//支持本Page請Click入內文比Clap,已為Medium收費會員請直接Click入內文閱讀,謝謝!//
以罷食藍店、「懲罰」黃店嘅黃金經濟圈愈來愈成勢,陸陸續續有食店例如華星冰室、佳景集團同藍絲KOL割席以避免遭受「裝修」之災,甚至乎轉軚積極作出支持抗爭嘅措施,例如張貼標語於餐廳、提供「學生餐」,榮熙茶餐廳甚至公告任何員工若在工作時間談論政治、發表藍色言論即炒,老實講,都幾出乎我意料之外。
要知道香港人一樣都係鍾意貪著數、懶惰,過往最鍾意嘲笑大陸人其中一樣嘢就係罷買日貨,永遠口裡說不,身體卻很誠實。但如今竟然係可以萬眾一心到一個地步係,我身邊有從來對政治冷感嘅朋友,竟然真係堅持罷搭港鐵到而家;甚至好多香港人食飯而家都講到明非黃店不食,搞到出名黃店係逆市排哂長龍。
呢股潮流其實好多地方值得分析,例如文宣組點樣透過「懲罰」黃店帶出一個又一個感人小故事;又或者將「懲罰」黃店包裝成一樣好有品味、好有型嘅消費行為,相反幫襯藍店就是七。甚至乎社會抗爭點樣同消費結合,借助群眾壓力推動大家──「既然唔敢衝至少都要做好份內事」呢種諗法,令最溫和嘅黃絲寧願忍受少少唔方便同埋口福,都要貫徹罷食罷買嘅原則。
不過著名社運份子龐一鳴同經濟系教授曾國平呢兩位一左一右代表,都先後撰文對於呢個黃金經濟圈效益表示質疑:龐一鳴話根據歐美罷食經驗,好多時罷食運動經歷一定時間後就會出現反彈,因為當消費者以「家長、情人、朋友」等等身份來進行購買活動,就會抵消咗罷買罷食嘅決心;同埋要評估罷食有無效一定要有數據支持云云。
至於曾國平則認為,當查證政治取向極之困難,而扮黃成本又極低(反而藍得太出位會招致「裝修」、罷食),結果係會鼓勵大量小店扮黃,而消費者可能不知就裡、糊里糊塗就幫襯咗,令其成功成為Free Rider。
即係呢兩種講法我都唔可以話錯,至少比起之前自稱「保險小薯」講唔知乜9嘢「裝修美心保險係包哂,結果益埋佢有全新裝修」(保險理賠嘅代價係下年度保費激增甚至拒絕再受保,何妖議員辦事處就係例子)、又或者有左膠同連登仔話「亂咁裝修店舖係會失民心,我地應該為抗爭設限」(根本前線係有足夠智慧修正裝修錯誤,唔駛你班冷氣軍師指指點點)相比係高質得多。
但正正係如龐一鳴所言,罷食嘅勢頭係好難維持,因為參與嘅門檻低、放棄嘅門檻亦同樣低,所以係更加肯定「裝修」策略嘅需要。正如我之前一而再、再而三提出嘅抗爭方程式:
人數X程度=抗爭衝擊力
就算成千上萬位消費者罷食,除咗睇大集團嘅財務年報或者記者專訪,你係好難知道究竟成功咗幾多,甚至乎龐一鳴嘅所謂數據,例如中銀第三季度流失咗三百幾億存款聽落好似好誇張,但其實根本就係九牛一毛對中銀業績毫不動搖。
但係「裝修」卻係即時睇倒效果:維修費用(或者係保險成本嘅增加)、視覺上嘅震撼性;對黃絲響士氣上嘅鼓舞同警惕(記住場抗爭未完、要對死去嘅義士有所交待)、對藍絲嘅威嚇同震懾力(同抗爭者為敵後果自負)……所以點解我對反對或者刻意淡化「裝修」嘅左膠和理非嗤之以鼻,係因為佢地根本睇唔出「和勇合一」嘅真正意義:和理非雖然容易造成掀起風潮,但勇武卻係維持衝擊力嘅矛頭,兩者缺一不可。龐一鳴只談罷食而不談裝修,評論當然就會有所缺失。
至於所謂「扮黃」問題,我地首先要問嘅一個問題係,究竟「扮黃」成本係咪真係低到近乎零呢?從你睇龍門冰室比人唔至一次搗亂,似乎又唔係完全零風險,甚至乎亦有唔止一間餐廳表示曾經比藍絲騷擾過;換言之黃店都唔係完全著數哂。
但另一方面,以目前民意調查黎計,起碼有七成人係支持抗爭者,相比起黎撐警嘅只有三成;而無論係網上定現實世界,黃色經濟圈都要比藍絲擁有更大嘅罷食同撐黃店嘅行動力,換言之藍絲未必介意去黃店食,但黃絲卻係好介意去藍店食,所以埋單計數,你做黃店點都著數個藍店,「扮黃」嘅誘因始終存在。
而家個問題卻係,當有愈來愈多店舖聲稱自己係黃店,然後就有人質疑呢埋店舖只係為咗拯救自己生意而「扮黃」,甚至原本係藍店靜雞雞轉黃混水摸魚,於是又出現咗兩種意見:
