拜拜4眼🤓 之 Smile手術篇(下)
(長文慎入‼️)
上篇講咗驗眼嘅過程:
https://www.facebook.com/1093479517378066/posts/3048211575238174/
依家到主菜啦😂唔好意思愈打愈長篇,所以執咗篇文幾耐吓先出得,要大家等咁耐唔好意思呀🙏🏻
做咗 #smile矯視 就2個星期啦,視力已經好返9成5,宜家講講手術過程同注意事項⚠️,最後再有啲問答環節⁉️,都係我問醫生嘅,問到我都覺得自己有啲煩呢😂好彩醫生好有耐性,真心覺得佢係好醫生👍🏻
手術前注意事項:
⚠️驗完眼後等一星期至做矯視,期間都唔可以戴con
⚠️出發前沖定涼洗埋頭,因為做完當日唔可以再沖涼洗頭
⚠️洗頭最好過兩三日先,涼就第二日可以沖,最緊要唔好俾水入到眼
⚠️食飽先出發😂
⚠️出發去做矯視時臉上唔好搽任個護膚品/化妝品,防曬都唔好搽
⚠️記得記得要戴太陽眼鏡,我自己另外戴多頂帽擋陽光
⚠️帶多個口罩,做完矯視後替換
⚠️最好有親友陪同,因為做完對眼會好矇
⚠️約咗13:30做手術,做完可以返屋企訓晏覺等對眼休養吓
⚠️就算返到屋企我都係全程戴住太陽眼鏡
⚠️做完矯視第二日要再去覆診,醫生會開假紙俾你
✳️矯視過程(16/4)
到咗眼科中心會再做多次驗眼,因為要睇下同上一個星期驗嘅度數有冇分別。
跟住就入醫生房見醫生,醫生會再同你check多次眼,同埋講多次佢會點做,佢同我講會做啲遠視。我有啲奇怪,乜唔係0度最好咩?佢話0度對眼會累啲,做-25至-50度等我睇遠嘢冇咁累,醫生其實係通知我唔係問我意見,不過就算問我意見我都唔識揀(之後發現做遠視係有原因的,一陣再講)。
之後姑娘就帶我去一間房放低個人物品入locker,唔駛除耳環,衫褲鞋都唔駛除,淨係要除口罩😷。姑娘幫我滴麻醉藥落眼,跟住幫我笠手術袍,手術帽,仲有套鞋套,同埋幫我消毒雙眼周圍,等一陣就帶我行去手術室。
去到手術室時我開始feel到對眼嘅周圍開始有啲麻,但唔會痕唔會痛,仲眨到眼,我覺得右眼麻醉感覺好似淺啲,我都有同姑娘講聲,佢話驗多次眼之後都會再滴多次麻醉藥,所以唔駛擔心。
喺手術室驗完眼之後再滴多次麻醉藥,醫生就話我唔好再講嘢,總之盡量保持唔好郁,只要用耳仔聽醫生指示就得,然後就訓上手術床,佢哋會俾張幾重嘅暖墊鋪上身(同開刀生仔個張暖墊一樣)。
我先做右眼,佢哋會用膠布貼實上下眼簾,等右眼合唔埋,另外左眼會用紗布蓋住,但左眼記得都要開住,會見到有啲透光,張床就會慢慢向前移,我對眼只需要向前望,直至到眼前有一支好似望遠鏡嘅機對正眼珠。
呢個時候對眼千祈唔可以郁,個支鏡會慢慢需向下吸住眼球,你會見到支鏡入面有個綠點,只要望實個綠點就得,醫生喺隔離就會講「望實綠點,係嗱望實,做得好好,慢慢你會見唔到綠點,係喇,個綠點愈來愈細喇,宜家全黑喇,做得好呀」
由開始望到綠點到眼前漆黑一片,時間大幾廿秒度,不過慢慢就會見到白光,因為左眼仲見到有啲透光,我就一路淨係望住左眼嘅燈光,呢個時候醫生就開始拎晶體出嚟,只要雙眼一直望住燈光就得喇,大約持續40幾秒度右眼就會見返眼前嘅手術機,醫生再喺右眼搽啲黃色嘅藥水,就完成右眼矯視。
跟住右眼仍然打開,用紗布蓋住,都係會透光嘅,就到左眼開始矯視,過程一模一樣,就完成smile矯視啦。
做完之後會發現眼前有層霧,醫生撕走返上下眼簾嘅膠布,姑娘扶我落手術床返去更衣室拎返個人物品同戴返口罩,醫生話我講手術非常成功,同埋話我雙眼都幾多淚水(即係好事?😂)。之後我就戴住太陽眼鏡坐喺大堂合埋眼等阿妹做矯視喇。
呢段時間我一直都合埋眼,同埋覺得擘大對眼會有啲累。等埋阿妹做完矯視之後大約3點度就離開,醫生同姑娘不厭其煩地同我哋講返屋企記得訓個晏覺,同埋俾咗支藥水我哋,係抗生素藥水嚟,晚上7點鐘起身滴,每4個鐘滴一次,訓著咗就唔駛滴,然後交埋錢就走得。
落到樓下,細佬車我哋返屋企,記得全程都要戴 #太陽眼鏡 呀(除咗熄燈瞓覺外)。呢一晚我喺娘家度瞓咗一晚,盡量都會合埋對眼休養,其實個陣 #視力 都已經有返8成,離遠3-4米都見到日曆啲數字了。
✳️第二日覆診(17/4)
起身個陣對眼已經清晰好多,不過仲係有少少矇,好似戴con戴耐咗對眼會矇咁,同埋好頭痛,忍唔住食咗止痛藥,可能瞓唔慣娘家張床🤦🏻♀️。當日上午11:30再返眼科中心覆診,記得都要戴太陽眼鏡呀🕶。
我哋先去驗眼,睇下度數變化,然後再見醫生,醫生話我宜家兩邊都有啲 #遠視,散光左眼75,右眼50,我話,咁即係冇變?!
