我完全唔介意同新人一齊去見客，因為紙上談兵係冇意思，齋講不如嚟一場實戰，我以前都做過新人，當前輩無私咁塞錢入你袋，第日自己出咗身，都想分享畀更多人，你學多啲，我做少啲，好過攬晒上身。
舊老細教落，去人哋公司見客，如果係嗰啲落地玻璃會議室，一定要坐對住門口嘅位。
「點解嘅？」
「因為個客背住門口，就睇唔到出面啲人行嚟行去，佢會專心啲聽你講嘢。」
聽落好似好無聊，但的確係幾Work，試過畀個客望住落地玻璃出面嘅情況，每逢有人行過佢都下意識望一望，傾嘢斷斷續續。
除咗拎齊公司資料，最好拎本簿或者一張紙放喺枱面，扮嘢又好，真係抄notes都好，做戲做全套，專業啲囉，否則個客硬係以為你當佢講嘅嘢耳邊風，其實我都係搵支筆潦兩潦咋，得鬼閒同佢默書咩！
儀容方面，其實整齊就得喇，男仔冇得化妝，主要係睇你乾唔乾淨，尤其是踏入夏天，企喺度唔郁都會出油出汗，著件淨色背心喺底，咁就算身水身汗，都唔會透晒啲汗漬喺件恤衫度，呢個point我真心分享。
至於一啲遮唔到嘅地方，例如塊面，見客前記得要抹走面油，事關用紙巾或者面油紙都唔夠乾淨，所以小弟會隨身帶備GATSBY潔面紙巾，一抹就抹走面油污垢，仲即刻醒神晒！
俊朗外表雖然冇我份，但乾淨冇油始終係基本，何況......有時仲會遇到啲靚女客，正所謂輸人唔輸陣，你懂的。
產品資訊：https://goo.gl/vA1m4R
#見客實戰教室 #GATSBYHK #潔面紙巾 #一抹清爽 #秒殺面油 #輸人唔輸陣
