不如我又提返醒大家啲嘢啦！話說2017年選舉事務處竟然可以唔見咗兩部擁有着350萬選民資料嘅電腦，當時全香港市民議員甚至政府都表示震驚！之後點呢？當好多市民都以為不了了之嘅時候，其實當局處理左㗎啦！不過冇公布咁解咋嘛！咁咪不如我公布啦！我就引述政府內部人士嘅消息同大家講下啦！首先再提一次當日選舉事務處發現唔見咗個電腦之後報警係屬於報假案，我之前已經喺Facebook講過一次，因為個電腦並非佢哋所講係後備選舉場嘅房間俾人偷咗嘅，而係部電腦被運送喺呢個房間之前就已經唔見咗㗎啦！我猜測當然係有人已經做咗嘢啦！但係原來政府報假案係冇事過喎！言歸正傳，後來選舉事務處為咗蓋住政府把口，就係內部搵咗個平時同啲同事上司關係麻麻地嘅EO就食咗呢隻死貓㗎啦，仲要記錄係佢犯咗錯誤！點犯呢天知道啦！但就算將整個責任推比呢位叫Leo嘅選舉事務處同事，但佢繼續好安然咁係個處裏面繼續做緊嘢㗎喎，人工照收假期照放！等於冇責任可言！當然食完隻死貓處方要多謝佢添！所以對於選舉本log book唔見咗，可能處方都係會用返同一招數咁就算嫁啦！不如Leo哥你食埋呢隻死貓啦！比着我係佢我就向申訴專員公署投訴自己個處方啦！不過人哋打份工姐！
