【 大叔的愛／「阿卵」跟Asha演兩兄妹？】
MeWe版本：https://bit.ly/2TM6dpg
這篇訪問是在二月初完成的。
＃＃＃＃＃＃＃＃＃＃＃＃＃＃＃＃＃＃
現正在ViuTV熱播、改編日劇《大叔的愛》（おっさんずラブ）的香港史上首套同名BL連續劇，早於農曆新年假期前（8/2）在ViuTV九龍灣總台舉行記者會，日本朝日電視台（tv asahi）更派出駐港記者到場採訪，並安排於今晚在當地全國晚間新聞時段播出報道，認真威水。除了三位男主角：MIRROR成員呂爵安（Edan）和盧瀚霆（Anson Lo），以及黃德斌，連同劇中其他演員一同亮相，包括在劇中飾演兩兄妹的舞台劇演員楊偉倫（阿卵）和屬於英菲混血兒徐㴓喬（Asha Cuthbert）。
且慢，單從外貌判斷，擺到明一個係港仔，一個係鬼妹，監製編劇咁大整蠱？阿卵就此急忙解畫：「唔係假㗎，我哋喺劇入面真係親生兄妹，即係你見佢個樣都好似中國人，我就好『鬼』、好外國人樣嘛，係咪先？！」如果有看「朱凌凌」（與白只和朱栢謙等合組）昔日的演出，或者《小人國6》等舞台劇，都會知道阿卵身為「爆肚專家」，「唧人笑」功力深厚，到底拍攝期間，身為「妹妹」的Asha有沒有因為阿卵突然爆肚而忍唔到笑呢？
原本是問劇中飾演方梓芊的Asha，結果阿卵一下子便反客為主，掌握「話語權」，厲害厲害：「（你話）佢有冇搞到我成日都忍唔住笑？有呀！」Asha隨即笑着說：「我嘅廣東話成日都搞到你笑吓嘛？！」接得好，對應得體，於是乎阿卵使出一招「笠高帽」：「唔係，唔係，我其實覺得佢好好，佢做戲好認真，好有心機嘅！」讚還讚，但實情是Asha拍劇經驗不多，對上一套已是2018年10月首播的《迷失假期》，所以每次走到鏡頭前，都會突然變得相當緊張。她說：「佢係咁叫我放鬆，但我真係放鬆唔到呀！」
有沒有「急救」妙法？搞個「爛Gag」如何？阿卵笑指偶爾也會如此，「都會搞下『爛Gag』，令到個氣氛和諧啲啦！」不過他指放鬆才是關鍵，得自行想想方法，包括可以嘗試埋位前不要想太多。「通常你諗住要點樣做到（演繹角色），去到最尾都係做唔到㗎，不如你放鬆啦，咁仲好，仲自然。」Asha則說，劇本裏，阿卵的角色（方梓平）經常都會講笑話，但最教她深刻的反而是一幕很花氣力去演的嚴肅戲份。「尋日（7/2）我哋拍咗場好激動嘅Scene啦，去到最尾，我可以放鬆，佢同我Hi Five（擊掌），我覺得係畀到鼓勵同支持我。」（＊將於第九集播出）
今次畢竟是ViuTV直接向朝日電視台（tv asahi）購買日本版《大叔的愛》改編，問阿卵和Asha在演出前有沒有看過原裝版本？阿卵認為應盡量避免照辦煮碗，「我覺得如果跟住原版嘅感覺，可能會有掣肘，不如就喺我哋而家拍緊嘅呢個新版本上面建立（演繹基礎）啦，咁可能再自然啲。」至於Asha亦認為，港版《大叔的愛》較原本多出8集（合共15集），所以編花了更多篇幅去建立角色之間的關係基礎，跟日本版略有不同，「我哋會多咗啲關係上嘅Scene，希望大家都可以Feel到阿哥同阿妹之間嘅嗰種親情。」
提到各自的拍檔 ── 練美娟飾演的賴嘉雯，和呂爵安飾演的田一雄，阿卵率先「表態」指「娟姐」好靚女！「因為頭先（記者會上）『娟姐』話我唔記得提佢，佢有啲唔開心，所以我而家要提番，我要講番：我呢個角色係覺得呢個女仔係好靚嘅！我同佢喺故事入面有啲關係啦，都叫做互相欣賞。」Asha則笑指在劇中經常要鬧爆Edan，這種舉動令她更易走進角色情緒。「Edan都好慘，個角色成日都被我鬧，可能我冇咩經驗，一開頭，大家都Feel到我嘅緊張，但玩玩下，反而要演鬧人嗰啲位，對我嚟講係有種破冰嘅感覺。」
第一集劇情預告：
https://bit.ly/3qFrxsv
第二集劇情預告：
https://bit.ly/3juCxar
第三集劇情預告：
https://bit.ly/3wgUkVx
第四集劇情預告：
https://bit.ly/3hwXy1T
第五集劇情預告：
https://bit.ly/3jDXfVD
第六集劇情預告：
https://bit.ly/3r1O6rG
第七集劇情預告：
https://bit.ly/2SXpFyY
第八集劇情預告：
https://bit.ly/2UzUDxi
《大叔的愛（香港版）》系列報道 ──
港版《大叔的愛》正式開鏡：
http://bit.ly/3ulwo3u
港版《大叔的愛》陣容落實：
http://bit.ly/3aI6X4z
「大表哥」邱士縉《大叔的愛》再演地產經紀：
https://bit.ly/35ixKAE
大叔的愛「阿卵」跟Asha演兩兄妹？
https://bit.ly/3glwtPW
《大叔的愛》記者會呂爵安造型有心思：
https://bit.ly/3eZO3bN
《大叔的愛》今秋反攻日本市場：
https://bit.ly/2T4WtWW
《大叔的愛》首播收視開紅盤：
https://bit.ly/2UP2dEF
《大叔的愛》首播與《蘋果娛樂》消失：
https://bit.ly/3hgimMf
（08072021）
＃游大東 ＃游大東影視筆記 ＃大叔的愛 ＃呂爵安 ＃盧瀚霆 ＃黃德斌 ＃港劇 ＃VIUTV Edan Lui 呂爵安 Asha Cuthbert 香港OL民 - 香港大叔的愛同好會 Ossan's Love Hong Kong Fan Club 做乜膠睇電視 港人講電視 港女講劇 楊偉倫 Lun Yeah
hi five擊掌 在 High Five舉手擊掌By Misuk La - YouTube 的推薦與評價
... <看更多>