好強求。」
Fine，但我哋生存喺呢個世代，
就係人稱「負債型經濟」嘅世代。
即係「凡係力有不及嘅事？去負債來得到它吧～」
資本主義為大家開咗最大嘅玩笑，
就係「負債合理化」。
我細細個就係位非常節儉嘅小朋友，
腸仔包都會格價。
不過到19歲嗰年，我都係成為負債之身。
因為要借錢讀書。
嗰時…覺得好合理，
大家都grant loan、grant loan～Non-means～Non-means～咁講。
一用英文，仲好似有半分高尚添。
喺Canteen食頹飯，人人都問：「你申請咗grant loan未？」
基本上，無Loan更奇怪。
個社會鼓勵大家要善用財技，
即係人生大事，借唔係「選擇」，而是「正常做法」。
好似買樓咁，唔係鼓勵你借錢。
直情係…唔借買唔到。
所以，無論你定我、定你父母、甚至你老闆…
都係負債累累。
如果用返人類最基本嘅想法，或者學校教嘅做人之道：
「你無錢讀書呀？咁就唔應該讀囉。」
「無錢買樓？咁咪唔應該擁有囉。」
但唔得喎！
因為人人都唔夠錢㗎喎。唔通人人都唔讀書，唔要住嘅地方？？？
咁你應該反過來諗…
「咁點解讀書要咁貴？」
「又點解層樓要咁貴？」
因為個社會就係想你「負債」囉。
點解？好簡單啫。
易Control囉！
唔係講緊你啲錢易Control，
係講緊你個人生容易Control，容易畀人Control～
成日問：點解香港人咁鍾意返工？
答案好簡單。
因為佢哋個人生，就係「負債」囉。
佢都唔想返㗎，
但月尾真係要還喎，有供款喎。
手停口停唔驚呀，手
停就還唔到債嗰下恐怖呀！收樓㗎畀人，犯法㗎、破產㗎，一世就玩完㗎啦！
一個人有「債」喺身，
意志力就好難強勢。
咁「社會」，即係上層嗰5%人，咪好易控制你囉。
不過…
我覺得…呢個「負債型經濟」嘅時代，都可能去到「爆炸」嘅盡頭。
點解？
因為欠欠下，連國家自己都負債累累。
意大利負債率長期保持130％。
其他國家唔好得去邊，武漢肺炎之後，問題更會浮面。
人民負債一生；國家嘅負債數字，更加係唔知點還。
大家嘅人生，一出世就彷似為咗還錢。
我只係好奇，呢種「體系」幾時會土崩瓦解。
幾百年後嘅歷史書，又會點去記載我哋呢種生活常態。
你可能話，點會「土崩瓦解」呀？全世界都係咁，咁咪「正常」囉。
你諗下…千年之前，以物易物（Barter）都係「正常」㗎。
好多所謂「正常」，
都只係一種「制度下嘅集體行為」，並非真理。
未來嘅走向，更加有可能完全不同。
==========
後話：
為甚麼稱之為《注定沒有Like的文章系列》？
有5個原因。
原因1：因為這系列的內容不跟潮流
原因2：圖中的一句，不會刻意譁眾取寵
原因3：寫作時隨心，不計較長度，不計算太多
原因4：我覺得現在網絡上太少這種文章(不跟潮流、不譁眾取寵、不計算)
.
.
原因5：為系列起了這個名字，也許你就願意花少少時間看了。
謝謝你真的看完了。
IG: cheungson88
https://www.instagram.com/cheungson88/
你的一下Follow，我的無上成就
canteen英文 在 美：cafeteria 英：canteen... - 公職英文滿分大作戰- 許真如老師 的推薦與評價
美：cafeteria 英：canteen 這兩個字都是指學校或公司的餐廳，只是美式與英式的差別。台灣比較常見的是前者。 ... <看更多>