email copywriting學英文 — errand呢個字點解？
我曾經同一個好有心機學好英文嘅學生上堂。
雖然一對一嘅薪酬唔高，但係我教呢個學生亦都非常之開心，因為呢個學生非常之乖、好有心機學野。
呢個學生而家做咗記者，雖然主要用嚟寫作嘅語言唔係中文，但係佢非常之有心機學好英文。
我地成日喺CityU嘅canteen同唔同嘅cafe上堂。我成日都同呢個學生賞析唔同類型嘅文章，包括報紙上嘅評論、雜誌（例如已經執咗笠嘅Hong Kong Magazine）上嘅文章、email上嘅文字，甚至莎士比亞嘅劇作等等。
呢個學生問過我一個問題，佢問我：
「Tiffany，點解你訂閱咁多電郵啊，你唔會覺得inbox成日幾百封email，好大壓力咩，咁咪成日要清理個email mailbox ？」
我答佢：
「唔會，我好鍾意睇email，學吓人地點樣介紹佢地嘅產品同向我sell嘢架。睇嚟冇嘢學嗰啲，我好快就會清咗佢。如果啲email長期令我學唔到野，我更加會unsubscribe（停止訂閱），但係好多email都令我學到好多野，亦都會幫到我溫習到好多英文嘅知識㗎 ！」
對於我黎講，閱讀唔同公司send黎嘅email，就好似住喺唐樓咁，每一日都要行樓梯，不知不覺之間身體就會好咗。
當然，呢個方法未必適合所有人，有啲人好憎distractions，反而鍾意由頭到尾完完整整咁睇完一本書。
I, personally, for one, thrive in distractions. 我好鍾意從唔同嘅source度逐少逐少咁學英文。
Email newsletter，唔同嘅公司唔同嘅品牌send俾客人，同同客人溝通嘅工具，所以一定要淺白，最好仲可以偶然睿智同幽默，但又唔可以高深度人哋睇唔明。
學英文嘅人最容易犯嘅其中一個錯誤係咩？
就係越學越深，越鑽越深，寫嘅嘢亦都越嚟越深，深到人哋根本睇唔明，但自己就寫得好high好開心。
例如依一封Uber send黎嘅email裏面，errand意思係差事/小差，例如買餸、湊仔放學、乾洗、放狗。
英文裡面通常會講 run an errand、do an errand。
例句：I’ve got an errand to run.
呢個字非常好用，亦用得直接到point，清楚表示Uber可以幫到顧客慳時間。我大約係喺中級中學嘅時期學識嘅。
有同學會話，既然你都已經識呢個字，點解仲要重溫？
要不斷能夠省起同記起呢個字，就係要間唔耐就見到佢、間唔耐又見到佢 （see it from time to time），咁要用嘅時候，就唔會省唔起。就好似作曲家要聽同賞析音樂，啟發自己作曲一樣。
學英文，為咗嘅，從來唔止係學新生字，仲係為咗溫舊生字。
cityu email 在 Long Feng 的推薦與評價
alt text. Assistant Professor Department of Statistics and Actuarial Science University of Hong Kong Email: [email protected] ... ... <看更多>