📍ᴛᴀɪ ᴡᴀɪ, ʜᴏɴɢ ᴋᴏɴɢ 🇭🇰
<大圍人氣文青Café|DearCoffee&Bakery>
唔經唔覺原來已經好耐冇去大圍度食嘢,小編每次去親大圍都一定會去Dear度睇吓有冇嘢啱食。雖然今次去到見啲麵包就唔係太吸引,不過就比佢哋嘅定食同蛋糕吸引咗,所以都排咗一陣隊入去試。
Dear Coffee & Bakery喺一間主力售賣意式精品咖啡同自家製麵包🤗,而店主亦會因應當日時令的食材,製作不同口味的麵包。另外,亦會喺週六日烤焗不同款式的蛋糕😜。
-
🍴朝·定食
評分:8.5/10
朝·定食裏面就有齊玉子、香草腸、獅子狗、芝麻醬菠菜、迷你貝果同香橙,絕對係一份均衡飲食嘅早餐。
All-day Breakfast食就食得多,日式嘅All-day Breakfast小編今次都係第一次試。朝·定食即叫即整,而且熱辣辣香噴噴咁,真係超吸吸引啦!定食嘅份量望落好似就唔係好多咁,但對於一個女仔來講呢個份量應該啱啱好。玉子嘅蛋香味都幾重,而且一件細細舊咁一啖一舊啱啱好,玉子入口食落亦唔會太油膩。香腸草入口嘅表面非常香脆,而且入口食落有好重嘅香草香味,雖然略帶有少少油膩,但小編覺得係屬於可接受範圍之內。獅子狗選用左香煎嘅方法製作,入口食落有少少外脆內軟嘅感覺,亦唔會太乾太硬,都有少少驚喜,而且滿足咗小編想食熱氣嘢嘅願望。芝麻醬菠菜嘅份量唔算太多,不過啲菠菜味唔會有浸草青味,而且配上芝麻醬感覺亦都好清爽。迷你貝果方面,貝果細細個咁真係好可愛,亦都彌補左定食份量偏小嘅問題。貝果入口食落帶有淡淡可可香味,而且貝果嘅質感亦保持店舖一貫嘅水準做到表面香脆內裏煙韌嘅感覺。整體來講,朝·定食嘅味道雖然唔算太特別,反而帶有一種平實嘅感覺,整體食物嘅水準都只係不過不失。
價格:HKD $88
-
🍴抹茶戚風蛋糕
評分:7/10
戚風蛋糕入口口感鬆軟,但就比較乾身,不過蛋糕就帶有淡淡的抹茶香味,配上香濃嘅豆乳味,令蛋糕嘅香氣都變得比較特別。而且蛋糕表面亦都放上左抹茶忌廉,忌廉入口質感輕盈,雖然忌廉本身嘅抹茶味就唔算太突出,但就帶有淡淡椰子香味,所以當抹茶忌廉配搭抹茶戚風蛋糕一齊食用時,成件蛋糕嘅味道都會更加豐富,亦都會令蛋糕變得較為濕潤少少。
價格:HKD $40
-
🍴摩卡咖啡Mocha
評分:7.5/10
Mocha嘅拉花雖然比較一般,賣相都唔係超靚嗰種,只係平平實實嘅感覺。不過比小編嘅感覺就好似好Rich咁,因為Dear嘅Mocha真係特別深色。Mocha入口飲落嘅味道唔會特別甜,但有香濃嘅可可香味,但又不失應有嘅咖啡味,咖啡入口有淡淡的堅果香味,配埋香濃可可成個味道真係超夾。值得一讚嘅係原本以為Mocha入口嘅味道會好甜,點知甜度適中不特止,可可香味都好突出。題外話,小編覺得佢哋呢一套咖啡杯真係超靚呀,飲杯Mocha都有開心咗嘅感覺。
價格:HKD $40
——————————
