俾少少正能量大家。宜家係瑞典時間凌晨5點。時差問題起咗身冇嘢做所以寫吓嘢。想同大家分享一件幾有趣嘅事:話說我個人其實都幾戇鳩,之前洗咗幾萬蚊去買唔同渠道嘅口罩,又用無印良品嘅樽仔去裝搓手液,其實都係本着一個「越快越好」嘅心態去做呢件事,當中食唔少炒價,因為大部分都係去Carousell買返嚟,又有少少係日本某幾個大型拍賣網站Bid返嚟。不過冇乜所謂,錢可以搵返,我個人比較心急,唔想拖太耐將自己想要做嘅嘢做到/口罩寄出,所以少少犧牲我係覺得可以接受。
講返個主題,唔知大家信唔信「好心有好報」或者「正能量可以引發一啲正面嘅事情」?我一直都信呢樣嘢。呢幾日發生一件事令到我更加相信。話說我喺呢個網站認識了一個賣家(一個良心賣家用幾乎原價賣俾我),咁交易梗係要用WhatsApp聯絡,完成左交易之後佢send咗一段message俾我: “Mask is just side a little business, my key trade is also headhunting. We are looking for skilled professionals in the XXX industry, do have access good candidates within this industry? We have client in XXX, who is looking to fill several high level positions. If you are interested, let’s have a chat. I am the PM for a XXX headhunter, and we are looking for strategic partners, who could help us identify the right candidates within Asia”
嘩!網上云云幾千位賣家,咁都比我遇到一個機會,唔理最後成唔成事但係都係一件好鼓舞人心嘅消息(起碼我認為係好心有好報)。其實依半年都有唔少客戶,有啲仲係上市集團嘅HR透過依個Page認識我,大部份之後都有同我合作,有啲我仲成功幫佢哋搵到合適嘅Candidate。自己一路都有做一啲CSR,譬如之前一路有做開嘅愚公計劃、免費幫求職者配對工作、免費幫有迫切需要嘅求職者做Career Coaching,過往我都冇大事宣傳,因為唔係做俾人睇係做俾自己,反而做Career Coaching七個月以來,成功幫超過58位求職者搵到工作我就要大肆宣傳,因為想大家係呢種亂世入邊仲會有一種「相信自己」嘅心態,你要信自己係一個好嘅Candidate,咁樣你先可以寫到一份好嘅履歷表。我見過好多求職者成日同我講:我呢份工人工好低,冇乜特別要做嘅嘢,同埋自己冇乜特別技能,都寫唔到有啲咩成就/亮點出嚟。最後份履歷表簡簡單單,好「行」,好似求其上網抄返嚟又突出唔到自己咁樣,試問呢份履歷表點樣作為一張「入場券」令到你可以得到一個面試嘅機會呢?所以話,心態好重要,有正面嘅心態先可以寫到一啲正面嘅嘢出嚟,你要相信自己。再重複多一次,履歷表係一定要加“Achievements”,先可以突出自己,呢七個月入邊我見過超過200位Candidates,當中有超過九成都係履歷表上面冇寫Achievements,我做Career Coaching嘅時候會引導佢哋點樣寫,我會比功課佢哋。信不信由你,之後佢哋全部都有面試嘅機會,當中58個求職者有新嘅Offer/工作機會。
正面樂觀嘅心態好重要。尤其係咁嘅時勢,我自問做得綽綽有餘,相比起其他淨係得把口嘅KOL,每日只不過用Share,或者寫文去屌人呃Like,我用實實在在嘅行動去做,其實每人行多一小步有錢出錢有力出力,呢個社會會更加充滿愛。(其實我用幾萬蚊去買口罩同搓手液真係微不足道所以唔想宣揚,但係我相信一啲KOL、有啲有心嘅人如果可以每人攞$1000出嚟都已經可以買到一啲口罩,集腋成裘都好多人可以受惠。)
路係人行出嚟,歡迎Tag你所認識嘅KOL,鼓勵佢哋利用自己嘅影響力去做多啲善事;歡迎Tag你所認識嘅朋友,話比佢哋知呢個Page可以免費幫人搵工。
好人一世平安,我都希望大家可以健健康康、開開心心。唔好失去信念,相信自己,做壞事嘅人遲早會有報應。
P.S 要20號先返嚟香港,之前買入嘅口罩及搓手液已經全數免費送出。月尾會在多一批大貨到時會在安排免費送出口罩及搓手液。
賣廣告時間:而家搵我同我團隊(包括現職HR及獵頭)做Career Coaching,同大家一齊抗疫,齊上齊落,全線八折!仲可以選擇三種方式:一對一面對面、電話、Google Hangouts視像,唔同價錢唔同選擇時間彈性歡迎PM查詢。好好裝備自己,打完場仗之後搵份好嘅工作!
carousell呃人 在 喜劇演員 Facebook 的最佳貼文
網購騙案越見失控,有受騙的14歲女生報警求助不果,憑一己之力展開歷時3個月的網上大偵查,期間成功接觸多達140名被騙事主,組織「復仇者聯盟」,揭發騙徒2年前開始犯案,更專向未成年女學生埋手,涉騙最少40萬元。騙徒現仍在網上犯案,女生除了不斷陪同其他事主報警外,並一直發帖狙擊騙徒,但屢遭恐嚇。她激動地對《蘋果》說:「我好唔甘心被騙,我唔想畀騙徒覺得年紀細嘅人好好恰,或者覺得呃咗小妹妹,佢哋都唔識發聲。」
相關新聞:【偵探少女】14歲女無懼恐嚇 領140名「小苦主」網上狙擊騙徒
「我一定會喊,我喺呢方面困擾咗好耐。」14歲女生Elsa(化名)向記者說,雖然感到害怕,但最後還是願意與記者見面,希望能將騙徒惡行公諸於世,「個(苦主)群組有細過我嘅人,我想追求公義,想將佢拘捕。」Elsa提起受騙過程憤憤不平,去年12月她經拍賣平台Carousell聯絡一名姓黎賣家,黎以5,000元出售2張原價共3,576元、韓國男團BTS今年3月的香港演唱會門票,「主辦方2月先有飛,所以冇諗住面交」,Elsa需經銀行過數一半定金,同日黎即要再收取餘額。Elsa懷疑事有蹺蹊...
See More
carousell呃人 在 苦主網購討論區 - Facebook 的推薦與評價
... 上購物問題都可以於本討論區討論(網上平台包括Facebook、carousell、instagram ... 最後受害人攞賣家嘅收款碼或者收款電話去報警,佢唔單止搵唔到騙徒, ... ... <看更多>
carousell呃人 在 旧东西没人要只能丢?学会用Carousell,垃圾也可以变黄金! 的推薦與評價
![影片讀取中](/images/youtube.png)
旧东西没人要只能丢?学会用 Carousell ,垃圾也可以变黄金!| Need To Get Rid Of Junk? Turn them into cash with Carousell [熊猫教室]. ... <看更多>
carousell呃人 在 小心旋轉拍賣外國人詐騙 - 網路購物板 | Dcard 的推薦與評價
為了增加曝光度,我在Carousell 和Shopee 都有上架商品,希望能找到有緣人接手。 今天在Carousell 收到一位外國用戶的站內私訊,一上來就要求改用LINE ... ... <看更多>