因為有啲朋友問我架雙人bb車好唔好用，又問我咩bb車好，我前後買過5架，可以share下用後感俾大家。
·人生第一部bb車 「Chicco Trolley」
當包包還未出世時，我同好多媽媽一樣，買齊晒用品迎接佢嘅來臨。當時身邊沒有太多媽媽朋友，乜都唔識，只知我想俾最好的我個女。chicco bb車，有超強避震又可以平躺，就覺得咁應該好適合初生bb用，但都幾大部同幾重。呢部我覺得適合有車家庭，因為佢摺咗上公共交通工具都有難度，一手抱着bb一手攞車係無可能。
·粉紅控「Graco Melody 版」
喺包包大約5個月就轉咗呢架bb車，粉紅色，一個字「靚」，相信好多媽媽都俾佢吸引過。另外佢可以雙向（啱晒我呢D緊張媽咪，可以望住bb)，車好輕，部車用落都幾方便，媽媽可以自己收車單拖無問題，唯獨係雖然佢雙向，但只有後面2個輪係360度萬向輪，所以如果要望住bb咁推，係好難控制😑，同埋避震唔理想，普通街道bb都好「凳」😂😂，椅背好斜，bb不能坐直，長期一係瞓覺一係坐到無椅背咁。
·實而不華「Combi trolley」
呢部都好紮實，望到呀女都坐得舒適，同埋座位總長有70幾cm，啱晒佢瞓覺，又可以單手收車👍🏻收車後可企，亦係暫時用得最長時間嘅一部，重點係陪過包包同我嘅《相依為命沖繩之旅》。
正如好多媽媽話齋第2胎係放鬆D😂😂，到細佬波出世，我無咁緊張咁睇BB車，不過今次我想要架雙人BB車，可以一次過推2件出街！但買雙b車，都好難揀，因為香港地細，驚好多地方入唔到𨋢，又要輕又要收車容易，又唔想收車後好大部，又想坐得舒服，又要就個大又就個細，千萬樣野要諗...
·宇宙最強「淘寶雙人BB車」
終於俾我遇到好野🤩呢部雙b車，部車個籃容量好大，可以放2個媽媽包有多，超強避震，絶對比得上大牌子bb車的避震...仲有齊我想要嘅條件。
後座：要有大空間同放腳嘅空間，大咗到幾歲都可以坐，🙅🏻♀拒絕壓迫感；高景觀（後座要高過前面），可以瞓低俾佢瞓覺，因為我預咗波波坐後面。
前座：坐位要夠闊同深（俾大patpat嘅包包), 有腳踏, 前蓬可以拆。
雖然我用得比較多車😅，但其實每一架BB車都陪伴住我同波包成長，睇返啲相真係好多回憶！
#bb車 #揀bb車 #育兒 #親子
graco雙人bb車 在 【六甲媽咪】Graco Stadium Duo 城市雙人行雙人前後座嬰幼兒 ... 的推薦與評價
Comments · 【全朋友母嬰】-美國Kinderwagon雙胞胎推車 · Graco Ready2Grow LX Stand & Ride Stroller - Metropolis - Graco · City select 雙人 嬰兒推車單座 ... ... <看更多>