1. 有人認為唔能夠將黃店標準set得太高,高到大多數店舖都追唔上,咁樣只係會令黃色經濟圈難以壯大;而郁啲就質疑店主做得唔足就叫人地「偽黃」,亦會令成場抗爭劃地為牢、小圈子同排斥中間派;
2. 亦有人擔心將黃店門檻Set得太低,唔單止對一啲忠實撐抗爭嘅深黃店唔公平,太多混水摸魚之徒變身「偽黃店」,亦會令「真黃店」客源被分薄;更重要嘅係,如果咁易比人「白轉黃」或者「藍轉黃」,咁係咪變相鼓勵呢堆牆頭草,一到民意逆轉就同抗爭運動劃清界線。
個人認為,其實兩種講法,並唔係完全矛盾對立。企響黃色經濟圈角度黎講,有人願意加入成為黃店,理應係無任歡迎;同時如果因為有舖頭曾經係藍而永世都唔願意比機會佢轉黃,不近人情之餘亦等同將願意投降嘅敵人永遠推向對立面,點都講唔過。
至於Free Rider同埋公平問題,反而應該係引入新分級制度,去區別唔同黃店對抗爭嘅支持程度──死忠撐抗爭嘅「深黃店」應該要最大嘅支持同宣傳;只係做啲初階門面嘢、又或者啱啱又藍轉黃嘅,就應該加上「淺黃店」標籤比大家作善意觀察,而唔係拒人於千里之外。
要記住黃色經濟圈雖然係一種情感消費,但同時始終係一種經濟行為:即使同時支持抗爭,無論係食物水準定係支援嘅抗入程度,都應該依市場機制自由競爭,然後由消費者決定邊個可以生存落去。所以,與其敵視想加入黃色經濟圈嘅新成員,倒不如諗下點設立一個評級機制,同埋將各黃店嘅唔同資訊廣傳開去仲好,而唔係得一個簡單嘅名單。
同時也有1部Youtube影片,追蹤數超過2萬的網紅KTSmagic,也在其Youtube影片中提到,連登熱話 近期最熱烈討論的話題 #Mirror十二子 當中誰是 #Free Rider #鏡粉 就有關話題展開了激烈的討論,並提到重要的觀點 #12-1=0 Mirror12子 齊上齊落 一個都不能少。 本集會就Mirror的發展前景,作一個宏觀的討論。 播放清單 娛樂八卦 花生趣事 https...
free rider連登 在 無神論者的巴別塔 Facebook 的最佳貼文
//支持本page請Click入內文比Clap,Medium會員請直接Click入去睇內文,謝謝!//
11月3日各區再一次遍地開花抗爭,群眾多聚集於包括大埔、沙田、屯門、太古城、鑽石山、將軍澳等商場之中,而警察經已對闖入商場毫無顧忌,亦完全係唔會再拘泥於法治制度下對一般市民嘅保障,已經唔係因為你有挑釁警方所以被拉,而係佢想拉人就求其執幾件番去,因為你響果一刻存在於警察身處地區,本身經已係罪。
大家有無留意到,呢一輪防暴拉嘅人唔再限於年輕人,而多咗好多師奶阿伯?企響特區政府立場黎講,當然就係要嚇到無人再敢響警察面前作任何挑釁甚至係聚集,最終令地區抗爭者失去街坊後盾支持,從而達到止暴制亂效果。
但相對抗爭者而言,抗爭之火燒入各區、甚至而家燒入各區商場同住宅,等所有市民親身經歷警暴響身邊發生、各商舖老闆直接體驗飯碗好地地點樣再一次比防暴打爛,令社會大眾對政府更被仇視──去到最後,當然又係番番去持久戰嘅基本原則:「邊個堅持去到最後、邊個夠惡迫倒社會大多數向對手施壓屈服」就叫做贏。
唔好話勇武抗爭,去到今時今日,當連落商場食花生睇熱鬧都變成一種風險嘅時候,你鼓吹人落街都隨時比人鬧「送人去死」又或者比人大條道理以「我有家爺乸,所以唔能求奢求我落街冒險」──但又係講番果句,當去到今時今日呢個咁惡劣、套用連登仔口頭蟬:「場運動就黎輸」嘅時候,你都仲諗住做Free Rider安坐家中睇電視直播,咁唔該唔好再喊住同人講有好多人受害點點點,呢種同情實在太過廉價。
呢一晚當然個傷亡又係非常重大,疑似有學生為逃避警方追捕跳海,生死未卜;又有科大學生因逃避催淚彈墮樓重傷昏迷。但幾乎一切焦點都放咗響太古城出現變態刀手重傷四人,當中民主黨趙家賢更加被咬甩耳仔。
響度我亦唔再重複網上各方面好多嘅道德譴責,而係想歸納一下,究竟點解一班藍絲總係如廝暴力?