店舖名稱:Dear Coffee & Bakery
環境:4.5/5
服務:5/5
地址:大圍積運街2-8號海福花園地下22號舖
交通:港鐵大圍站E出口,步行約3分鐘
——————————
#hkfoodie_life_大圍
附近鐵路沿線仲有咩食👇
#hkfoodie_life_東鐵綫
#hkfoodie_life_屯馬綫
同類型食物嘅介紹👇
#hkfoodie_life_蛋糕
#hkfoodie_life_Café
#hkfoodie_life_Coffee
#hkfoodie_life_Brunch
「hkfoodie_life_戚風蛋糕」的推薦目錄:
hkfoodie_life_戚風蛋糕 在 HK Foodie Life Facebook 的最佳解答
📍sʜᴀᴍ sʜᴜɪ ᴘᴏ, ʜᴏɴɢ ᴋᴏɴɢ 🇭🇰
<茶香Cafe必食嘅伯爵茶蛋糕果然... TeaHub>
小編對於上次去Tea Hub食唔到伯爵茶戚風蛋糕一直都耿耿於懷🤷♀️所以上個禮拜就約埋朋友一齊去多次,好好彩今次終於食到喇👏
-
🍴茶食套餐
評分:8/10
今次茶食套餐嘅前菜小編就揀咗柚子汁豆腐,茶湯冷麵配柚子蜜漬蝦仁🍤同百香果雞翼。店舖嘅茶湯冷麵其實係以素麵配昆布烏龍茶湯☺️
柚子汁豆腐嘅味道入口食落有少少微酸,都幾開胃😯而且本身個豆腐味都幾突出,成個配搭啱啱好🤪至於個茶湯冷麵方面,天時暑熱食冷麵真係超正呀🤭麵條嘅軟硬度適中,仍然帶有少少爽滑嘅感覺☺️而且個茶湯本身帶有好重嘅昆布香味,所以整個冷麵入口嘅味道都唔會太過單調🤔而個柚子蜜漬蝦仁同百香果雞翼方面,柚子蜜漬蝦仁入口食落爽口,而且味道唔會太甜🤗帶有陣陣清香嘅柚子香味,同時蝦仁入口食落亦都有種柚子胡椒嘅香味😌所以成個蝦仁嘅味道都非常有層次🤫;百香果雞翼入口味道香甜,百香果味唔算太重反而食到有陣陣果味😅香濃嘅香橙味,令成個雞翼嘅味道都非常清新😆
價格:HKD $80(附前菜、飲品)
-
🍴蝶豆花芝士醬雲蛋多士
評分:7.5/10
多士表面塗上左加入蝶豆花製作嘅芝士醬🧀,表面放上以蛋白雲蛋同蛋黃🥚然後再放入焗爐,最後再喺多士嘅旁邊放上沙律菜🥬。
雲蛋多士個樣真係超級靚呀,藍色嘅芝士醬🥰表面仲要放上雲蛋,影相打卡真係超級靚啦😉入口味道方面,多士本身嘅麵包落外脆內軟,而且麵包入口食落嘅質感略帶煙韌😝配上帶有淡淡鹹香味嘅芝士醬,同香濃嘅蛋黃味,成件多士入口嘅口感味道都非常豐富😚另外,多士旁邊仲放咗少少沙律菜喺度,所以入口食落健康之餘,亦都非常飽肚,作為一個下午茶來講真係啱啱好😏
價格:HKD $64
-
🍴柚子戚風蛋糕
評分:7/10
原味戚風蛋糕嘅中間唧入左滿滿嘅牛乳忌廉🥛,蛋糕表面再放上加入左柚子醬製成嘅柚子忌廉,最後再喺蛋糕表面放上薄荷葉同果仁碎作裝飾🤪