佢話暫時係,但1個月內度數都會變,同埋因為做咗啲遠視,所以同散光抵銷咗,變咗左眼淨返3x度散光度。原來做遠視係為咗抵銷散光😱😱阿妹本身散光比較深,所以仲有百零度散光(其實都係同未做前一樣),跟住佢就俾多支黃色嘅消炎眼藥水俾我哋,都係4個鐘滴一次,之後就再約下個星期(24/4)返去覆診了。
頭4日我都少玩咗電話同電腦,但4日後我已經忍唔住煲返劇,但我會坐得遠啲咁睇,同埋睇一陣就停再停等對眼休息吓。
✳️1星期後覆診(24/4)
基本上已經有9成5清晰,不過總係覺得有少少戴con戴耐咗對眼有啲矇個種feel, 可能因為仲有散光嘅關係啦。驗完眼再見醫生,散光同遠視不變,傷口復原得好好,眼藥水只係需要滴返抗生素個支就得,一日滴兩次就可以。阿妹散光比較嚴重啲,聽醫生口吻有可能要再做多次😢希望3星期後會好啲啦。
跟住到自問自答⁉️
❓價錢係點?
第一次驗眼$9xx,矯視$23xxx,已包所有覆診/藥水錢,Total係$24xxx。
❓如果第一次驗眼話角膜穿咗窿唔做得點算?
醫生話可以先做補角膜手術,然後再做smile都得。
❓有冇二人同行優惠?
Sorry我呢間係冇嘅,出面好似有其他診所會有優惠,最緊要問身邊朋友睇下做得好唔好,唔好嘅俾半價我都唔會做啦🙅🏻♀️
❓幾多度近視/散光可以做?
1000度以下近視、散光400度以下可以做
❓做完手術對眼會唔會痛?
我同細妹都冇痛,只係對眼會有啲累,唔想擘大對眼咁。
(但細細妹做完話滴眼藥水會好痛,佢係另一間😢)
❓做完矯視後可以化眼妝嗎?
梗係唔好啦,醫生就話一星期內唔好化眼妝,驚化妝品唔小心入眼,引致傷口發炎,mask我都唔敢敷(雖然平時我都好少敷😂),洗面我都係用毛巾抹咋。
小小建議:做定紋眉/眼線/眼睫毛之後先做smile就夠晒方便啦😂
❓可以捽眼嗎?
醫生笑笑話盡量唔好啦,細細力都ok嘅。
❓散光點解冇變?
我都唔知點解,但醫生幫我做咗啲遠視,佢話用嚟減走啲散光。
另外聽過散光對第時老花都有用,可能因為咁所以醫生留返啲散光俾我?我都唔知🤦🏻♀️。
❓第時老花可唔可以再做smile/激光?
問過醫生,佢話唔建議,so far佢做過嘅客就算有老花都冇搵佢再做,不過第時如果再有新科技可能會有得搞嘅。
❓本身有 #飛蚊症,做完smile會唔會有改善?
係唔會改善嘅,大家要有心理準備😂
❓做完之後發現度數回復唔理想可以再做smile嗎?
如果度數有反彈可以做多次舊式lasik激光個隻矯視,醫生話基本上一個月後度數就定,但三個月後先會confirm度數有冇反彈。我個間一年內反彈可以免費做多次lasik, 細細妹個間就3年內可以免費做lasik
❓做咗smile有冇咩壞處?
