［味將軍集團］屯門市中心已成太興王國。呢兩間（點煲 /亞參雞飯）都係！之前係「劉一手」。呢個舖位間間都做唔長，睇下太興接手又點。話時話，大姆指（安雅會談）執笠，不如頂埋佢？
加埋現有嘅太興，敏華，茶木，錦麗，靠得住，東京築地。不如包起個場好似「大食代」（Horrible 坡國中文）咁啦。
但我最撚不滿係（冇錯，一路鬧一路食，香港精神）：做乜食煲仔飯冇得叫隔離舖海南雞？屌，咪自己集團！同一個廚房添分分鐘（未望），自己transfer pricing 搞掂佢啦！台灣啲舖都係咁。
同理，有一期返上環，我去信和「美心MX」食早餐，鍾意個排包。有次話賣晒，阿姐就叫我等一等- 然後有條友去同一個場嘅「美心西餅」拎咗一袋排包。inter segment sales 呀！
一如所有香港餐廳一樣（不獨太興，雖然佢地特別明顯），都係新開張食（好彩唔使排）- 因為之後必定走樣。
又，都係在傷言傷。重災區？你老味太與賺1.2億呀，升五成！災what？
但當然多得「保就業」，立咗1.6億！即係，冇「保就業」就蝕錢（ceteris paribus 唔炒人的話）
唔止，仲要大增派息！派8000萬！左翼（膠？）論述就係拎1.7億保就業 去派息益股東同陳生。
當然右翼（市場撚）又話你知，邊係「嗰舊錢」，「嗰舊錢」拎咗去出糧嘛。咁慳咗出糧錢咪有錢賺，公司拎保就業係咪一定要蝕錢唔可以有純利？好似唔係。咁公司賺錢點解唔派得息？
（最左，美國Warren Sanders嗰啲其實話要派息！唔畀回購，因為派息政府會抽稅）
我睇法嘛，拗呢啲根本浪費時間。都係narrative. Fit into story。
係喎，Patreon就寫呢啲。記得訂
PS：煲仔飯正常，可跟進。屯門市中心咋大佬，美食地獄呀，what can you expect。
牛年比別人知得多。subscribe now.
Patreon.com/ivanliresearch