蛋糕入口食落口感鬆軟而且濕潤,同時蛋糕亦都帶有香濃嘅雞蛋味🤗配上中間質感幼滑同大有香濃牛奶味嘅牛乳忌廉一齊食,兩者嘅味道互相輝映配合得天衣無縫😝而係戚風蛋糕表面嘅柚子忌廉中間夾雜着一粒粒嘅柚子係入面,所以成個忌廉嘅口感都會比較豐富😉而且味道亦都會比較清新,忌廉嘅味道亦都唔會太甜。整體來講,雖然蛋糕入面嘅柚子味唔算太重🤔有少少失望,不過單以味道來講已經算係相當唔錯😌
價格:HKD $55
-
🍴伯爵茶戚風蛋糕
評分:7.5/10
伯爵茶戚風蛋糕中間同樣係唧入咗牛乳忌廉🥛,表面再放上加入左伯爵茶茶葉製作嘅伯爵茶忌廉🥰最後就係蛋糕表面放上車矢菊、果仁碎同薄荷葉作裝飾😝
呢一款戚風蛋糕小編上次已經超級想試㗎啦,不過當時去到就賣晒😔所以今次去到仲有喎,就梗係即刻叫個啦!戚風蛋糕入口食落口感鬆軟,而且中間有大量嘅伯爵茶茶葉碎喺度😜所以連蛋糕入口食物都有淡淡的伯爵茶香味。配上牛乳忌廉一齊食,牛乳同伯爵茶兩隻嘅味道比例調配得啱啱好😚所以成個蛋糕入口食落嘅味道都唔會過於單一。連埋蛋糕表面嘅伯爵茶忌廉一齊食,整個蛋糕嘅伯爵茶味就會更加突出😋的確係相當唔錯,難怪會成為搶手貨😳
價格:HKD $55
-
🍴大紅袍雪糕
評分:7.5/10
大紅袍雪糕入口食落茶香味濃😘而且雪糕嘅甜度比較低,大紅袍嘅茶香味突出,雪糕入口食落都唔會食到有一粒粒嘅冰粒,冰感唔算太重🤔而且雪糕嘅質感都尚算幼滑。另外,喺雪糕球底下有啲粟米片喺度,所以入口口感都非常豐富😏
價格:HKD $18
-
🍴DIY抹茶鮮奶
評分:7.5/10
呢一杯抹茶鮮奶要自己落手落腳整㗎😌首先要用茶筅將宇治抹茶刷攪至形成濃厚泡沫,然後再倒入鮮奶裏面,製作出呢一杯抹茶鮮奶😏
你一杯抹茶鮮奶真係玩味十足,飲得又玩得😎小編係將抹茶倒入鮮奶之前就試咗抹茶本身個味道,抹茶入口飲落有回甘,而且略帶有少少苦澀味☺️仔細品嚐下就覺得有啲似Kitkat抹茶朱古力嘅香味😂抹茶鮮奶入口嘅抹茶味仍然非常香濃,不過就冇咗回甘嗰種香味🤔但就仍然會帶有少少苦澀味,而且抹茶鮮奶入口嘅味道亦都唔會太甜,質感亦非常幼滑😋
價格:HKD $41
-
🍴玫瑰阿薩姆奶茶
評分:7/10
呢一杯奶茶以阿薩姆紅茶☕️配上鮮奶🥛,混合玫瑰糖漿🌹調配而成。
奶茶入口嘅茶香味雖然唔算太重,但隱約仍然可以飲到有阿薩姆紅茶嘅香味😚而且當中又會夾雜着淡淡嘅鮮奶香味,所以兩者嘅味道都平衡得啱啱好😜再者,奶茶入口亦都會飲都有香甜嘅玫瑰香味,而且奶茶嘅味道亦都唔會太甜🤗
價格:HKD $41
——————————
店舖名稱:TEA HUB
環境:5/5
服務:4.5/5
地址:深水埗順寧道439號順寧居地下2號舖
交通:港鐵長沙灣站C2出口,步行約7分鐘
——————————
#hkfoodie_life_深水埗
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_蛋糕
#hkfoodie_life_Café
.
.
.
.
.
