燒肉(9.5/10)( ¥16000/2 人)
鶯谷園 @ 東京 鶯谷
今次去東京旅行🗼,其中一個目標就係要食日本既燒肉🤘🏻。今次拜託左@a__k__o幫我book左間tabelog 高達4.09分既日本燒肉店🍖,性價比相對其他日本燒肉店黎講非常高,就咁睇油脂比例都好肯定係A5和牛🤞🏼,真係好好食。
.
差唔多要提早1個月先book到(真係麻煩ako大神🤘🏻😂),但大家如果住上野都可以撞撞運氣🤗,可以夜少少去食,因為呢間燒肉店深夜兩點先關門。
.
鶯谷園相比傳統日式燒肉店😘基本上唔加任何醃料,感覺相對比較韓式少少🇰🇷,因為部分牛肉會輕微醃製,加上少少鹽同黑椒,蔥,芝麻,提升肉味。但絕對唔會好似真。韓式燒肉店咁😂😂,剩係食到醃肉咸味
.
店內有中英文menu🤘🏻,方便大家嗌野食。今次我都難得豪一豪,嗌既牛肉都係特上級別,分別係:
西冷牛扒🐂( ¥5000/200g)
特上腰脊肉( ¥1300)
特上牛五花 ( ¥1600)
上等牛五花(三角部位) ( ¥1600)
牛柳 ( ¥1600)
特上牛舌( ¥1600)
豬五花( ¥1500)
如果大家唔想嗌特上,其實價錢仲抵,由 ¥600 - ¥900 不等。
.
其實foodki覺得黎到日本燒肉店,無理由唔豪一豪既,食完之後真係覺得好值得🤘🏻,如果係香港食一定要二千蚊以上先食到!
.
圖中果個係和牛西冷扒🐂,價錢最貴,但食落真係最好味,入口油脂極度豐富之外,肉質非常細膩,細嚼一下,就即溶😍😍😍,實在非常非常好食。
其實每一種和牛都好好好味😋😋😋,下次去日本都一定要揀一間燒肉店食!! . . .
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵
Tabelog: 4.09 /5
🏢地址:東京都台東区根岸1-5-15
🚃交通:
JR山手線・京浜東北線「鶯谷駅」北口徒歩3~4分
⏱營業時間:17:00~02:00
💤定休日:無休
👫人潮觀察:要book位
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵
foodki京都 在 Kiki & May - 隨意吃樂部 Facebook 的最佳解答
尾花 @ 東京
鰻魚飯(8.5/10)(¥4300 / $300)
尾花鰻魚飯真係非常出名,除左遊客之外,唔少日本人🇯🇵都會去食。
店面同店內係傳統既和式設計🗻,坐榻榻。鰻魚飯需要等大約40分鐘🍱,即叫即製,坐到腳仔都痺埋。
鰻魚飯份量好大🌞,絕對夠一個男仔食,鰻魚先蒸後燒,係傳統既關東煮法🇯🇵。魚皮燒得岩岩好,微微燶,食落會帶有少少脆感🤘🏻。鰻魚肉質滑嫩又肥美。鰻魚汁唔會太咸,送飯真係好正。
唯一敗筆鰻魚肉係細魚骨頗多,食完仲有條骨☠️"kick"住左係啲牙到。
講返尾花,係米芝蓮一星。另外tabelog 分數黎講,鰻魚飯全日本第4位,分數為4.09分😎😎。以分數黎講,係日本食店黎講係頂級既存在。一個鰻魚飯價錢要$300港紙😝,睇返上面既成續,真係覺得一啲都唔貴。
排隊人龍係lunch時間真係好誇張,但foodki發現係夜晚開門時間,無近乎無人架(16:00)🤘🏻🤘🏻,所以想食既朋友,又唔想排隊既靚仔靚女😂,不妨抽下時間早少少去食! .
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵
Tabelog: 4.09 /5
🏢地址:東京都荒川区南千住5-33-1
🚃交通:JR常磐線・東京メトロ日比谷線・TX「南千住駅」徒歩4~5分鐘
⏱營業時間:星期二至日 - 11:30 - 13:30
16:00 - 19:30
💤定休日:星期一
👫人潮觀察:不用排隊
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵
foodki京都 在 Kiki & May - 隨意吃樂部 Facebook 的最讚貼文
麵屋一燈 @ 東京
濃厚魚介沾麵(9.5/10)(¥1100/ $77)
麵屋一燈而家已經係全日本🇯🇵第一既拉麵🤘🏻,3年前食過一次😎,今次去東京都專程去食多次🤘🏻🤘🏻,我覺得係好完美既拉麵。
夜晚(17:10)排隊,開門(18:00)就入得,以第一名既拉麵👬👭👫,排隊時間算係非常合理。
嗌左叉燒版,有1塊紫菜4塊豬肉叉燒🐷(2塊肥肉,2塊瘦肉) 加2塊雞肉叉燒🐔。佢地既叉燒係用低溫煮熟🤘🏻,所以呈紅紅地色,但其實係熟曬,所以可以放心食用~
雞肉叉燒🐔食落有種明顯既層次感,但同時口感鮮嫩,實在非常出色。
而最紅果塊豬肉叉燒🐤,食落有煙燻感,食落有啲似煙肉🥓,但係嫩版煙肉。
最後一種叉燒,肥肉🐖,有啲似池袋無敵家,香港松壱家,對比之前兩種,稍為無咁特別。
湯底濃度適中🤘🏻,食落有種強烈雞湯既清甜香味,味道非常細膩,食落非常清爽配上兩粒雞肉肉丸🐔,食落真係滿足,加上微微魚介香作點綴🤘🏻,真係太過好食。
份量超大😂😂,女仔建議嗌返最細SIZE加唔洗叫咁多肉。
呢份沾麵係我食過完成度最高既拉麵🤘🏻。根本真係無得輸,叉燒,麵,湯底都有係頂級🗻之作。 .
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵
Tabelog分數:4.1/5
地址:東京都葛飾区東新小岩1-4-17
交通:JR総武線「新小岩」駅(北口),徒歩3分
營業時間:星期一至日 - 11:00~15:00
& 18:00~22:00
人潮觀察:17:10(開店前50分鐘)九人排隊
店內位置:11個
🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵 foodki東京