《最近幾個小習慣》
托賴托賴，最近生活平淡，而且內心都尚算平靜。我識嘅唔多，只係覺得自己將自己都照顧得不錯，所以想同大家分享下喺我身上行得通嘅幾個小習慣。
1. 靜心冥想 — 聽落好似好高深，但其實係人人都可以做到嘅事。每日搵至少十分鐘坐低，放空靜心，同個小我保持返點距離。我坐得勤嗰排，個人好似特別少執著。
2. 少點漫無目的上網 — 睇完要睇嘅嘢，講完要講嘅事就將電話放埋一邊。要有意識咁做每件事，避免漫無目的地鳩碌。
3. 執返劑 — 覺得悶但又唔想周圍去，最好嘅活動就係執屋。整理舊物有趣，可以笑下自己以前有幾戇鳩，懷緬下青春，觀察下其中嘅轉變，好好認識自己。執佢老母一劑，掉咁啲嘢，執完自己同家人又住得舒服啲。
4. Our green friends — 人類朋友緊要，綠色朋友其實都好緊要。有空間有時間嘅話可以種吓嘢，除咗淋水之餘，觀察下啲葉子同軀幹。得閒同佢地傾吓計，讚下佢地生得靚，抹下啲葉，人同植物都開心。
5. 和食物交流 — 有時間盡量自己煮，煮嘅時候要想著心愛嘅人食時嘅幸福模樣，食之前要對動物或植物嘅犧牲心存敬意。食時要好好享受，盡情投入。（不過唔好jap jap聲。）
6. Do not disturb — 臨瞓30分鐘前唔睇電話或者任何螢光幕。（將預先想睇嘅書放喺帎頭隔嚟，到爬上床時就唔怕今分心睇電話了。）
7. Be thankful — 每晚臨瞓我都會同老公交換三件覺得感恩嘅事，大事小事都可以分享。小至「今日食咗個好味嘅午餐。」或者「今日頭髮好服。」呢個level都可以。自從開始呢個習慣之後，我瞓得比之前好咗。
8. 走走 — 如果有個地方要去，距離介乎於搭車與行路之間的話，有時間、天氣又許可的話盡量行路。我發覺我行得多嗰排，寒背好似冇咁嚴重。
9. 以上咁多點，容許自己偶爾做唔到，唔去怪責自己。學識對自己仁慈一點，呢樣先係最重要。
IG@sis3ter
do not disturb電話 在 東訊話機右上角燈恆亮勿擾解除- YouTube 的推薦與評價
... <看更多>