#TeaHub #chiffon #cheesecake #matcha #matchaholic #戚風蛋糕 #伯爵茶戚風蛋糕 #伯爵茶蛋糕 #伯爵茶控 #雲蛋多士
hkfoodie_life_戚風蛋糕 在 HK Foodie Life Facebook 的最讚貼文
📍sʜᴀᴍ sʜᴜɪ ᴘᴏ, ʜᴏɴɢ ᴋᴏɴɢ 🇭🇰
<深水埗以茶入饌文青小店 TeaHub>
其實小編Bookmark左呢間餐廳好耐㗎啦☺️不過一直都唔係好敢去,N咁多樣嘢想試😏絕對冇可能食得晒😳但係近日小編終於夾到時間拉大隊去試啦👏
Tea Hub係一間以茶做主題嘅餐廳,小店所有嘅食物都以茶入饌☕️,而且飲品亦都有好多唔同嘅茶類選擇。另外,小店嘅裝潢簡約🥰以白色配淺木色,有啲小清新,同時亦充滿文清風😜
-
🍴燒雜菜咖喱蛋包飯
評分:7.5/10
蛋包飯以滑蛋蓋上白飯🍚,旁邊再淋上咖喱汁🥘,同放上以薯仔🥔、蘿蔔🥕、黃椒、紅椒、洋蔥同茄子🍆配上茶葉調味炒制而成嘅燒雜菜。
蛋包飯入口食落有非常重嘅蛋香味🤤而且滑蛋煮到半熟嘅質感非常嫩滑,配埋個日式咖喱汁🍛一齊食非常有日式風味,而且咖喱汁本身質感比較稀,味道好香但係唔辣😜所以同蛋包飯本身嘅味道都非常夾😳至於個燒雜菜方面,雜菜粒口感軟淋,而且亦都非常入味,但食落真係唔係太食得出有茶香味😂不過入口食物就非常惹味😜整體來講,呢一碟蛋包飯嘅味道都相當唔錯,雖然只有雜菜,但亦相當好味😆
價格:HKD $80(附前菜、飲品)
-
🍴黑芝麻戚風蛋糕
評分:7.5/10
黑漆漆嘅蛋糕加入左日本芝麻醬製作🤫而且當中嘅忌廉亦都加入左磨碎嘅黑芝麻,絕對係芝味十足😉
小編試唔到佢哋嘅招牌茶味戚風蛋糕確實有少少失望😔不過好彩呢一個黑芝麻戚風蛋糕即係相當唔錯🤪蛋糕足足有成3.5吋,絕對夠兩個人食🤔而且入口有好香嘅黑芝麻香味,但又唔會好甜同有浸焦味,而且蛋糕入口口感鬆軟😋雖然就唔算太濕潤,不過中間有啲牛乳忌廉同黑芝麻忌廉,所以入口亦唔會太乾身😝牛乳忌廉方面,入口有好重嘅奶香味,質感亦非常幼滑,而且甜度亦比較低🤭至於個黑芝麻忌廉方面,入口會食到有類似芝麻碎嘅口感,所以入口亦會有比較香嘅芝麻味😏而且亦都會令成件蛋糕嘅口感更加豐富🤓
價格:HKD $55
-
🍴桂花豆腐芝士蛋糕
評分:7.5/10
🍰蛋糕以豆腐芝士蛋糕🧀配搭桂花啫喱🌼,表面再淋上少少桂花蜜製成,蛋糕感覺上都比較清新🤗
蛋糕一入口由於表面嘅桂花啫喱影響,所以入口會食到有好重嘅桂花香味😝跟住就會有少少芝士味走出嚟,最後先會食到有豆腐嘅香味😯成件蛋糕整體嘅味道都比較香甜而且清淡🥰芝士蛋糕嘅質感並唔係好結實嗰種,反而帶有少少軟身,有些少似食緊慕絲嘅質感🤔都幾特別。餅底亦都屬於比較結實嗰種,所以入口口感會比較鬆脆😎而且芝士蛋糕表面仲有一層桂花啫喱喺度,爽滑嘅啫喱亦都豐富左成件蛋糕嘅口感😆
價格:HKD $36
-
🍴伯爵茶蝶豆花卷蛋
評分:7.5/10
卷蛋嘅蛋糕本身加入左蝶豆花入去製作🤗製作出藍色嘅蛋糕睇。而中間就係混合左伯爵茶嘅忌廉,卷蛋表面再以矢車菊作裝飾☺️
