【科技】2021年智能手機仲需要耳機插孔？ 調查結果：近8成人認為有好過冇
自從Apple喺iPhone 7開始取消3.5mm耳機插孔，其他大廠就相繼取消旗艦機款耳機插孔，繼而將機身做得更輕薄同防塵防水，加上近年真藍芽耳機技術發展迅速，市面上貴價少少嘅無線耳機都唔會有太大延遲以及續航力問題，唯獨音質同有線耳機仲有一大段距離。唔少人為求方便，又或者冇得揀（冇窿插），都會選擇轉用無線耳機，令有線耳機逐漸淪為發燒友玩意。最近外國站Phone Arena做咗項調查，問網友覺得2021年嘅智能手機仲需唔需要耳機孔，結果顯示近8成人都認為有好過冇，唔知大家又點睇呢？
#耳機孔 #headphoejack