首先當然係因為警察執法偏頗,當藍屍施暴時往往被放走甚至從現場護送離開有關。當然有少部份藍屍被捉上法庭時,法官仍予以輕判──當日有藍屍對學生揮刀斬傷老師,而最終竟然只被判監禁2個月時,我經已斷定呢個判刑等同比一眾藍屍一個清晰訊息,佢地就係會被法庭包庇輕判,當然亦愈加猖狂。
另一個證據係當發生呢單嚴重傷人事件後,特區政府個聲明只係強調「尊重不同政見人士」,然後就一面倒譴責「私刑」:有無發覺同佢譴責「暴徒傷及無辜人士、破壞社會安寧」相比,係天比同地比?呢種上下其手當然亦係變相鼓勵藍屍施暴嘅訊號。
其次,當然係大陸政府嘅煽動。你會發現呢排嘅藍屍刀手,係有唔少黎自大陸。其實每一次香港有藍屍被打,都會響大陸微訊飯圈被吹捧成英雄。甚至乎有個別例子仲有獎金添。結果無論香港定大陸藍屍,都會有種使命感認為響香港施暴係替天行道、成為民族英雄嘅捷徑;而比人打一身換黎嘅,隨時係各種實質嘅慰問金,同埋有助兌換成各種利益嘅知名度。(開個直播收課金都收到手軟啦)
第三,基於政府警方執法系統失效,甚至有鼓吹藍屍施暴嘅方向,好自然民間就係自行建立一個「私了」系統以彌補呢個執法漏洞。但問題卻係,「私了」系統往往被各種來自己方陣營嘅干涉制肘住:例如每次打到咁上下,就會有阻膠撲出黎話「打死人啦!唔好打啦!」,甚至以自己身體保護施暴者;結果你會睇倒絕大多數嘅藍屍被施暴後,都可以好得戚咁企番起身。
然後急救員又會不分敵我一視同仁進行急救;之後仲要有一班和理非KOL(最佳代表自然係燈神蕭)響節目度譴責一切暴力,聲稱比人斬只能夠擋住而唔能夠反擊,更以近乎暪騙的手法恐嚇「私了」會令民情逆轉、《香港民主及人權法案》失去支持而不能通過。
結果呢?當然就又係比咗一個訊息比班藍屍知道,其實即使響敵方陣營入面,一樣有好多人出於人道立場會保護佢地,令佢地就算斬傷斬死人,生命都一樣唔會受到威脅、個特區政府會鼓息你、個法庭會輕判你、個國家會讚揚你、班群眾會擁戴/課金比你──我當然唔敢話個個藍屍都會因為咁而落街斬人,但當個「被私了」嘅代價係咁低嘅時候,你其實等若發出邀請涵比呢班殺手,歡迎你地蒞臨抗爭現場斬人。
掉番轉,點樣可以減少呢啲危害一般市民嘅血案發生?好簡單,有足夠嘅「私了」阻嚇性,咪會令班藍屍郁手前三思囉。而家唔係無人敢郁手呀,只係比人阻9住哂咋:
阻膠之所以咁落力阻住「私了」,都係因為佢地好有信心自己唔會被打,咁往後係咪應該將「阻膠」一律視為幫兇看待呢?往後如果再有和理非響網上譴責「私了」,係咪應該要將其視為「分化運動」嘅元兇,呼籲抗爭者與其割席呢?
我唔會為大家落判斷,但斬手斬腳、劏肚、咬耳只會無日無之,愈黎愈多;而係咪要有第一個市民被人斬死,你地先會正視呢個問題?到時會唔會經已太遲?
free rider連登 在 KTSmagic Youtube 的最讚貼文
連登熱話 近期最熱烈討論的話題 #Mirror十二子 當中誰是 #Free Rider
#鏡粉 就有關話題展開了激烈的討論,並提到重要的觀點 #12-1=0 Mirror12子 齊上齊落 一個都不能少。
本集會就Mirror的發展前景,作一個宏觀的討論。
播放清單 娛樂八卦 花生趣事 https://youtube.com/playlist?list=PLWMDjJHKt7PbxoHEyDUexPK7WVF5nFDFl
KTSmagic 需要您的 支持 及《訂閱》
https://www.youtube.com/c/Ktsmagic?sub_confirmation=1
「會員計劃」經已開通
https://www.youtube.com/channel/UCecL2Rw4aDHdq9OJ5gO4Ejw/join
只須點擊「加入」->「選擇讚助金額」->按照頁面指示「完成讚助」
假如你曾經因為 我的影片 而得到某些啟發
您的小小心意 將會是本台最巨大的支持
![post-title](https://i.ytimg.com/vi/t_2YD0HjCA0/hqdefault.jpg)