藍色嘅蝶豆花卷蛋真係非常搶眼😍雖然旁邊嘅伴碟簡單,但亦都係非常之靚,有種簡約美嘅感覺🤫卷蛋入口口感鬆軟濕潤,而且甜度亦比較低😚同時因為蝶豆花入口都無味嘅,所以食落有淡淡的蛋香味。至於中間嘅伯爵茶忌廉方面,忌廉入口口感軟滑🤗而且食落亦有比較重嘅奶香味,隱約間亦都可以食到有少少伯爵茶獨有嘅佛手柑香味,但本身伯爵茶嘅茶香味唔算太重🤫只係淡淡地咁樣,所以卷蛋整體嘅味道亦都屬於比較清新,相信即使唔係伯爵茶愛好者但應該都可以接受到嗰種香味🥰
價格:HKD $36
-
🍴冷泡玫瑰祈門紅茶
評分:7.5/10
冷泡茶入口紅茶味香濃,隱約飲到帶有少少玫瑰花香味😳而且冷泡茶入口味道完全一啲都唔甜,以餐飲來講仲要唔使加錢真係超級抵☺️不過茶飲入面嘅冰涼有少少多,就算杯飲品飲晒都仲有冰喺度,真係超級誇張🤣不過就冇話飲到有頭痛嘅情況出現,所以都算係咁啦😁
價格:HKD $FREE(跟餐)
-
🍴櫻花奶茶
評分:7/10
櫻花奶茶以櫻花泥🌸、黑茶☕️同鮮奶🥛調配而成,成杯飲品嘅感覺都非常春日😜
奶茶入口嘅奶香味都幾重,喺好重嘅白豆蓉香味當中隱約飲到有少少黑茶嘅茶香味🤭但個櫻花味依然都係幾香,並唔係臭怪味嘅櫻花味😝不過奶茶整體入口嘅味道有少少偏甜🤔可能係因為個白豆蓉本身都自帶甜味嘅影響。另外,奶茶入口嘅口感都尚算細膩,所以總括來講都算係唔錯😳
價格:HKD $42
-
🍴蘋果花紅茶
評分:7.5/10
茶飲本身嘅紅茶味比較重😏隱約間會飲到有少少花香味,仲帶有少少甜甜地嘅蘋果果香味添😋所以茶飲飲起嚟亦好順喉,唔會太濃味😘而且茶飲入口嘅味道亦非常有層次。再者,茶飲聞落亦有輕微嘅蘋果香味😆
價格:HKD $35
——————————
店舖名稱:TEA HUB
環境:4.5/5
服務:5/5
地址:深水埗順寧道439號順寧居地下2號舖
交通:港鐵長沙灣站C2出口,步行約7分鐘
——————————
#hkfoodie_life_深水埗
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_蛋糕
.
.
.
.
.
#TeaHub #chiffon #cheesecake #戚風蛋糕 #蛋包飯 #芝士蛋糕
hkfoodie_life_戚風蛋糕 在 天然呆戚風蛋糕手作工坊 - Facebook 的推薦與評價
鮮奶油做了點小小宮廷風的設計,賞心悅目,看了也開心~~希望你也會喜歡唷! 內容物: 原味米戚風蛋糕體(可換成可可或香蕉口味) 夾層共兩層示範蛋糕為~ ... <看更多>
hkfoodie_life_戚風蛋糕 在 紅絲絨裸蛋糕 聖誕戚風蛋糕 Red Velvet Naked Cake - YouTube 的推薦與評價
開啟字幕CC有詳細步驟***RECIPE(6 inch mold)▽材料Ingredients粟米油Corn Oil 30g牛奶Milk 40mlRed Yeast / Red velvet powder紅麴粉/ 紅絲絨粉10g低 ... ... <看更多>