其實係夜晚視力會弱少少,同埋望住啲街燈會有一層 #眩光 外,我諗唔到有咩壞處。
有啲人話做完會 #眼乾,我自己就ok, 可能本身眼水比較多。
❓幾時可以做運動?
醫生建議一星期後。
❓做完smile幾耐可以去游水?
醫生就話一個月後已經可以,我自己就唔搏喇,起碼3-6個月後先啦。
❓第時可以再做其他眼部手術嗎?例如 #白內障手術?
可以,因為佢係 #眼角膜手術,唔會影響其他眼部組織,只要第時同醫生講聲就可以。
❓可唔可以再戴大眼仔con?
唔建議,因為 #眼球弧度 變咗,最好問返自己醫生睇吓適唔適合會好啲。
❓如果個人特別緊張做手術,可以落麻醉藥令個人平靜啲呢?
醫生話冇方法,只可以調整自己心態,佢只會滴麻醉藥落眼,但唔會為客人打麻醉針。同埋如果打麻醉針有啲人可能會有啲手震/口震反應,反而會影響矯視過程。
#純分享
#諗到嘅都盡量寫晒出嚟
#大家如果仲有咩疑問可以留言
#三星期後我再覆診可以問問醫生
#我幾鍾意呢個醫生
#好有耐性解答我所有問題
#細細妹個醫生一輪咀講嘢唔俾我妹發問咁
#兩個醫生我都唔開名喇
#想要醫生資料就留言丫
#不過冇優惠㗎😂
#smile #矯視
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「check眼球弧度」的推薦目錄:
- 關於check眼球弧度 在 金寶湯與羅宋湯 - 小喵奴是怎樣煉成的 Facebook 的最佳貼文
- 關於check眼球弧度 在 コバにゃんチャンネル Youtube 的最佳解答
- 關於check眼球弧度 在 大象中醫 Youtube 的最佳貼文
- 關於check眼球弧度 在 大象中醫 Youtube 的最佳貼文
- 關於check眼球弧度 在 [問題] 要怎麼知道眼球的弧度? - 看板Contacts 的評價
- 關於check眼球弧度 在 眼球弧度測量的推薦與評價,DCARD、PTT、MOBILE01 的評價
- 關於check眼球弧度 在 眼球弧度測量的推薦與評價,DCARD、PTT、MOBILE01 的評價
- 關於check眼球弧度 在 眼球弧度測量的推薦與評價,DCARD、PTT、MOBILE01 的評價
- 關於check眼球弧度 在 太鬆,隱形眼鏡容易滑動,影響視 - Facebook 的評價
- 關於check眼球弧度 在 [眼睛健康檢查] 驗度數等於驗眼詳盡介紹視力眼壓散瞳檢查眼科 ... 的評價
- 關於check眼球弧度 在 診所醫生說角膜弧度不用量- 隱形眼鏡板 - Dcard 的評價
check眼球弧度 在 太鬆,隱形眼鏡容易滑動,影響視 - Facebook 的推薦與評價
戴con 小知識 B.C (base curve) 是指眼球的弧度,弧度越大,眼球越平坦, ... #Consfree 的隱型眼鏡,都會有不同的弧度畀你揀,入手之前記得check ... ... <看更多>
check眼球弧度 在 [眼睛健康檢查] 驗度數等於驗眼詳盡介紹視力眼壓散瞳檢查眼科 ... 的推薦與評價
![影片讀取中](/images/youtube.png)
這個頻道是用簡單的方式,向大家分享一些有關於眼睛資訊,包括眼疾,眼. ... 視野檢查是什麼準確度心得常見問題Visual field test opticians 廣東話粤語. ... <看更多>
check眼球弧度 在 [問題] 要怎麼知道眼球的弧度? - 看板Contacts 的推薦與評價
長期以來,我沒有太注意眼球弧度這件事,
8.5或9的隱眼我都戴過,都沒有不舒服或不合適。
直到最近換嬌生的超涵水,它有二種弧度,
我才注意到。
我想,選擇合適的弧度,對眼睛應該也是一種保護,
但要怎麼知道自己的弧度是多少呢?
平常買的時候,店家好像也不會幫忙量。
最近一次去買的時候,店長說,大部分的人弧度都是9,
但看版上的文章,9好像又算弧度大的,
請問正常弧度應該是多少呢?
--
※ 發信站: 批踢踢實業坊(ptt.cc), 來自: 220.130.194.135
※ 文章網址: https://www.ptt.cc/bbs/Contacts/M.1536547007.A.21E.html
... <看更多>