[獨立發展的出路和可能性]
不經不覺，獨立營運Passion Music已經進入第7年。每次搞完一個活動，幾十人又好、幾百人又好，見到有觀眾到場、有演出者、工作人員齊心協力，成就當初的一個idea，真係覺得好滿足。☺️
喂，唔打工，自己頂一間鋪，仲要做音樂野，Run一隊band，頂唔頂到？答案係頂到，但係好辛苦，好chur，但又好自在，辛苦得心甘命抵。唔使做太多無謂既行政交待、唔使迎合莫名奇妙的董事會、唔使應付無遠象的上司。☕️
那也並不代表你毫無壓力，市場會考驗你、俾最直接的反應你，租金會鞭策你。雖然咁講有啲變態，但係某程部份的我係感激和歡迎這些挑戰，令你唔會安於現狀、不斷迫使你成長、學習、謙卑。👀
適度的危機、競爭和壓力，某程度上是一種推動力。缺乏危機感，卻會使人變得因循、安於現狀，沉迷在自己的舊方法和狀態。
因為種種原因和文化，各行各業的龍頭其實不少十分僵化、制度化。種種經歷令我得出一個結論，假如上帝給予你有一個特別的夢想/想法/理念，即管襯後生嘗試實踐出來，唔好怕開啲新嘢、唔好怕創業、唔好怕自己做、唔好怕離開自己comfort zone，唔好期望別人成就你的夢想。（事實是有這樣的人，但少之又少，你也看看是否有這種緣份碰上）
唔好誤會，過程並不簡單、需要學習的東西很多、需要承擔的責任很大，好考驗你和團隊的能力，當然也有些姻緣際遇的成份。
但係咪試吓囉～ 呢個世界嘅改變，好多時來自啲好戇居嘅idea開始，唔好怕做一個戇居嘅人，唔好倚賴迂腐嘅思想同制度，行吓行吓，或者都有條路。
未來會繼續努力，好好地建設好根基，還望將來有更好發展。謝謝一直支持我們的朋友。🙏🏻
(圖為： #疲倦的雙眼帶着期望 😂）
//沒有人把新布縫在舊衣服上，恐怕所補上的新布，帶壞了舊衣服，破的就更大了。" 也沒有人把新酒裝在舊皮袋裡，恐怕酒把皮袋裂開，酒和皮袋都壞了，惟把新酒裝在新皮袋裡。" (可2:20-21)//
#eddiesir講經系列
eddiesir 在 Eddie Dog Behavior & Training 美國專業認證訓犬師及行為專家 的推薦與評價
Eddie Dog Behavior & Training 美國專業認證訓犬師及行為專家. 15257 likes · 5 talking about this. eddie Sir｜電話/Whatsapp：94996699 犬隻行為專家 ... ... <看更多>