Search
唔同Level 嘅Elite Sport通通都有齊👍🏻
證明好多用家都認同Elite Sport嘅手套🧤
#EliteBlackReal #EliteReal #EliteCombatF #EliteGladiator #EliteSportHK
尋晚上堂學生同教練全部都係Elite Sport👍🏻
#練波都爽啲 #EliteSportHK
呢對係試過幾對中階款式之中，水戰表現最好嘅一對，落雨帶住佢絕對令你安心接波👍🏻🙌🏻⚽️被版主認為係隱藏版水戰乳膠💦💦☔️
#唔試又點知咁多 #每對手套都希望試真啲 #EliteSportHK
【水戰中階】Elite Gladiator
相信連廠房萬萬都估唔到呢對手套會成為中階嘅水戰款式。因為喺試呢對手套意外地發現到有隱藏水戰潛力。而肯定嘅係唔止一個人咁同我講，而喺其他中階款係發現唔到呢種特性。
隱藏版水戰乳膠
Elite Gladiator 雖然定位係中階款，採用灰撞螢光綠嘅配色。乳膠係灰色嘅4mm Control SBG，喺實測嘅時候比其他中階嘅乳膠擁有更快嘅「入局」速度。大約用到第二場已經完全入晒狀態。而最令我意外嘅係喺一次落雨嘅天氣發現原本係擁有水戰特性，因為Elite Sport手套雖然已經好夠用，但唔會太期望係落得水。喺全濕嘅情況之下乳膠發揮大約有78成AquaH實力，基本上係完全放心咁喺大雨嘅情況下盡接波。乳膠可以喺短時間內將水份喺乳膠表面吸走，令乳膠同皮球接觸時更穩定。如果試過幾款中階款式，Elite Gladiator 嘅水戰表現絕對係同級中最好。
易帶易用剪裁 - NRoll
以Elite Sport手套剪裁黎，NRoll 剪裁被應用喺多個款式當中，全因係呢個剪裁擁有更大嘅接觸面積，相對傳統豬腸剪裁手感更為清晰直接，而且呢個剪裁嘅穩定性及靈活性更大，更加適合唔同朋友使用。不論新手定係老手都易於操控。接波嘅時候更容易感受到來球力量。
總結
對於中階手套黎講，有一定雨戰能力嘅手套選擇唔太多。但喺實測當中，乳膠嘅狀態絕對足以應付滂沱大雨嘅比賽環境。相信連官方都未必清楚呢款乳膠有咁嘅特性。而喺耐磨同實用性黎講，乳膠嘅表現相對更為出眾。以預算唔多，各方面嘅平衡度，Elite Gladiator 係個人推介中階款式之一。
Elite Gladiator
【乳膠】: 4mm 德國 Control SBG 乳膠
【剪裁】: NRoll 半管指剪裁
【手背】: 4mm 耐磨PS Latex + 壓紋擊球區
【指骨】: 可拆式5指骨
【拇指】: 額外乳膠包裹
Size: 6-11
#中階款式 #隱藏版水戰乳膠 #大雨都接得穩穩陣陣 #elitegladiator #NRoll #可拆式指骨 #龍門手套 #Goalkeeper #Goalkeeping #GKTrainjng #GKGloves #elitesporthk #elitesportgk
有朋友問，如果想搵對有指骨，乳膠耐磨得黎，喺唔同天仔都咁穩定，用黎打石地或者人造草場。可以諗諗Elite Gladiator ，相信係今季試幾款中階款式個人比較Outstanding 嘅一款。
Elite Gladiator
Size: 8 & 9
Price: $450
#一試便愛上 #EliteGladiator #EliteSportHK #高度平衡 #耐磨 #舒適 #可拆式指骨 #穩定
【測試報告】Elite Gladiator
相信大家等左呢個報告都一段時間，試足成個月，報告終於都出籠。作為第一對向各位介紹嘅手套，呢對Gladiator 當然有番咁上下。上代嘅Gladiator 只係一對極度唔起眼嘅款式，唔起眼嘅程度係版主只係賣過幾對，但試完之後係覺得進步得最多嘅一對。
超出預期嘅黏度及耐磨度
本身都唔會期望中階款會有一個好Outstanding 嘅表現，由上代嘅Control M Latex 升級到今代嘅SBG見乳膠，不論耐磨同黏度有大幅進步。因為除左「開套」頭幾次係比較一般之外，不過去到第五次就開始「黎料」，乳膠摸上手質地較頂級款為硬，所以接波嘅感覺較為直接。至於乳膠嘅表現，經過幾次開手套後已經可以輕鬆吸起一個落場版足球。而全濕嘅狀態下，相比上代同規格嘅乳膠有更理想嘅穩定性。
偏直接嘅手感
Elite Sport 嘅手套分開幾個唔同嘅剪裁，Roll Finger 會較厚，緩衝度高。而Gladiator 採用NRoll 剪裁，特性偏向直接，總會比到一種好「實淨」嘅接波感覺。對於喜歡手感好強好直接嘅朋友應該會好開心。而內櫳剪綵相對偏細，指位剪裁偏向中性，會容許指位有少量空間。但掌位相對更貼，所以要有興嘅朋友需要喺尺碼上多加留意。
對比以往同級嘅 Elite Inca，乳膠嘅耐磨度同黏度嘅進步係翻左幾翻。雖然大家嘅Spec 差唔多，但接起波上黎嘅感覺同，乳膠比提供更理想嘅黏度同耐磨度，對於踢石地嘅朋友相信係一對好岩用嘅手套，而測試完之後檢視過乳膠嘅損耗狀況，比想像中更理想，唔細心留意係唔覺有損耗。所以作為第一對介紹嘅手套，絕對唔失禮。
Elite Gladiator
乳膠: 4mm Elite Control SBG Latex + 4mm 緩衝層
剪裁: NRoll + 拇指額外乳膠 (半外弧剪裁）
手背: 4mm PS Latex + AVM透氣技術
腕帶: 內腕帶 + 非彈性背帶
指骨: 可拆式5指骨
尺碼: 7 - 10號 (由於每個款式尺碼有分別，訂購時再詢問那個尺碼為最適合）
根據實測後評分💯
乳膠黏度☀️: 7/10 (以中階款黎講真係好啜）
乳膠黏度☔️: 6.5/10 (一般落雨情況下已經非常穩定)
耐磨度: 8/10 (只有輕微損耗）
手感: 7 (1 為緩衝感較強，10為手感更直接）
舒適度: 6.5/10 (夠輕，指位有少量虛位，但掌位算包手）
適合場地: 硬地，仿草，地氈草
#Elitesporthk #Gladiator #守護者 #耐磨夠啜 #手套實測 #實而不華 #輕巧
【測試報告】Elite Gladiator 相信大家等左呢個報告都一段時間，試足成個月，報告終於都出籠。作為第一對向各位介紹嘅手套，呢對Gladiator 當然有番咁上下。 ... <看更多>
elitegladiator 在 Gladiator SUP Elite iSUP Range Overview 2022 SUPboarder 的推薦與評價
In this video Reuben gives you an overview of the Elite range from Gladiator SUP. The Elite range is the top end range of iSUPs from ... ... <看更多>