《人生係無數「被」選擇加起嚟嘅結果》
畢業嘅季節又嚟啦，近來我見到好多濕鳩報紙都邀請好多資深人事顧問，教畢業生點樣搵工，傳授搵工必勝大法。其中一位人事顧問話，你張CV度要痴張相吸引僱主留意，呢個人事顧問彷彿唔知道呢個世界有啲人所有優點都生喺身體入面，個樣只有缺點，生得比較抽象。一張相好難得知個candidate 嘅內在美？呢啲搵工必勝大法 真係鳩噏當秘笈。
呢位資深人事顧問話，畢業生應該喺expected salary度寫個range落去。例如10-12K，再括住negotiable。我覺得呢個做法真係好戇鳩。你寫10-12K，點會有公司畀12K請你？expected salary係一個求職者嘅底線，底線又豈能浮動？
同大家分享我畢業搵工嘅一個經歷，當年一間金融公司畀咗一個job offer 我，我CV寫11K，佢offer 10K，我話11K 先做，佢最後畀11K 我。我入咗呢間公司做咗3個月，有一次，一個同期fresh grad 呻「呢間公司真係濕鳩，10k都畀唔到我，仲要做咁多嘢」..... 原來一問之下，先至呢個同期係畀公司由10K 壓到9K，我11K 嘅人工，多咗出來個1K就係由呢個同期嘅人工扣出來。所以，你今日expected salary畀個range 出來，你就會畀人take 到你advantage，唔一定係公司take 你advantage，而係你身邊嘅同期。
※※※※※※※
我知眾多畢業生都希望考到MT，作為一個奴奴役役嘅打工仔，我係好明白點解畢業生好想考到MT.....
首先通常有MT program嘅都係大公司，入到大公司，講出嚟同鄉親父老交代都好似威啲。
其次，MT制度其實好似 選港姐，MT program係提供咗一個一夜成名嘅機會畀applicant 。只要當選MT就可以make sure完咗MT program，得到一個 senior嘅位置。情形就好似港姐選到冠軍就可以拍電視劇做女主角。其他 紅褲子出身，讀演藝學院甚至入讀藝員訓練班嘅人，可能捱十幾年都無做女主角嘅機會。
有朋友講佢阿姐比佢年紀細好多，原因就係因為佢阿姐當初係MT。MT program係大學生嘅comfort zone，好似抵壘咁，以後就安全了。
但其實，做唔做到MT真係命數... 做唔到真係唔洗灰心......
曾經聽過一位朋友講，佢公司每年收到嘅MT application都過千，佢呀姐叫佢將所有applicants 嘅CV 擺枱面，開一把大風扇吹，邊份CV 吹唔走就in 邊個。所以我一向都覺得搵工係命水，你做唔到MT 唔係等於你唔出色，正如落選佳麗或者參加藝員訓練班嘅un星，好多都好有才華，只係欠咗啲彩數。
何況而家係公司都話請MT，我有見過肉食公司請MT，有見過好多chur 爆MT 嘅公司，唔肯OT，捱唔住resign 要賠錢畀公司。所以平常心啦各位搵工嘅fresh grad。我覺得大學畢業生，出來社會第一樣要學嘅野係，呢個世界係有啲人成日都好不幸，明明有才華又無命水，咁如果你咁岩係不幸嘅人，你就要學識好似魚咁，對眼睇開啲囉。
PS. 最近睇麥明詩嘅一個廣告，佢話人生係無數選擇加起嚟嘅結果， 呢句說話我係認同㗎。但我覺得香港地嘅畢業生，選擇根本唔多，唔係個個都可以好似麥明詩咁選擇，一個普通平庸嘅畢業生，多數係被選擇。咁世界係咁架啦，不幸嘅人總係比幸運嘅人多嘅。
cv expected salary位置 在 辦公室日報- 看CV的人〈6〉 喺CV上面打expected salary嘅壞處 的推薦與評價
B) 影響咗受聘機會， 雖然你上一份工賺3萬，但由於心急搵工，而家2萬8你都肯做，所以十五十六唔知expected salary填3萬以上好，定係2萬8先好。 咁不如又講 ... ... <看更多>